ព្រឹកថ្ងៃទី១២ ខែកុម្ភៈ នៅគណៈកម្មាធិការប្រជាជនខេត្តសុកត្រាំង សមមិត្តត្រឹងវ៉ាំងឡូវ-អនុលេខាបក្សខេត្ត ប្រធានគណៈកម្មាធិការប្រជាជនខេត្ត ធ្វើជាអធិបតីក្នុងសម័យប្រជុំ ដើម្បីស្តាប់របាយការណ៍ពីមណ្ឌល បណ្តុំឧស្សាហកម្មនៅលើភូមិដ្ឋានខេត្តសុកត្រាំង។ អញ្ជើញចូលរួមសន្និបាតមានបណ្តាសមមិត្ត៖ឡឹមហ្វាងងីប-សមាជិកគណៈអចិន្ត្រៃយ៍បក្សខេត្ត អនុប្រធានប្រចាំការគណៈកម្មាធិការប្រជាជនខេត្ត វឿងក្វុកណាម-សមាជិកបក្សខេត្ត អនុប្រធានគណៈកម្មាធិការប្រជាជនខេត្ត ថ្នាក់ដឹកនាំបណ្តាមន្ទីរ គណៈផ្នែកខេត្ត ថ្នាក់ដឹកនាំគណៈកម្មាធិការប្រជាជនបណ្តាស្រុក ទីរួមខេត្តក្រុង។
 |
| ទិដ្ឋភាពសម័យប្រជុំ។ |
តាមគម្រោងការរបស់ខេត្តសុកត្រាំង ដំណាក់កាល២០២១-២០៣០ ដល់ឆ្នាំ២០៥០ ទូទាំងខេត្ត នឹងមានមណ្ឌលឧស្សាហកម្មចំនួន១០ ដែលមានផ្ទៃដី៤.៣៣៤ហិកតា ១៨បណ្តុំឧស្សាហកម្ម មានផ្ទៃដីសរុប៩៨៣,៦ហិកតា។ មកដល់ពេលនេះ បង្កើតបាន២មណ្ឌលឧស្សាហកម្ម រួមមានៈមណ្ឌលឧស្សាហកម្មអាងងីប បានដំណើរការចាប់តាំងពីឆ្នាំ២០០៦ មណ្ឌលឧស្សាហកម្មត្រឹងដេ សារវ័ន្តសម្រេចពីហេដ្ឋារចនាសម្ព័ន្ធបច្ចេកទេស បម្រុងនឹងសម្ពោធ ដាក់ដំណើរការនៅចុងត្រីមាសទី១ ឆ្នាំ២០២៥។ ខេត្តបានសម្រេចការងារបង្កើតគម្រោងការនិងកំពុងអំពាវនាវឱ្យមានការវិនិយោគក្នុងមណ្ឌលឧស្សាហកម្មចំនួន៣ គឺមីថាញ់ ដាយង៉ាយនិងសុងហូវ។ បណ្តាមណ្ឌលឧស្សាហកម្មដាយង៉ាយ២ ត្រឹងដេ២ ខាញ់ហ្វា មណ្ឌលឧស្សាហកម្ម-ក្រុង-សេវាភូមី មណ្ឌលឧស្សាហកម្ម-ទីក្រុងផ្សា-សេវាត្រឹងដេនិងបើកទូលាយមណ្ឌលឧស្សាហកម្មអាងងីប កំពុងផ្សព្វផ្សាយបង្កើតគម្រោងការកសាង បម្រុងនឹងសម្រេចនៅឆ្នាំ២០២៦ ដើម្បីចេញសេចក្តីប្រកាស អំពាវនាវវិនិយោគ ដំណាក់កាល២០២៦-២០៣០។
ចំពោះបណ្តុំឧស្សាហកម្ម ទូទាំងខេត្តបង្កើតបាន៥បណ្តុំឧស្សាហកម្ម មានផ្ទៃដី២០២,៥ហិកតា រួមមាន បណ្តុំឧស្សាហកម្មង៉ាណាំ បណ្តុំឧស្សាហកម្មសីដាបេ បណ្តុំឧស្សាហកម្មអាងឡាកថូង១ បណ្តុំឧស្សាហកម្មអាងឡាកថូង២ បណ្តុំឧស្សាហកម្មសីដាបេថ្មី។ មកដល់ពេលនេះ មានមណ្ឌលឧស្សាហកម្មចំនួន២ ដែលមានគម្រោងវិនិយោគ គឺមណ្ឌលឧស្សាហកម្មង៉ាណាំនិងមណ្ឌលឧស្សាហកម្មអាងឡាកថូង១ មណ្ឌលឧស្សាហកម្មសីដាបេ បានសម្រេចការកសាងហេដ្ឋារចនាបច្ចេកទេស កំពុងបង្កើតបែបបទរំដោះផ្ទៃដីបណ្តុំឧស្សាហកម្មសីដាបេថ្មី។
ថ្វីត្បិតដូច្នេះ ក្នុងការផ្សព្វផ្សាយអនុវត្តមណ្ឌល បណ្តុំឧស្សាហកម្មជួបការលំបាក បញ្ហាជាច្រើន ទាក់ទិនដល់បែបបទដីធ្លី ដកយកដីក្នុងគម្រោងវិនិយោគដែលបានបញ្ឈប់ដំណើរការ បង្កើតគម្រោងការបែងមណ្ឌលឧស្សាហកម្ម លិខិតអនុញ្ញាតបរិស្ថាន ការងាររំដោះផ្ទៃដី វិធានការប្រើប្រាស់ដីធ្លី។ល។ ឆ្លងតាមនោះ បណ្តាមន្ទីរ គណៈផ្នែកខេត្ត ភូមិភាគរាយការណ៍លទ្ធផលនៃការដោះស្រាយការលំបាកក្នុងមណ្ឌលឧស្សាហកម្ម បណ្តុំឧស្សាហកម្មនិងស្នើដំណោះស្រាយ ទិសដៅដោះស្រាយការលំបាកក្នុងមណ្ឌលឧស្សាហកម្ម បណ្តុំឧស្សាហកម្មនាពេលខាងមុខ។
 |
| សមមិត្តដាំងថាញ់ស៊ើង-នាយកមន្ទីរឧស្សាហកម្មនិងពាណិជ្ជកម្មសុកត្រាំង បានរាយការណ៍អំពីលទ្ធផលនៃការអភិវឌ្ឍបណ្តុំឧស្សាហកម្មនៅលើភូមិដ្ឋានខេត្តក្នុងសម័យប្រជុំ។ |
បូកសរុបសេចក្តីនៃសម័យប្រជុំ សមមិត្តត្រឹងវ៉ាំងឡូវ បានផ្តល់មតិជាក់ស្តែងអំពីបញ្ហានីមួយៗក្នុងមណ្ឌល បណ្តុំឧស្សាហកម្មនិងប្រគល់ភារកិច្ចការងារជូនបណ្តាមន្ទីរ គណៈផ្នែកខេត្ត គណៈកម្មាធិការប្រជាជនថ្នាក់ស្រុក។
ប្រធានគណៈកម្មាធិការប្រជាជនខេត្ត បានស្នើឱ្យថ្នាក់ដឹកនាំបណ្តាមន្ទីរ ផ្នែកខេត្តសហការយ៉ាងសកម្ម ឧបត្ថម្ភគណៈគ្រប់គ្រងមណ្ឌលឧស្សាហកម្មដោះស្រាយការលំបាក បញ្ហាក្នុងគម្រោងនានានៅឧស្សាហកម្ម ក្នុងនោះ យកចិត្តទុកដាក់ ការងារបង្កើតគម្រោងការបែងមណ្ឌលត្រូវពង្រីកមុខងារនៅមណ្ឌលឧស្សាហកម្មអាងងីប ជៀសវាងការខ្ជះខ្ជាយទ្រព្យសម្បត្តិសាធារណៈ។ សមមិត្តត្រឹងវ៉ាំងឡូវ បានប្រគល់ឱ្យមន្ទីរឧស្សាហកម្មនិងពាណិជ្ជកម្ម បន្តសហការជាមួយស្ថាប័ន អង្គភាពពាក់ព័ន្ធ ដើម្បីដោះស្រាយការលំបាកក្នុងបណ្តុំឧស្សាហកម្មង៉ាណាំ បណ្តុំឧស្សាហកម្មអាងឡាកថូង១និងបណ្តុំឧស្សាហកម្មផ្សេងទៀត ដើម្បីអំពាវនាវ ទាក់ទាញអាជីវកម្មវិនិយោគ បង្កលក្ខណៈសម្រាប់ការអភិវឌ្ឍន៍ភូមិភាគ។
ប្រធានគណៈកម្មាធិការប្រជាជនខេត្ត បានសង្កត់ធ្ងន់ថា ការវិនិយោគអភិវឌ្ឍមណ្ឌល បណ្តុំឧស្សាហកម្មមានសារៈសំខាន់ណាស់ ជួយឱ្យខេត្តកើនកំណើនសេដ្ឋកិច្ច បង្កើនចំណូលថវិកាក្នុងភូមិភាគ បង្កើតការងារ ជំរុញការអភិវឌ្ឍទីក្រុង។ល។ អាស្រ័យហេតុនេះ ថ្នាក់ដឹកនាំបណ្តាមន្ទីរ គណៈផ្នែកខេត្ត ភូមិភាគត្រូវលើកកម្ពស់ស្មារតីទទួលខុសត្រូវ ទន្ទឹមនឹងនោះ ផ្អែកលើមុខងារ ភារកិច្ចដើម្បីផ្សព្វផ្សាយអនុវត្តការកសាងអភិវឌ្ឍមណ្ឌល បណ្តុំឧស្សាហកម្មឱ្យមានប្រសិទ្ធភាព ស្ថេរភាព តាមទិសដៅអភិវឌ្ឍសេដ្ឋកិច្ច គួបផ្សំទាំង៣កត្តាសេដ្ឋកិច្ច-សង្គម-បរិស្ថាន៕
ហ្វាងឡាង-លីហាន់
Thông tin bạn đọc
Đóng Lưu thông tin