រសៀលថ្ងៃទី៣កុម្ភៈ នៅមជ្ឈមណ្ឌលវប្បធម៌និងសន្និបាតខេត្ត គណៈអចិន្រ្តៃយ៍បក្សខេត្តសុកត្រាំងបានចាត់តាំងពិធីជំនួបមុខអនុស្សាវរីយ៍៩៥ឆ្នាំនៃទិវាបង្កើតបក្សកុម្មុយនិស្តវៀតណាម(៣/២/១៩៣០-៣/២/២០២៥) អំណរនិទាឃរដូវអឹកទី២០២៥និងជំនួបមុខតាមកាលកំណត់ជាមួយបណ្តាសមមិត្តអតីតលេខាបក្សខេត្ត អតីតអនុលេខាបក្សខេត្ត អតីតសមាជិកគណៈអចិន្រ្តៃយ៍បក្សខេត្ត អតីតសមាជិកគណៈប្រតិបត្តិការបក្ខភាគខេត្តគ្រប់ជំនាន់ ជូនសញ្ញាលក្ខណ៍អាយុបក្សដល់បក្ខជនដែលមានការគប់វាល់ឱ្យបក្ស កសាងភូមិស្រុក ប្រទេសជាតិ។
ចូលរួមមានបណ្តាសមមិត្តឡឹមវ៉ាំងម៉ឹង-សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្ត ហូធីកឹមដាវ-អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្ត ត្រឹងវ៉ាំងឡូវ-អនុលេខាបក្សខេត្ត ប្រធានគណៈកម្មាធិការប្រជាជនខេត្ត។ ចូលរួមនៅទាំងមានបណ្តាសមមិត្តជាអតីតសមាជិកគណៈប្រតិបត្តិការមជ្ឈិមបក្ស អតីតលេខាបក្សខេត្ត អតីតអនុលេខាបក្សខេត្ត បណ្តាសមមិត្តជាសមាជិកគណៈអចិន្រ្តៃយ៍បក្សខេត្ត អតីតសមាជិកគណៈអចិន្រ្តៃយ៍បក្សខេត្ត សមាជិកគណៈប្រតិបត្តិការបក្ខភាគខេត្ត អតីតគណៈប្រតិបត្តិការបក្ខភាគខេត្តគ្រប់ជំនាន់ដែលចូលនិវត្តន៍ អ្នកម្តាយវៀតណាមវីរភាព បណ្តាសមមិត្តមានអាយុបក្សយូរឆ្នាំ។
|
នៅក្នុងពិធីជំនួបមុខ តំណាងទាំងឡាយបានទស្សនាភាពយន្តឯកសារពីការប្រតិដ្ឋ អត្ថន័យប្រពៃណី៩៥ឆ្នាំបក្សកុម្មុយនិស្តវៀតណាម លទ្ធផលអភិវឌ្ឍសេដ្ឋកិច្ច-សង្គម ការពារប្រទេស សន្តិសុខ កសាងបក្ស កសាងប្រព័ន្ធនយោបាយឆ្នាំ២០២៤និងទិសដៅភារកិច្ចឆ្នាំ២០២៥។
សមមិត្តហូធីកឹមដាវរាយការណ៍រំលឹកឡើងវិញក្នុងរយៈពេលយ៉ាងត្រចះត្រចង់របស់បក្សអស់រយៈកាល៩៥ឆ្នាំកសាង តស៊ូនិងអភិវឌ្ឍ។ កន្លង៩៥ឆ្នាំ ថ្ងៃ៣/២/១៩៣០ ក្រោមការដឹកនាំរបស់លោកង្វៀងអាយក្វុក សន្និបាតឯកភាព៣អង្គការ បក្សកុម្មុយនិស្តនៅវៀតណាម បក្សកុម្មុយនិស្តអាងណាម បក្សកុម្មុយនិស្តឥណ្ឌូចិន បក្សកុម្មុយនិស្តឥណ្ឌូចិនសហព័ន្ធបានដំណើរការនិងបានឯកភាពបង្កើតបក្សតែមួយគត់ ដាក់ឈ្មោះថាបក្សកុម្មុយនិស្តវៀតណាម។
|
||
ក្រោយរយៈកាល៩ឆ្នាំក្នុងសមរភូមិតស៊ូ ជាមួយស្មារតី “ស៊ូពលីកម្មគ្រប់យ៉ាង ដាច់ខាតមិនព្រមបាត់បង់ប្រទេស ដាច់ខាតមិនព្រមចុះចាញ់ធ្វើជាទាសករ” បក្សដឹកនាំប្រជាជនដណ្តើមបានជ័យជម្នះដ៏មហិមា ចំណុចខ្ពស់គឺក្នុងយុទ្ធជ័យដៀងបៀងភូ“ ធ្វើឱ្យរំជួលទាំង៥ទ្វីប រំជួលទាំងផែនដី” ធ្វើឱ្យអាណានិគមបារាំងចុះកិច្ចព្រមព្រៀង Giơ-ne-vơ បង្កើតឡើងសន្តិភាព។ ជាមួយសមត្ថភាព បញ្ញានិងគោលមាគ៌ាដ៏ត្រឹមត្រូវ អនុវត្តភារកិច្ចយុទ្ធសាស្រ្តទាំងពីរគឺ បដិវត្តន៍សង្គមនិយមនៅភាគខាងជើងនិងបដិវត្តន៍រំដោះនៅភាគខាងត្បូង បក្សបានប្រមូលផ្តុំកម្លាំងមហាសាមគ្គីទូទាំងជនជាតិ គួបផ្សំកម្លាំងជនជាតិជាមួយកម្លាំងសម័យកាល បានកម្ទេចចក្រពត្តិអាមេរិក បង្កើតបានមហាជ័យជម្នះនិទាឃរដូវឆ្នាំ១៩៧៥ជាប្រវត្តិសាស្រ្ត រំដោះភាគខាងត្បូងទាំងស្រុង ឯកភាពប្រទេស។
 |
| ទិដ្ឋភាពពិធីជំនួបមុខ។ |
សម្របជាមួយចលនាបដិវត្តន៍នៃទូទាំងប្រទេស ក្រោមការដឹកនាំរបស់បក្សកុម្មុយនិស្តវៀតណាម បក្ខភាគ កងទ័ពនិងប្រជាជនខេត្តសុកត្រាំងមិនក្រែងលំបាក ពលីកម្ម ចិត្តមួយថ្លើមមួយស្មោះត្រង់ចំពោះបក្ស ប្តេជ្ញាដណ្តើមបានឯករាជ្យ សេរីភាពជូនមាតុភូមិ ប្រទេសជាតិ។ ចាប់ពីឆ្នាំ១៩៣០ បណ្តាសាខាបក្សដែលង្កើតដំបូងរបស់ខេត្តដូច សាខា
បក្សមីគ្វើយ-ស្រុកថាញ់ទ្រី (សព្វថ្ងៃជាទីរួមខេត្តង៉ាណាំ) សាខាបក្សគូឡាវយុង សាខាបក្សទ្រឿងខាញ់-ស្រុកឡុងភូ សាខាបក្សឡាកហ្វា- ស្រុកវិញចូវ(សព្វថ្ងៃជាទីរួមខេត្តវិញចូវ) សាខាបក្សឡាកថូង-ស្រុកគេសាច់។ល។ នេះជាអង្គការបក្សកុម្មុយនិស្តដំបូងរបស់បក្ខភាគខេត្តយើង។
ក្រោមទង់ជាតិដ៏ត្រចះត្រចង់របស់បក្ស ប្រជាជនសុកត្រាំងតែងច្បាមប្រកិតជាមួយប្រជាជនទូទាំងប្រទេសបង្កើតបានស្នាដៃអស្ចារ្យ ពីជ័យជម្នះនៃកុប្បកម្មខែសីហាឆ្នាំ១៩៤៥ ដល់ជ័យជម្នះនៃការតស៊ូសង្រា្គមរំដោះជនជាតិ ការពារប្រទេស រួមចំណែកសម្រេចចលនាបដិវត្តន៍ជនជាតិប្រជាធិបតេយ្យប្រជាជន ឯកភាពប្រទេសជាតិ រួមជាមួយទូទាំងប្រទេសអន្តរកាលឈានឡើងលទ្ធិសង្គមនិយមនិងអនុវត្តបុព្វហេតុផ្លាស់ថ្មី។
 |
| សមមិត្តឡឹមវ៉ាំងម៉ឹង-សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្តសុកត្រាំងជូនសញ្ញាលក្ខណ៍បក្សដល់បណ្តាសមមិត្តមានអាយុបក្សយូរឆ្នាំ។ |
ចាប់ពីថ្ងៃបង្កើតខេត្តឆ្នាំ១៩៩២មកដល់សព្វថ្ងៃ ខេត្តសុកត្រាំងបានឈានឡើងយ៉ាងខ្លាំងក្លាជាមួយស្នាដៃសម្រេចបានលើគ្រប់វិស័យនិងគួរឱ្យរីករាយមោទនភាព។ ជាមួយនឹងការខិតខំប្រឹងប្រែង សាមគ្គី ប្តេជ្ញានៃទូទាំងបក្ខភាគ រដ្ឋអំណាច ទូទាំងកងទ័ព ទូទាំងប្រជាជននិងសហគមន៍អាជីវកម្ម ស្ថានភាពសេដ្ឋកិច្ច-សង្គមរបស់ខេត្តសុកត្រាំងមានជំហានអភិវឌ្ឍជាមួយលទ្ធផលសម្រេចបានលើគ្រប់វិស័យ។ល។
ក៏នៅក្នុងពិធីជំនួបមុខនេះដែរបណ្តាសមមិត្តអតីតថ្នាក់ដឹកនាំខេត្តសុកត្រាំងគ្រប់ជំនាន់មានយោបល់គប់វាល់យ៉ាងពិសេស សមស្រប អស់ពីចិត្ត ភារៈចំពោះការដឹកនាំរបស់បក្ខភាគ ការគ្រប់គ្រង ចង្អុលការរបស់រដ្ឋអំណាចគ្រប់ថ្នាក់ រួមចំណែកបំពេញបន្ថែមធ្វើឱ្យសុក្រឹតគោលការណ៍ សេចក្តីសម្រេច ទិសដៅរបស់បក្ខភាគខេត្តក្នុងពេលខាងមុខ។
ជំនួសមុខឱ្យគណៈអចិន្ត្រៃយ៍បក្សខេត្ត លេខាបក្សខេត្តឡឹមវ៉ាំងម៉ឹងបានផ្ញើជូនបណ្តាសមមិត្តជាអតីតសមាជិកគណៈប្រតិបត្តិការមជ្ឈិមបក្ស អតីតលេខាបក្សខេត្ត អតីតអនុលេខាបក្សខេត្ត បណ្តាសមមិត្តជាសមាជិកគណៈអចិន្រ្តៃយ៍បក្សខេត្ត អតីតសមាជិកគណៈអចិន្រ្តៃយ៍បក្សខេត្ត សមាជិកគណៈប្រតិបត្តិការបក្ខភាគខេត្ត អតីតគណៈប្រតិបត្តិការបក្ខភាគខេត្តគ្រប់ជំនាន់ដែលចូលនិវត្តន៍ អ្នកម្តាយវៀតណាមវីរភាពបណ្តាសមមិត្តមានអាយុបក្សយូរឆ្នាំនិងបណ្តាសមមិត្តចូលរួមក្នុងពិធីជំនួបមុខនូវវាចាសួរសុខទុក្ខ ជូនពរសុខភាពល្អនិងជូនពរឆ្នាំថ្មីដ៏ល្អប្រសើរ។
លេខាបក្សខេត្តឡឹមវ៉ាំងម៉ឹងសូមកត់សម្គាល់យោបល់បណ្តាសមមិត្តជាអតីតកម្មាភិបាល ថ្នាក់ដឹកនាំខេត្តដែលបានផ្តល់ជូនមតិគប់វាល់ដោយអស់ពីចិត្តនាំមកនូវភាពជាក់ស្តែង សម្តែងនូវស្មារតី ភារៈនិងយកចិត្តទុកដាក់ចំពោះបុព្វហេតុអភិវឌ្ឍរួមរបស់ខេត្ត។ ទន្ទឹមនោះ នេះទុកជាការផ្តាំផ្ញើ កំណត់ទិសដៅដើម្បីគណៈអចិន្រ្តៃយ៍បក្សខេត្តប្រមូលផ្តុំដឹកនាំ ចង្អុលការដើម្បីពង្រីកបណ្តាលទ្ធផលដែលសម្រេចបាននិងជម្នះការលំបាកក្នុងពេលខាងមុខ។ ជំនួសមុខឱ្យគណៈអចិន្រ្តៃយ៍បក្សខេត្តនឹងទទួលយកបណ្តាមតិយោបល់របស់អតីតកម្មាភិបាល ថ្នាក់ដឹកនាំខេត្តនិងប្រគល់បណ្តាភូមិភាគ ស្ថាប័ន អង្គភាពនានាគប្បីស្រាវជ្រាវ ផ្សព្វផ្សាយឬក៏ធ្វើសេនាធិការឱ្យថ្នាក់សមត្ថកិច្ចដោះស្រាយបានទាន់ពេលបណ្តាយោបល់ ការស្នើក្នុងថ្ងៃនេះ។
សមមិត្តឡឹមវ៉ាំងម៉ឹងក៏បានរាយការណ៍បន្ថែមពីល្បឿននិងត្រៀមបម្រុងរបស់ថ្នាក់ដឹកនាំខេត្តពីបណ្តាគម្រោងវិនិយោគសំខាន់ៗរបស់ខេត្តដូច គម្រោងស្ពានដាយង៉ាយ កំពង់ផែត្រឹងដេ គម្រោងផ្លូវអភិវឌ្ឍសេដ្ឋកិច្ចខាងកើតឈៀងខាងលិច។ល។ និងបែបផែនវិធាន កំណត់ទិសដៅសម្រាប់ការអភិវឌ្ឍខេត្តសុកត្រាំង ការរៀបចំបង្រួមអង្គការប្រព័ន្ធរដ្ឋបាលក្នុងពេលខាងមុខដើម្បីរួមជាមួយទូទាំងប្រទេសឈានចូលយុគសម័យថ្មី យុគសម័យឈានឡើងនៃជនជាតិវៀតណាម។
កត់សម្គាល់ពីការគប់វាល់យ៉ាងធំធេញនៃបណ្តាសមមិត្តដែលមានអាយុបក្សយូរឆ្នាំ គណៈអចិន្រ្តៃយ៍បក្សខេត្តបានចេញសេចក្តីសម្រេចជូនសញ្ញាលក្ខណ៍បក្សលើកទី៣ ថ្ងៃ៣/២/២០២៥ជូនដល់បក្ខជននចំនួន១៥រូបជាកម្មាភិបាលចំណុះគណៈអចិន្រ្តៃយ៍បក្សខេត្តគ្រប់គ្រង។ ក្នុ្ងងនោះ មានសមមិត្ត១រូបបានជូនសញ្ញាលក្ខណ៍អាយុបក្ស៦០ឆ្នាំ សមមិត្ត២រូបបានជូនសញ្ញាលក្ខណ៍អាយុបក្ស៥៥ឆ្នាំ សមមិត្ត២រូបបានជូនសញ្ញាលក្ខណ៍អាយុបក្ស៥០ឆ្នាំ សមមិត្ត២រូបបានជូនសញ្ញាលក្ខណ៍អាយុបក្ស៤៥ឆ្នាំ សមមិត្ត៧រូបបានជូនសញ្ញាលក្ខណ៍អាយុបក្ស៤០ឆ្នាំ និងសមមិត្ត១រូបបានជូនសញ្ញាលក្ខណ៍អាយុបក្ស៣០ឆ្នាំ៕
ជីបាវ-សុផល
Thông tin bạn đọc
Đóng Lưu thông tin