ព្រឹក្សថ្ងៃទី១៧ កុម្ភៈ គណៈជនជាតិខេត្តសុកត្រាំង បានចាត់តាំងសន្និបាតបូកសរុប វាយតម្លៃលទ្ធផលអនុវត្តសេចក្តីសម្រេចលេខ១៧/ ២០១៩/NQ-HĐND ចុះថ្ងៃទី៦ ធ្នូ ឆ្នាំ២០១៩ នៃក្រុមប្រឹក្សាប្រជាជនខេត្តសុកត្រាំង កំណត់នូវគោលនយោបាយពិសេសសម្រាប់ឧបត្ថម្ភអ្នកបង្រៀនភាសានិងអក្សរខ្មែរ នារដូវវិស្សមកាល ភាសានិងអក្សរហ្វា នៅតាមសាលាក្រៅប្រព័ន្ធសាលារដ្ឋលើភូមិដ្ឋានខេត្តសុកត្រាំង (ហៅកាត់ថាសេចក្តីសម្រេចលេខ១៧)។ ចូលរួមសន្និបាតមានសមមិត្តឡឹមហ្វាងម៉ូវ-ប្រធានគណៈជនជាតិខេត្ត ព្រះឧបជ្ឈាយ៍តាំងណោ-សុធម្មាធិបតីរង ក្រុមប្រឹក្សាវិន័យធ័រពុទ្ធសាសនាវៀតណាម ប្រធានគណៈអភិបាលសមាគមពុទ្ធសាសនាវៀតណាមខេត្ត ប្រធានសមាគមព្រះសង្ឃសាមគ្គីស្នេហាជាតិខេត្ត ព្រះចៅអធិការវត្តឃ្លាំង តំណាងថ្នាក់ដឹកនាំបណ្តាមន្ទីរ គណៈផ្នែកខេត្ត ថ្នាក់ដឹកនាំប្រធានអនុមន្ទីរជនជាតិបណ្តាស្រុក ទីរួមខេត្ត។
នាពេលកន្លង ការងារអប់រំនិងបណ្តុះបណ្តាលភាសា អក្សររបស់ជនជាតិភាគតិច គណៈកម្មាធិការបក្ស គណៈកម្មាធិការប្រជាជនខេត្ត យកចិត្តទុកដាក់ចង្អុលការអនុវត្តពិសេសគោលនយោបាយសម្រាប់អ្នកគ្រប់គ្រង គ្រូបង្រៀននិងគោលនយោបាយសម្រាប់កុមារ សិស្ស និស្សិតជនជាតិភាគតិចឱ្យបានគ្រប់គ្រាន់ ទាន់ពេល ត្រឹមត្រូវតាមការកំណត់។
 |
| សមមិត្តឡឹមហ្វាងម៉ូវ-ប្រធានគណៈជនជាតិខេត្តសុកត្រាំង ថ្លែងប្រសាសន៍ក្នុងសន្និបាត។ |
ក្នុងទូទាំងខេត្តមានសាលាវិទ្យាល័យជនជាតិអន្តេវាសិកចំនួន១០ មាន១០២ថ្នាក់ មានសិស្ស៣.៤៥៥រូប សាលាមធ្យមសិក្សាបាលីណាមបូ មានព្រះសង្ឃ២៥៥អង្គកំពុងសិក្សា។ ពីការបង្រៀននិងរៀនភាសា អក្សរខ្មែរឆ្នាំសិក្សា២០២៣-២០២៤ ទូទាំងខេត្តមានសាលាបង្រៀនភាសាខ្មែរចំនួន១៣១ មាន១.៦៧០ថ្នាក់ មានសិស្ស៤៤.១៨៦រូប។ ចំពោះការបង្រៀនភាសានិងអក្សរហ្វា ទូទាំងខេត្តមានសាលាចំនួន៤ មាន៥១ថ្នាក់ មានសិស្ស១.២៩៣រូប។ ចាប់ពីឆ្នាំសិក្សា២០២០-២០២៤ គោលនយោបាយជួយឧបត្ថម្ភថវិកាដល់អ្នកបង្រៀនភាសា អក្សរខ្មែរនារដូវវិស្សមកាលនិងអក្សរហ្វានៅតាមសាលាក្រៅប្រព័ន្ធសាលារដ្ឋនៅលើភូមិដ្ឋានខេត្ត គឺជិត១២ពាន់លានដុង។
រៀងរាល់ឆ្នាំ បណ្តាអង្គភាពតែងគួបផ្សំការឃោសនាគោលនយោបាយក្នុងសន្និបាតព័ត៌មានពីគោលនយោបាយ បណ្តាការឃោសនា ផ្សព្វផ្សាយ អប់រំច្បាប់ គោលនយោបាយជនជាតិដល់មុខសញ្ញាជាកងជួរកម្មាភិបាល និយោជិតបំពេញការងារជនជាតិពីខេត្តដល់មូលដ្ឋាន ព្រះសង្ឃខ្មែរ សមាគមជនជាតិហ្វា បញ្ញវន្ត អ្នកមានប្រិយភាព កងជួរអ្នកឃោសនានៅមូលដ្ឋាននិងជនជាតិភាគតិច ដើម្បីលើកកម្ពស់ការយល់ដឹង ទទួលខុសត្រូវក្នុងទូទាំងសង្គមអំពីការអនុវត្តសេចក្តីសម្រេចលេខ១៧។
ថ្លែងប្រសាសន៍ក្នុងសន្និបាត សមមិត្តឡឹមហ្វាងម៉ូវ បានកត់សំគាល់និងស្ងើចសរសើរចំពោះលទ្ធផលបង្រៀនភាសានិងអក្សររបស់ជនជាតិភាគតិចនៅលើភូមិដ្ឋានខេត្តនាពេលកន្លង។ ប្រធានគណៈជនជាតិខេត្ត បានលើកឡើងពីការងារដែលត្រូវធ្វើ នោះគឺការយកចិត្តទុកដាក់ដល់មូលដ្ឋានសម្ភារៈ ដើម្បីបំពេញតម្រូវការបង្រៀននិងរៀន ប្រាក់ចំណាយដល់អ្នកបង្រៀនភាសានិងអក្សរខ្មែរ ហ្វា សៀវភៅបង្រៀនអក្សរខ្មែរនៅតាមវត្តនិងតាមសាលាបង្រៀនអក្សរហ្វា។ នាពេលខាងមុខ បណ្តាគណៈផ្នែកនិងភូមិភាគត្រូវសហការព្រមៗគ្នាក្នុងការផ្សព្វផ្សាយអនុវត្តគោលនយោបាយ ពិសេស ការងារត្រួតពិនិត្យ តាមដាននិងវាយតម្លៃគុណភាព លទ្ធផលនៃការបង្រៀនភាសានិងអក្សរខ្មែរ ហ្វា…៕
ហុងទើ-លីហាន់
Thông tin bạn đọc
Đóng Lưu thông tin