ផ្ទះនៅសង្គមត្រូវតែមានលក្ខណៈហេដ្ឋរចនាសម្ព័ន្ធគ្រប់គ្រាន់

រសៀលថ្ងៃទី៦ មីនា នៅរដ្ឋធានីហាណូយ នាយករដ្ឋមន្ត្រីផាមមិញជិញ ធ្វើជាអធិបតីសន្និបាតតាមប្រព័្ធបន្តរផ្ទាល់ទូទាំងប្រទេសស្តីពីការជម្នះការលំបាក បញ្ហានានាជំរុញការអភិវឌ្ឍផ្ទះនៅសង្គម។ នៅកន្លែងបន្តផ្ទាល់ខេត្តសុកត្រាំង សមមិត្តត្រឹងវ៉ាំងឡូវ-អនុលេខាបក្សខេត្ត ប្រធានគណៈកម្មាធិការប្រជាជនខេត្ត ព្រមទាំងថ្នាក់ដឹកនាំ បណ្តាមន្ទីរ ផ្នែកពាក់ព័ន្ធបានចូលរួម។

យោងតាមអនុរដ្ឋមន្ត្រីក្រសួងសាងសង់ ង្វៀងវ៉ាំងស៊ិន នាពេលកន្លង រដ្ឋាភិបាល នាយករដ្ឋមន្ត្រីបានអនុម័តជិត២០ឯកសារជិត រួមមាន សេចក្តីសម្រេច សារាចរ សារទូរលេខ។ល។ ជាមួយនឹងដំណោះស្រាយ ភារកិច្ចជាក់ស្តែងនិងការប្តូរផ្តាច់ជាច្រើន ដើម្បីជម្នះការលំបាក បញ្ហានានាផ្តោតលើការអនុវត្តឱ្យបានឆាប់រហ័ស មានប្រសិទ្ធភាពនៃគម្រោង “ការវិនិយោគលើកាសាងសង់ផ្ទះនៅសង្គមយ៉ាងតិចបំផុត១លានខ្នងដល់មុខសញ្ញាដែលមានប្រាក់ចំណូលទាប កម្មករមណ្ឌលឧស្សាហកម្ម ក្នុងដំណាក់កាល២០២១-២០៣០”។

ថ្នាក់ដឹកនាំគណៈកម្មាធិការប្រជាជនខេត្តសុកត្រាំងនិងបណ្តាមន្ទីរ ផ្នែកចូលរួមសន្និបាតតាមប្រព័ន្ធអនឡាយនៅកន្លែងបន្តផ្ទាល់គណៈកម្មាធិការប្រជាជនខេត្ត។

ថ្នាក់ដឹកនាំគណៈកម្មាធិការប្រជាជនខេត្តសុកត្រាំងនិងបណ្តាមន្ទីរ ផ្នែកចូលរួមសន្និបាតតាមប្រព័ន្ធនៅកន្លែងបន្តផ្ទាល់គណៈកម្មាធិការប្រជាជនខេត្ត។

មកដល់ពេលនេះ ក្នុងទូទាំងប្រទេសមានភូមិភាគចំនួន១០ បានបញ្ចូលគោលដៅអភិវឌ្ឍផ្ទះនៅសង្គមក្នុងផែនការអភិវឌ្ឍសេដ្ឋកិច្ច-សង្គមប្រចាំឆ្នាំនិង៥ឆ្នាំរបស់ភូមិភាគ។ តាមរបាយការណ៍របស់ភូមិភាគ ក្នុងដំណាក់កាលចាប់ពីឆ្នាំ២០២១ដល់បច្ចុប្បន្ន ទូទាំងប្រទេសមាន៦៥៥គម្រោងផ្ទះនៅសង្គម ត្រូវបានអនុវត្ត ជាមួយនឹងទំហំ៥៩៣.៤២៨ខ្នង។ ដោយឡែកក្នុងឆ្នាំ២០២៤ ទូទាំងប្រទេសមាន២៨គម្រោង ជាមួយនឹងទំហំ២០.២៨៤ខ្នងដែលបានសម្រេច ២៣គម្រោង មានទំហំ២៥.៣៩៩ខ្នង បានផ្តល់លិខិតអនុញ្ញាត ចាប់ផ្តើមសាងសង់។ ឆ្នាំ២០២៤ ចំនួនគម្រោងដែលបានអនុម័តលើគោលនយោបាយវិនិយោគមាន១១៣គម្រោង ប្រហាក់ប្រហែលនឹង១៤២.៤៥០ខ្នង។ មាន២៦គម្រោង មានទំហំ២៧.៨១៩ខ្នង បានផ្តល់លិខិតអនុញ្ញាត ចាប់ផ្តើមសាងសង់។ មកដល់ពេលនេះ មាន១០៣គម្រោង មានទំហំ៦៦.៧៥៥ខ្នង ដែលបានសម្រេច។

ថ្លែងប្រសាសន៍ក្នុងសន្និបាត នាយករដ្ឋមន្ត្រីផាមមិញជិញ បានអះអាងថា តម្រូវការផ្ទះនៅសង្គមមានច្រើនណាស់។ អាស្រ័យហេតុនេះ បណ្តាស្ថាប័នត្រូវដាក់ខ្លួនក្នុងតួនាទីរបស់អ្នកដែលត្រូវការដោះស្រាយ អនុវត្តការងារទៅតាមមុខងារ ភារកិច្ច សិទ្ធិសម្រេចរបស់ខ្លួន។ បណ្តាភូមិភាគដែលបានប្រគល់គោលដៅច្បាស់លាស់សម្រាប់ការសាងសង់ផ្ទះនៅសង្គម ត្រូវចាត់ទុកថា នេះជាភារកិច្ចនយោបាយ ជាមួយទស្សនៈយកប្រជាជន ជាប្រធានបទ ប្រជាជនជាកត្តាសម្រេចក្នុងការអភិវឌ្ឍគោលនយោបាយត្រូវតែឆ្ពោះដល់ប្រជាជន។

នាយករដ្ឋមន្ត្រី ស្នើឱ្យចាត់តាំងពិធីប្រឡងរចនាស្ថាបត្យកម្មផ្ទះនៅសង្គម ដើម្បីមានគំរូផ្ទះដែលសមស្របតាមលក្ខណៈ ទេសភាព វប្បធម៌ អាកាសធាតុនៃតំបន់នីមួយៗ ឆ្លើយតបនឹងតម្រូវការរបស់អ្នកប្រើប្រាស់ ប៉ុន្តែនៅតែរឹងមាំ ភ្លឺ-បៃតង-ស្អាត។ ទន្ទឹមនឹងនោះ រៀនសូត្រស្រាវជ្រាវពីការសាងសង់ផ្ទះនៅសង្គមដោយការតភ្ជាប់បេតុងរឹងមាំ។

ទាក់ទងនឹងនីតិវិធី តាមនាយករដ្ឋមន្ត្រី ត្រូវបង្កយន្តការ គោលនយោបាយ ដោយអំពាវនាវឱ្យអាជីវកម្មចាត់វិធានការឱ្យបានឆាប់ កាត់បន្ថយនីតិវិធី ដោយស្មារតីដើម្បីប្រជាជន ដើម្បីប្រទេសជាតិ។ ព្រមជាមួយនោះ គណៈកម្មាធិការបក្ស រដ្ឋអំណាចភូមិភាគត្រូវតែរួមដំណើរ ឧបត្ថម្ភអ្នកម៉ៅការ មិនទុកឱ្យពួកគេនៅម្នាក់ឯងលើការដ្ឋានសំណង់ឡើយ កៀរគរការចូលរួមពីប្រព័ន្ធនយោបាយ ការចូលរួមពីកងកម្លាំងដូចជា យុវជន នារី នរណាមានអីជួយហ្នឹង ដើម្បីបង្ករជាកម្លាំងរួម។ នាយករដ្ឋមន្ត្រីផាមមិញជិញ បានកត់សំគាល់ថា ផ្ទះនៅសង្គមត្រូវមានលក្ខណៈហេដ្ឋារចនាសម្ព័ន្ធគ្រប់គ្រាន់ដូចជា ផ្ទះនៅពាណិជ្ជកម្ម ប៉ុន្តែភាពខុសគ្នា គឺរដ្ឋមានគោលនយោបាយជំនួយឧបត្ថម្ភ៕

ហាយហា-លីហាន់

ផ្ទះនៅសង្គមត្រូវតែមានលក្ខណៈហេដ្ឋរចនាសម្ព័ន្ធគ្រប់គ្រាន់

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង

ផ្ទះនៅសង្គមត្រូវតែមានលក្ខណៈហេដ្ឋរចនាសម្ព័ន្ធគ្រប់គ្រាន់

Thông tin bạn đọc

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង