ចាត់ទុកកម្មករដូចជាសមាជិកក្នុងគ្រួសារ

ថ្ងៃទី៦ កុម្ភៈ សមមិត្តឡឹមវ៉ាំងម៉ឹង-សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្តសុកត្រាំង បានទៅសួរសុខទុក្ខ លើកទឹកចិត្តអាជីវកម្មនិងសមាជិកសហជីព កម្មករនៅមណ្ឌលឧស្សាហកម្មអាងងីប បន្ទាប់ពីតេតង្វៀងដាងអឹកទី២០២៥។ សមមិត្តង្វៀងថាញ់ស៊ើង-សមាជិកបក្សខេត្ត ប្រធានសហព័ន្ធពលកម្មខេត្តនិងបណ្តាអង្គភាពពាក់ព័ន្ធអញ្ជើញទៅជាមួយនឹងក្រុមប្រតិភូ។

ក្រុមប្រតិភូបានទៅសួរសុខទុក្ខក្រុមហ៊ុនចំកាត់ Jia Zhi សុកត្រាំង ក្រុមហ៊ុនចំកាត់គីមី HS វៀតណាម-សាខាសុកត្រាំង ក្រុមហ៊ុនភាគហ៊ុនដេរញ៉ាបែ-សុកត្រាំង។ នៅក្រុមហ៊ុននានា លេខាបក្សខេត្តនិងថ្នាក់ដឹកនាំសហព័ន្ធពលកម្មខេត្ត បានជួបសំណេះសំណាលជាមួយអាជីវកម្មនិងកម្មករ ស្តាប់របាយការណ៍របស់ថ្នាក់ដឹកនាំក្រុមហ៊ុន រាយការណ៍អំពីស្ថានភាពផលិត អាជីវកម្មនិងការងារគិតអានដល់កម្មករនាឱកាសតេតង្វៀងដាង២០២៥ និងទិសដៅការងារនាពេលខាងមុខ។

ក្រុមប្រតិភូបានទៅសួរសុខទុក្ខនិងជូនអំណោយដល់ក្រុមហ៊ុនចំកាត់ Jia Zhi សុកត្រាំង។

តាមថ្នាក់ដឹកនាំបណ្តាក្រុមហ៊ុន ក្នុងពេលខាងមុខ ក្នុងនិងក្រោយបុណ្យតេតង្វៀងដាង សតិអារម្មណ៍របស់កម្មករមានស្ថិរភាព មានស្មារតីខ្ពស់ត្រឡប់ចូលមកធ្វើការ។ តាមនោះ ក្រុមហ៊ុនចំកាត់ Jia Zhi សុកត្រាំង កំពុងសកម្មភាពលើវិស័យកែច្នៃ ផលិតស្បែកជើងឱ្យបណ្តារោងចក្រស្បែកជើងដែលមានកម្មករជាង៣.០០០រូប ក្នុងនោះ មានកម្មករជាជនជាតិខ្មែរប្រហែល៨០%។ នាពេលកន្លង ក្រុមហ៊ុនបានអនុវត្តយ៉ាងគ្រប់គ្រាន់នូវគោលនយោបាយ របបដល់កម្មកររបស់ក្រុមហ៊ុន តែងទទួលបានរង្វាន់និងការសម្រាកបុណ្យតេតតាមការកំណត់។

សមមិត្តឡឹមវ៉ាំងម៉ឹង-សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្តសុកត្រាំង ជូនអំណោយដល់កម្មករក្រុមហ៊ុនចំកាត់គីមី HS វៀតណាម-សាខាសុកត្រាំង។

នៅក្រុមហ៊ុនចំកាត់គីមី HS វៀតណាម-សាខាសុកត្រាំង សមាជិកសហជីព កម្មករបានបានទទួលប្រាក់បៀវត្សរ៍ខែទី១៣ ជាមួយនឹងប្រាក់រង្វាន់មធ្យមជាង៤,១លានដុងនិងជូនអំណោយតេត សរុបអំណោយចំនួន១.១៣៣ចំណែក ក្នុងមួយចំណែកមានតម្លៃជាង៥០០.០០០ពាន់ដុង។ ដោយឡែកក្រុមហ៊ុនដេរញ៉ាបែ-សុកត្រាំង សព្វថ្ងៃ មានកម្មករចំនួន៦៥០រូប ភាគច្រើនកម្មករបានចូលរួមធានារ៉ាប់រងតាមការកំណត់។ ក្នុងឱកាសបុណ្យតេតនាពេលថ្មីៗនេះ កម្មករម្នាក់ៗទទួលបានរង្វាន់មធ្យមជិត៧លានដុងនិងអំណោយតេតមួយចំណែក។

លេខាបក្សខេត្ត មានសេចក្តីរីករាយចំពោះលទ្ធផលដែលសម្រេចបានក្នុងផលិតអាជីវកម្មនិងការងារគិតអានដល់សមាជិកសហជីពកម្មករនៃក្រុមហ៊ុននានា។ លេខាបក្សខេត្ត សង្ឃឹមថា ថ្នាក់ដឹកនាំចាត់ទុកកម្មករដូចជាសមាជិកក្នុងគ្រួសារនិងធនធានមនុស្សដ៏មានតម្លៃ ដែលបង្កើតផលិតផលមានតម្លៃ នាំមកនូវប្រសិទ្ធភាពដល់ក្រុមហ៊ុន។ តាំងពីនោះ បន្តអនុវត្តឱ្យបានល្អនូវការកំណត់ស្តីពីច្បាប់ពលកម្ម ការពារកម្មករនិងបណ្តាគោលនយោបាយ របបផ្សេងៗដើម្បីឱ្យកម្មករមានសុខភាពល្អ ស្ងប់ចិត្តក្នុងការងារ។

ថ្នាក់ដឹកនាំបក្សខេត្តនិងថ្នាក់ដឹកនាំសហព័ន្ធពលកម្មខេត្តបានអញ្ជើញទៅសួរសុខទុក្ខរោងចក្រផលិតរបស់ក្រុមហ៊ុនចំកាត់គីមី HS វៀតណាម-សាខាសុកត្រាំង។

ថ្នាក់ដឹកនាំគណៈកម្មាធិការបក្សខេត្តនិងថ្នាក់ដឹកនាំសហព័ន្ធពលកម្មខេត្ត បានអញ្ជើញទៅសួរសុខទុក្ខនៅរោងចក្រផលិតរបស់ក្រុមហ៊ុនចំកាត់គីមី HS វៀតណាម-សាខាសុកត្រាំង។

លេខាបក្សខេត្ត ក៏បានស្នើឱ្យក្រុមហ៊ុននានា យកចិត្តទុកដាក់លើការបណ្តុះបណ្តាលជំនាញបច្ចេកទេសដល់កម្មករ។ ចំពោះសមាជិកសហជីព កម្មករត្រូវបន្តអនុវត្តឱ្យបានគ្រប់គ្រាន់តាមការកំណត់នៃច្បាប់របស់ក្រុមហ៊ុននិងចាត់ទុកក្រុមហ៊ុនជាគ្រួសាររបស់ខ្លួន។ អង្គការសហជីពត្រូវបង្កើនការឃោសនានូវគោលការណ៍ គោលនយោបាយរបស់បក្ស ក្រឹត្យច្បាប់របស់រដ្ឋដល់កម្មករ។ ទន្ទឹមនឹងនោះ សហការយ៉ាងជិតស្និទ្ធជាមួយនឹងក្រុមហ៊ុននានា ដើម្បីអនុវត្តល្អផែនការផលិត អាជីវកម្មនិងការពារសិទ្ធិផលប្រយោជន៍ស្របច្បាប់របស់សមាជិកសហជីព កម្មករ រួមចំណែកលើកកម្ពស់តួនាទីរបស់អង្គការសហជីព។

សមមិត្តឡឹមវ៉ាំងម៉ឹង-សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្តសុកត្រាំង ជូនអំណោយដល់តំណាងថ្នាក់ដឹកនាំក្រុមហ៊ុនភាគហ៊ុនដេរញ៉ាបែ-សុកត្រាំង។

សមមិត្តឡឹមវ៉ាំម៉ឹង បានសង្កត់ធ្ងន់ថា ឆ្នាំ២០២៥ គឺជាឆ្នាំដែលមានអត្ថន័យដ៏សំខាន់ជាមួយទិសដៅបង្កើនល្បឿនលោតផ្លោះ ដើម្បីសម្រេចបានជោគជ័យនៃសេចក្តីសម្រេចអភិវឌ្ឍសេដ្ឋកិច្ច-សង្គមទូទាំងអាណត្តិកាល បង្កបុព្វភាគសម្រាប់ប្រទេសឈានចូលយុគសម័យថ្មី យុគស័យឈានឡើងរបស់ជនជាតិ អភិវឌ្ឍន៍សម្បូរសប្បាយ រុងរឿង។ តាំងពីនោះ ដាក់ចេញទិសដៅនៃកំណើនពីរខ្ទង់លេខនិងបន្តបន្ទាប់ក្នុងទូទាំងដំណាក់កាល។ ដើម្បីសម្រេចបាននូវទិសដៅនេះ ភូមិភាគ ផ្នែក អង្គភាពនីមួយៗត្រូវតែមានផែនការច្បាស់លាស់ជាមួយនឹងការប្តេជ្ញាខ្ពស់និងភារកិច្ច ដំណោះស្រាយដែលបានដាក់ចេញត្រូវតែអនុវត្តឱ្យបានសម្រេច។ ខេត្តនឹងបង្កលក្ខណៈងាយស្រួយដល់ក្រុមហ៊ុនក្នុងការអភិវឌ្ឍដែលតាមការកំណត់។

ក្នុងឱកាសនេះ ថ្នាក់ដឹកនាំបក្សខេត្តនិងសហព័ន្ធពលកម្មខេត្ត ក៏បានជូនពរឆ្នាំថ្មីនិងជូនអំណោយដល់ថ្នាក់ដឹកនាំព្រមទាំងសមាជិកសហជីព កម្មករនៅតាមក្រុមហ៊ុននានា។ ថ្នាក់ដឹកនាំបក្សខេត្តនិងសហព័ន្ធពលកម្មខេត្ត ក៏បានចុះផ្ទាល់រោងចក្រផលិត ការិយាល័យធ្វើការដើម្បីសួរសុខទុក្ខ លើកទឹកចិត្តដល់កម្មករ កម្មការីនីស្តាប់ពីបំណងប្រាថ្នារបស់អាជីវកម្ម កម្មករលើបញ្ហាទាក់ទងនឹងជីវភាព ការងារនិងការលំបាក បញ្ហានានាក្នុងការផលិត អាជីវកម្ម។ ឆ្លងតាមនោះ ដោះស្រាយទាន់ពេល ដើម្បីបង្កលក្ខណៈងាយស្រួលសម្រាប់ការអភិវឌ្ឍផលិតនៅតាមអាជីវកម្ម។ នេះជាការប្តេជ្ញារបស់ថ្នាក់ដឹកនាំខេត្ត ក្នុងការជំរុញការអភិវឌ្ឍសេដ្ឋកិច្ច-សង្គម ខិតខំសម្រេចបាននូវទិសដៅកំណើនសេដ្ឋកិច្ចទ្វេដងនាពេលខាងមុខ៕

ហាយហា-លីហាន់

ចាត់ទុកកម្មករដូចជាសមាជិកក្នុងគ្រួសារ

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង

ចាត់ទុកកម្មករដូចជាសមាជិកក្នុងគ្រួសារ

Thông tin bạn đọc

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង