ព្រឹកថ្ងៃទី១៨ កុម្ភៈ នៅគណៈកម្មាធិការប្រជាជនទីក្រុងសុកត្រាំង គណៈអចិន្ត្រៃយ៍ក្រុមប្រឹក្សាប្រជាជនទីក្រុងសុកត្រាំង នីតិកាលទី១២ អាណត្តិកាល២០២១-២០២៦ បានបើកសម័យប្រជុំលើកទី២០ (ប្រធានបទ) ដើម្បីសម្រេចលើបញ្ហាដែលស្ថិតនៅក្រោមសិទ្ធិសម្រេច។ សមមិត្តង្វៀងធី គីវលិន-អនុលេខាប្រចាំការបក្សទីក្រុង ប្រធានក្រុមប្រឹក្សាប្រជាជនទីក្រុង ធ្វើជាអធិបតីសម័យប្រជុំ។ អញ្ជើញចូលរួមសម័យប្រជុំក៏មានថ្នាក់ដឹកនាំគណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមទីក្រុង តំណាងក្រុមប្រឹក្សាប្រជាជនទីក្រុងនិងអ្នកបោះឆ្នោតទីក្រុងសុកត្រាំង។
 |
| តំណាងចូលរួមសម័យប្រជុំលើកទី២០ នៃក្រុមប្រឹក្សាប្រជាជនទីក្រុងសុកត្រាំង អាណត្តិកាល២០២១-២០២៦។ |
នៅសម័យប្រជុំ ក្រុមប្រឹក្សាប្រជាជនទីក្រុង បានអនុម័តលើរបាយការណ៍ពិនិត្យរបស់គណៈច្បាប់នៃក្រុមប្រឹក្សាប្រជាជនទីក្រុងនិងពិនិត្យ ពិភាក្សាសេចក្តីរាយការណ៍របស់គណៈកម្មាធិការប្រជាជនទីក្រុង ស្តីពីគម្រោងរៀបចំឡើងវិញនូវស្ថាប័នជំនាញក្រោមការដឹកនាំគណៈកម្មាធិការប្រជាជនទីក្រុងសុកត្រាំង ខេត្តសុកត្រាំង។ តាមរបាយការណ៍បច្ចុប្បន្ន គណៈកម្មាធិការប្រជាជនទីក្រុងសុកត្រាំង មានស្ថាប័នជំនាញចំនួន១១។ បន្ទាប់ពីរៀបចំឡើងវិញ គណៈកម្មាធិការប្រជាជនទីក្រុង មានស្ថាប័នជំនាញចំនួន៩និង១អង្គភាពបុព្វហេតុចំណុះការិយាល័យ (បន្ថយស្ថាប័នជំនាញចំនួន២) រួមមានការិយាល័យក្រុមប្រឹក្សាប្រជាជននិងគណៈកម្មាធិការប្រជាជន អនុមន្ទីរផ្ទៃក្នុង អនុមន្ទីរហិរញ្ញវត្ថុ-ផែនការ អនុមន្ទីរអប់រំនិងបណ្តុះបណ្តាល អនុមន្ទីរយុត្តិធម៌ អធិការកិច្ចទីក្រុង អនុមន្ទីរធនធាននិងបរិស្ថាន អនុមន្ទីរវប្បធម៌ វិទ្យាសាស្ត្រនិងព័ត៌មាន អនុមន្ទីរសេដ្ឋកិច្ច ហេដ្ឋារចនាសម្ព័ន្ធនិងទីក្រុង។
លើស្មារតីម៉ឺងម៉ាត់ ទទួលខុសត្រូវ តំណាងបានអនុម័តនូវសេចក្តីសម្រេចក្នុងសម័យប្រជុំ។
ថ្លែងប្រសាសន៍បិទសម័យប្រជុំ សមមិត្តង្វៀងធីគីវលិន បានសង្កត់ថាលើមូលដ្ឋាននៃការពិភាក្សាផ្តោតសំខាន់ ប្រជាធិបតេយ្យ ពិនិត្យរបាយការណ៍របស់គណៈកម្មាធិការប្រជាជនទីក្រុងនិងរាយការណ៍របស់គណៈច្បាប់ ក្រុមប្រឹក្សាប្រជាជនទីក្រុង ក្រុមប្រឹក្សាប្រជាជនទីក្រុងបានពិភាក្សា ពិនិត្យ ឯកភាពអនុម័តលើសេចក្តីព្រាងសេចក្តីសម្រេច ស្តីពីគោលនយោបាយរៀបចំឡើងវិញនូវស្ថាប័នជំនាញក្រោមការដឹកនាំគណៈកម្មាធិការប្រជាជនទីក្រុងសុកត្រាំង។ ការបង្កើតស្ថានប័នជំនាញក្រោមការដឹកនាំរបស់គណៈកម្មាធិការប្រជាជនទីក្រុង គឺអនុវត្តគោលនយោបាយរបស់បក្ស រដ្ឋ ស្តីពីការរៀបចំប្រព័ន្ធគ្រប់គ្រងតាមការបម្រួញ សកម្មភាពប្រកបដោយសុពលភាព ប្រសិទ្ធភាព ធានាបានព្រមៗគ្នា ឯកភាពការតភ្ជាប់ក្នុងការគ្រប់គ្រងរដ្ឋជាមួយនឹងផ្នែក វិស័យពីថ្នាក់មជ្ឈិមដល់មូលដ្ឋាន បន្ថយចំនួនស្ថាប័នជំនាញដែលពាក់ព័ន្ធនឹងការរៀបចំរចនាសម្ព័ន្ធឡើងវិញនិងការលើកកម្ពស់គុណភាព កងជួរកម្មាភិបាល និយោជិត បុគ្គលិកដែលមានចំនួន រៀបចំសមហេតុផល មានចរិតលក្ខណៈ សីលធម៌ សមត្ថភាពដើម្បី បំពេញតម្រូវការក្នុងដំណាក់កាលបច្ចុប្បន្ន បន្ថយការចំណាយថវិការដ្ឋ ធានាបានតម្រូវការគ្រប់គ្រង ដឹកនាំ ប្រមូលផ្តុំប្រភពកម្លាំងរបស់រដ្ឋនិងសង្គមសម្រាប់ការអភិវឌ្ឍសេដ្ឋកិច្ច-សង្គម ធានាសន្តិសុខការពារជាតិ។ ឆ្លងតាមនោះ ប្រគល់គណៈកម្មាធិការប្រជាជនទីក្រុង ចាត់តាំងផ្សព្វផ្សាយអនុវត្តដំណោះស្រាយ ដើម្បីធានាបានតាមការកំណត់នៃច្បាប់។ ទន្ទឹមនឹងនោះ ចាត់តាំងប្រកាសសេចក្តីសម្រេចនិងសេចក្តីសម្រេចក្នុងការរៀបចំប្រព័ន្ធគ្រប់គ្រងនិងប្រញាប់ធ្វើសំណុំបែបបទ លើកជូនគណៈកម្មាធិការប្រជាជនខេត្ត តាមពេលវេលាដែលបានកំណត់៕
ហ្វិញញឺ-លីហាន់
Thông tin bạn đọc
Đóng Lưu thông tin