នាយករដ្ឋមន្ត្រី ធ្វើជាអធិបតីសម័យប្រជុំលើកទី១ គណៈចង្អុលការបង្ការ ទប់ស្កាត់ខ្ជះខ្ជាយ

ព្រឹកថ្ងៃទី២៥ កុម្ភៈ នៅរដ្ឋធានីហាណូយ គណៈចង្អុលការបង្ការ ទប់ស្កាត់ខ្ជះខ្ជាយ បានបើកសម័យប្រជុំលើកដំបូងក្រោមអធិបតីរបស់នាយករដ្ឋមន្ត្រីផាមមិញជិញ ប្រធានគណៈចង្អុលការបង្ការ ទប់ស្កាត់ខ្ជះខ្ជាយ។ អញ្ជើញចូលរួមក៏មានឧបនាយករដ្ឋមន្ត្រីប្រចាំការង្វៀងហ្វាប៊ិញ ថ្នាក់ដឹកនាំបណ្តាក្រសួង ផ្នែកមជ្ឈិម។ សន្និបាតបានចាត់តាំងបន្តផ្ទាល់នៅទីស្នាក់ការរដ្ឋាភិបាល តាមប្រព័ន្ធដល់៦៣ខេត្ត ទីក្រុង ដែលក្រោមការគ្រប់គ្រងរបស់មជ្ឈិម។ អញ្ជើញចូលរួមនៅកន្លែងបន្តផ្ទាល់ខេត្តសុកត្រាំង មានបណ្តាសមមិត្ត ត្រឹងវ៉ាំងឡូវ-អនុលេខាបក្សខេត្ត ប្រធានគណៈកម្មាធិការប្រជាជនខេត្ត វឿងក្វុកណាម-សមាជិកបក្សខេត្ត អនុប្រធានគណៈកម្មាធិការប្រជាជនខេត្តនិងថ្នាក់ដឹកនាំបណ្តាមន្ទីរ ផ្នែកខេត្ត។

ថ្លែងប្រសាសន៍នៅសម័យប្រជុំ នាយករដ្ឋមន្ត្រីផាមមិញជិញឱ្យដឹង សម័យប្រជុំលើកដំបូង ក្នុងស្ថានភាពយ៉ាងពិសេស គឺចាត់តាំងរៀបចំថ្មី បង្រួម នៃរដ្ឋាភិបាលដែលបានបង្កើតនិងពេញសិទ្ធឈានចូលសកម្មភាព។ នាយករដ្ឋមន្ត្រីបានសង្កត់ធ្ងន់ថា ការបង្ការ ទប់ស្កាត់ខ្ជះខ្ជាយតែងបានបក្ស រដ្ឋយកចិត្តទុកដាក់ ពិសេស ក្នុងស្ថានភាពដែលប្រទេសកំពុងប្រឈរមុខនឹងឱកាសប្រវត្តិសាស្ត្រ ដើម្បីឈានចូលយុគសម័យនៃការឈានឡើងរបស់ជនជាតិ។

តំណាងទាំងឡាយចូលរួមសន្និបាតនៅកន្លែងបន្តផ្ទាល់ខេត្តសុកត្រាំង។

ការងារបង្ការ ទប់ស្កាត់ខ្ជះខ្ជាយបានចាត់ទុកថាជាកត្តាសំខាន់មួយក្នុងការបង្កើនប្រភពកម្លាំងខ្លាំងក្លាគិតអានដល់ប្រជាជន ធ្វើឱ្យប្រទេសជាតិកាន់តែរីកចម្រើនក្នុងសម័យបដិវត្តន៍ថ្មី កសាងអនាគតដ៏ភ្លឺស្វាង។ ថ្ងៃទី២៥ ធ្នូ ឆ្នាំ២០២៣ ការិយាល័យនយោបាយបានអនុម័តសារាចរលេខ២៧-CT/TW ស្តីពីការបង្កើនការដឹកនាំរបស់បក្សចំពោះការងារអនុវត្តការប្រិតសំចៃ ទប់ស្កាត់ខ្ជះខ្ជាយ។

បន្ទាប់ពីសន្និបាតមជ្ឈិមលើកទី១០ គណៈចង្អុលការមជ្ឈិម ស្តីពីការបង្ការ ទប់ស្កាត់អំពើពុករលួយ អកម្ម ក៏បានសុក្រិតដោយបន្ថែមភ្នាក់ងារស្តីពីការ “បង្ការ ទប់ស្កាត់ខ្ជះខ្ជាយ” និងផ្លាស់ឈ្មោះគណៈចង្អុលការមជ្ឈិម ស្តីពីការបង្ការ ទប់ស្កាត់អំពើពុករលួយ ខ្ជះខ្ជាយ អកម្ម។ ម៉្យាងវិញទៀត បង្ហាញឱ្យឃើញថា កំពុងមានសារៈសំខាន់និងយកចិត្តទុកដាក់ចំពោះការងារនេះ។

អនុវត្តនូវសេចក្តីសម្រេច សារាចរ សេចក្តីបូកសរុបរបស់មជ្ឈិម ការិយាល័យនយោបាយ គណៈលេខាបក្ស ចង្អុលការរបស់អគ្គលេខាបក្សតូឡឹម នាពេលកន្លង រដ្ឋាភិបាលក៏បានចង្អុលការច្រើន សកម្មភាពប្តូរផ្តាច់ដើម្បីដោះស្រាយការលំបាក ដោះស្រាយបញ្ហាកកស្ទះ ដែលបង្កខ្ជះខ្ជាយប្រភពកម្លាំងខឿនសេដ្ឋកិច្ច។ ក្នុងនោះ រដ្ឋាភិបាលបានបង្កើតគណៈចង្អុលការត្រួតពិនិត្យដោះស្រាយការលំបាក បញ្ហានានាពាក់ព័ន្ធដល់យន្តការ ដោះស្រាយភាពកកស្ទះដែលបណ្តាលឱ្យខ្ជះខ្ជាយប្រភពកម្លាំងនៃខឿនសេដ្ឋកិច្ច ពិសេស ដោះស្រាយការលំបាក បញ្ហានានាពាក់ព័ន្ធដល់គម្រោងដីធ្លី ថាមពលកើតឡើងវិញ បង្កើនការគ្រប់គ្រង លើកកម្ពស់ប្រសិទ្ធភាពការប្រើប្រាស់ផ្ទះ ដីនៅតាមបណ្តាអាជីវកម្មរដ្ឋ បង្ខំឱ្យផ្ទេរធនាគារពាណិជ្ជកម្មខ្សោយចំនួន៤ ដោះស្រាយគម្រោងខាតបង់ គ្មានប្រសិទ្ធភាពទាំង១២ នៃវិស័យឧស្សាហកម្ម ពាណិជ្ជកម្មនាពេលកន្លង…។

បណ្តាការងារដែលបាននិងកំពុងធ្វើនាពេលថ្មីនេះ ទទួលបានលទ្ធផលយ៉ាងសកម្មលើកដំបូង រួមចំណែកក្នុងការទប់ស្កាត់ខ្ជះខ្ជាយ។

ថ្វីត្បិតដូច្នេះ នាយករដ្ឋមន្ត្រីផាមមិញជិញ បានមានប្រសាសន៍ថា ទន្ទឹមនិងលទ្ធផលដែលសម្រេចបាន នៅមានការងារជាច្រើនទៀតដែលត្រូវធ្វើ ពីព្រោះខ្ជះខ្ជាយកើតឡើងជាទូទៅយ៉ាងច្រើនរបៀប ទ្រង់ទ្រាយផ្សេងៗគ្នាបាននិងកំពុងបង្កផលពិបាកយ៉ាងធ្ងន់ធ្ងរច្រើនដល់ការអភិវឌ្ឍ ពិសេស ក្នុងវិស័យដូចជា ការគ្រប់គ្រងហិរញ្ញវត្ថុ ឥណទាន ទ្រព្យសម្បត្តិរដ្ឋ វិនិយោគរដ្ឋដីធ្លី ធនធានរ៉ែ គ្រប់គ្រងដើមទុនរបស់រដ្ឋក្នុងអាជីវកម្ម ការគ្រប់គ្រងប្រើប្រាស់កម្មករនិងពេលវេលាពលកម្ម។ល។ ខ្ជះខ្ជាយក៏បានបន្ថយទំនុកចិត្តរបស់ប្រជាជនចំពោះបក្ស រដ្ឋ បង្កើតរបាំងមើលមិនឃើញដល់ការអភិវឌ្ឍសេដ្ឋកិច្ច-សង្គម ចោលឱកាសអភិវឌ្ឍន៍របស់ប្រទេសជាតិ។

ដូច្នេះហើយ រដ្ឋាភិបាលបានបង្កើតគណៈចង្អុលការបង្ការ ទប់ស្កាត់ខ្ជះខ្ជាយដើម្បីដោះស្រាយដាច់ស្រេចបញ្ហាកកស្ទះដែលបណ្តាលឱ្យបាត់បង់ ខ្ជះខ្ជាយរាល់ប្រភពកម្លាំងនៃខឿនសេដ្ឋកិច្ច បង្កការផ្លាស់ប្តូរថ្មីមានភាពសាយភាយយ៉ាងខ្លាំងចំពោះការងារនេះ។

នៅសម័យប្រជុំ បណ្តាក្រសួង ផ្នែកមជ្ឈិមនិងភូមិភាគនានាចែករំណែកអំពីស្ថានភាពខ្ជះខ្ជាយដីធ្លីនិងបានស្នើសុំអនុវត្តដំណោះស្រាយ ដើម្បីបំបាត់គម្រោងលំបាក បញ្ហានានា កកស្ទះយូរណាស់មកហើយនៅភូមិភាគជាច្រើន ដែលបង្កឱ្យមានផលវិបាកច្រើន ពិនិត្យការប្រើប្រាស់ទីស្នាក់ការនៃស្ថាប័នរដ្ឋ ការរៀបចំទ្រព្យសម្បតិ្តមូលដ្ឋានសម្ភារៈក្រោយពេលរួមបញ្ចូល ជៀសវាងការខ្ជះខ្ជាយក្នុងដំណើរការរៀបចំប្រព័ន្ធគ្រប់គ្រងនៃប្រព័ន្ធនយោបាយ…។

ថ្លែងប្រសាសន៍បូកសរុបសេចក្តី នាយករដ្ឋមន្ត្រីផាមមិញជិញ បានកត់សំគាល់និងវាយតម្លៃខ្ពស់ចំពោះមតិថ្លែងយោបល់និងសំណើរបស់សមាជិកក្នុងគណៈចង្អុលការ បណ្តាក្រសួង ផ្នែកមជ្ឈិមនិងភូមិភាគ។ បន្តពង្រឹងសមាជិកគណៈចង្អុលការថ្មី បន្ទាប់ពីរៀបចំប្រព័ន្ធគ្រប់គ្រង កសាងផែនការសកម្មភាពឆ្នាំ២០២៥និងប្រគល់ឱ្យសមាជិកនីមួយៗនៃគណៈចង្អុលការ។ នាយករដ្ឋមន្ត្រីផាមមិញជិញ ក៏បានសង្កត់ធ្ងន់លើភារកិច្ចសំខាន់ៗនិងគោលការណ៍ចំនួន៥ ទប់ស្កាត់ខ្ជះខ្ជាយនាពេលខាងមុខ ដោយចាត់ទុកការបង្ការ ទប់ស្កាត់ជាភារកិច្ចសំខាន់នៃប្រព័ន្ធនយោបាយក្រោមការដឹកនាំរបស់បក្ស ការគ្រប់គ្រងរបស់រដ្ឋ ស្ថាប័នគ្រប់គ្រងនិងការចូលរួមរបស់ប្រជាជន អាជីវកម្ម។ បង្ការ ទប់ស្កាត់ខ្ជះខ្ជាយមិនមានពេលវេលាឬដែនកំណត់។ បង្ការ ទប់ស្កាត់ខ្ជះខ្ជាយត្រូវផ្សារភ្ជាប់យ៉ាងជិតស្និទ្ធជាមួយនឹងការបង្រួម រៀបចំកម្មាភិបាល និយោជិត លើកកម្ពស់គុណភាពកងជួរកម្មាភិបាល និយោជិត ជំរុញការបន្ថយនីតិវិធីរដ្ឋបាលដែលមិនចាំបាច់។ បង្ការ ទប់ស្កាត់ខ្ជះខ្ជាយត្រូវតែផ្សារភ្ជាប់ជាមួយនឹងការអភិវឌ្ឍរបស់ប្រទេសជាតិ។ បង្ការ ទប់ស្កាត់អំពើពុករលួយផ្សារភ្ជាប់ជាមួយនឹងការកែទម្រង់យន្តការ បណ្តុះបណ្តាលធនធានមនុស្ស…៕

ជីបាវ-លីហាន់

នាយករដ្ឋមន្ត្រី ធ្វើជាអធិបតីសម័យប្រជុំលើកទី១ គណៈចង្អុលការបង្ការ ទប់ស្កាត់ខ្ជះខ្ជាយ

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង

នាយករដ្ឋមន្ត្រី ធ្វើជាអធិបតីសម័យប្រជុំលើកទី១ គណៈចង្អុលការបង្ការ ទប់ស្កាត់ខ្ជះខ្ជាយ

Thông tin bạn đọc

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង