ព្រឹកថ្ងៃទី២៨ សមមិត្តឡឹមវ៉ាំងម៉ឹង-សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្តសុកត្រាំងនិងសមមិត្តត្រឹងវ៉ាំងឡូវ-អនុលេខាបក្សខេត្ត ប្រធានគណៈកម្មាធិការប្រជាជនខេត្តសុកត្រាំង បានធ្វើការជាមួយក្រុមហ៊ុនចំកាត់Dintsunវៀតណាមទាក់ទងនឹងបណ្តុំឧស្សាហកម្មសីដាបេ។ អញ្ជើញចូលរួមក្នុងកិច្ចប្រជុំនៅមានថ្នាក់ដឹកនាំបណ្តាមន្ទីរ គណៈផ្នែកខេត្តនិងគណៈកម្មាធិការប្រជាជនស្រុកចូវថាញ់ (សុកត្រាំង)។
តាមក្រុមហ៊ុនចំកាត់ Dintsun វៀតណាម គិតមកដល់ថ្ងៃទី២៨ កុម្ភៈ ឆ្នាំ២០២៥ បណ្តុំឧស្សាហកម្មសីដាបេ ដែលបានអាជីវកម្មវិនិយោគហេដ្ឋារចនាសម្ព័ន្ធ សម្រេច១០០% ដូចជា ប្រព័ន្ធផ្លូវថ្នល់ ចិញ្ចើមផ្លូវ ប្រព័ន្ធបង្ហូតទឹកភ្លៀង សំណង់បង្ហូតទឹកសំណល់។ល។ បច្ចុប្បន្ន កំពុងអនុវត្តលិខិតអនុញ្ញាតសម្រេចការបង្ការពន្លត់អគ្គិភ័យ លិខិតអនុញ្ញាតបរិស្ថាននិងអនុញ្ញាតសម្រេចហេដ្ឋារចនាសម្ព័ន្ធ ធានាបាននូវមូលដ្ឋានច្បាប់សម្រាប់បណ្តុំឧស្សាហកម្មចូលដំណើរការ។ យោងតាមក្រុមហ៊ុន បម្រុងនៅថ្ងៃទី៤ មេសា ឆ្នាំ២០២៥ នឹងសម្ពោធបណ្តុំឧស្សាហកម្មសីដាបេ ដោយមានតំណាងភ្ញៀវកិត្តិយសប្រហែល១៣០-១៥០រូប។
 |
| ទិដ្ឋភាពនៃពិធីធ្វើការជាមួយក្រុមហ៊ុនចំកាត់ Dintsun វៀតណាម។ |
សមមិត្តត្រឹងវ៉ាំងឡូវ-អនុលេខាបក្សខេត្ត ប្រធានគណៈកម្មាធិការប្រជាជនខេត្តសុកត្រាំង បានវាយតម្លៃខ្ពស់ចំពោះការខិតខំប្រឹងប្រែងរបស់ក្រុមហ៊ុន Dintsun វៀតណាមក្នុងការវិនិយោគលើការកសាងហេដ្ឋារចនាសម្ព័ន្ធបណ្តុំឧស្សាហកម្មសីដាបេ ក្រោយពេលដាក់ឱ្យប្រើប្រាស់នឹងរួមចំណែកដោះស្រាយការងារធ្វើ ប្រាក់ចំណូលជូនប្រជាជន។ ឆ្លងតាមនោះ ដោយយល់ស្របនឹងផែនការចាត់តាំងសម្ពោធបណ្តុំឧស្សាហកម្ម ប៉ុន្តែត្រូវកែសម្រួលពេលវេលាចាត់តាំងពិធីសម្ពោធឱ្យសមស្រប។
ប្រធានគណៈកម្មាធិការប្រជាជនខេត្តត្រឹងវ៉ាំងឡូវ ក៏បានកត់សំគាល់នូវការស្នើរបស់ក្រុមហ៊ុនដែលទាក់ទងនឹងបញ្ហាមួយចំនួននិងបានចាត់ឱ្យបណ្តាមន្ទីរ គណៈផ្នែកខេត្ត ដើម្បីទទួលនិងឧបត្ថម្ភអនុវត្តនីតិវិធីច្បាប់តាមការកំណត់នៃច្បាប់។ ខាងក្រុមហ៊ុនត្រូវអនុវត្តនីតិវិធីឱ្យបានទាន់ពេល ដើម្បីបណ្តុំឧស្សាហកម្មសីដាបេ មានលក្ខណៈគ្រប់គ្រាន់សម្រាប់ដំណើរការនិងសម្ពោធដាក់ឱ្យប្រើប្រាស់តាមការបម្រុង៕
ហ្វាងឡាង-លីហាន់
Thông tin bạn đọc
Đóng Lưu thông tin