ព្រឹកថ្ងៃទី៣ មករា នៅអគារវប្បធម៌ហ្វាទូ គណៈកម្មាធិការប្រជាជនស្រុកមីស្វៀង (សុកត្រាំង) បានចាត់តាំងពិធីប្រកាសឃុំហ្វាទូ១សម្រេចបទដ្ឋានជនបទថ្មីគំរូឆ្នាំ២០២៤ “គំរូពីបង្វែរឌីជីថល”។ ចូលរួមមានបណ្តាសមមិត្តត្រឹងវ៉ាំងឡូវ-អនុលេខាបក្សខេត្ត ប្រធាន គណៈកម្មាធិការប្រជាជនខេត្ត លេវ៉ាំងហ៊ីវ-សមាជិកគណៈអចិន្ត្រៃយ៍បក្សខេត្ត អនុប្រធានប្រចាំការក្រុមប្រឹក្សាប្រជាជនខេត្ត ឡឹមតឹងហ្វា-សមាជិកគណៈអចិន្ត្រៃយ៍បក្សខេត្ត ប្រធានគណៈឃោសនាអប់រំបក្សខេត្ត បណ្តាសមមិត្តក្នុងគណៈអចិន្ត្រៃយ៍បក្សខេត្ត គណៈប្រតិបត្តិការបក្ខភាគខេត្ត ថ្នាក់ដឹកនាំបណ្តាមន្ទីរ គណៈផ្នែកខេត្ត បណ្តាអ្នកម្តាយវៀតណាមវីរភាព បណ្តាគ្រួសារគោលនយោបាយនិងប្រជាជនយ៉ាងច្រើនកុះករក្នុងស្រុកមីស្វៀង។
 |
| តំណាងទាំងឡយចូលរួមពិធី។ |
អនុវត្តការចលនា “មីស្វៀងព្រួតដៃកសាងជនបទថ្មី” ក្រោយពីពេលសម្រេចបទដ្ឋានជនបទថ្មីលើកកម្ពស់ ឃុំហ្វាទូ១បានបន្តកៀរគរនៃទូទាំងប្រព័ន្ធនយោបាយនិងទូទាំងសង្គមស្របមតិលើកកម្ពស់គុណភាពអនុវត្តបណ្តាលក្ខឋាន ដល់ចុងឆ្នាំ២០២៤ ហ្វាទូ១សម្រេចឃុំជនបទថ្មីគំរូលេចធ្លោពីការបង្វែរឌីជីថលនិងជាឃុំទី៣របស់ខេត្តសុកត្រាំងបានទទួលស្គាល់ឃុំជនបទថ្មីគំរូ។
 |
| សមមិត្តត្រឹងវ៉ាំងឡូវ-អនុលេខាបក្សខេត្ត ប្រធានគណៈកម្មាធិការប្រជាជនខេត្តប្រគល់សេចក្តីសម្រេចទទួលស្គាល់ឃុំហ្វាទូ១សម្រេចបទដ្ឋានជនបទថ្មីគំរូ។ |
ដើម្បីប្រមូលផ្តុំកសាងឃុំសម្រេចជនបទថ្មីគំរូ ចាប់ពីឆ្នាំ២០២១-២០២៤ ហ្វាទូ១បានកៀរគរជាង៩៤៩ពាន់លានដុងដើម្បីរក្សាបណ្តាលក្ខឋានកសាងជនបទថ្មីលើកកម្ពស់ ក្នុងនោះ ប្រជាជនគប់វាល់ជិត៩៩ពាន់លានដុង អាជីវកម្មគប់វាល់ជិត៩៨ពាន់លានដុងដើម្បីកសាងហេដ្ឋារចនាសម្ព័ន្ធមូលដ្ឋាន បណ្តាសំណង់សុខុមាលភាពសង្គម រៀបចំកែទម្រង់ទិដ្ឋភាពនៅជនបទ។
 |
| សមមិត្តលេវ៉ាំងហ៊ីវ-អនុប្រធានប្រចាំការក្រុមប្រឹក្សាប្រជាជនខេត្តនិងសមមិត្តវឿងក្វុកណាម-អនុប្រធានគណៈកម្មាធិការប្រជាជនខេត្តជូនប័ណ្ណសរសើរដល់សមូហភាពនិងបុគ្គល។ |
កំណត់ទិសដៅចម្បងនៃការកសាងជនបទថ្មីគឺដើម្បីលើកកម្ពស់ជីវភាពសម្ភារៈនិងស្មារតីឱ្យប្រជាជនក្នុងឃុំតាមទិសចីរភាព ហ្វាទូ១រក្សាទម្រង់ផលិតមានប្រសិទ្ធភាព ពង្រឹងលើកកម្ពស់គុណភាពសកម្មភាពនៃក្រុមសហករណ៍ ជម្រុញអនុវត្តវិទ្យាសាស្រ្តបច្ចេកទេស បច្ចេកវិជ្ជាឌីជីថលចូលក្នុងការផលិត ធ្វើអាជីវកម្ម។ល។ តាមនោះ មិនត្រឹមតែរួមចំណែក លើកកម្ពស់តម្លៃផលិតផល តែអត្រាគ្រួសារក្រថយចុះនៅត្រឹម២,៤៥% ប្រាក់ចំណូលរបស់ឃុំសម្រេច៨០,៦លានដុង/ម្នាក់/ឆ្នាំ។
ថ្លែងការណ៍ក្នុងពិធី សមមិត្តវឿងក្វុកណាម-សមាជិកបក្សខេត្ត អនុប្រធានគណៈកម្មាធិការប្រជាជនខេត្តបានកត់សម្គាល់និងស្ងើចសរសើរនិងជូនពរបក្ខភាគ រដ្ឋអំណាចនិងប្រជាជនឃុំហ្វា១បានកសាងសម្រេចឃុំជនបទថ្មីគំរូ។ សមមិត្តសង្កត់ធ្ងន់ ការកសាងជនបទថ្មីមានចំណុចចាប់ផ្តើមប៉ុន្តែគ្មានទីបញ្ចប់។ អាស្រ័យហេតុនោះ ស្នើថ្នាក់ដឹកនាំគណៈកម្មាធិការបក្ស រដ្ឋអំណាចគ្រប់ថ្នាក់ពង្រីកនាទីជាប្រធានក្នុងការអនុវត្ត ទន្ទឹមនោះចលនាប្រជាជនឱ្យបានយល់ច្បាស់ពីអត្ថន័យនិងកម្មវិធីទិសដៅជាតិពីការកសាងជនបទថ្មី។ លើកកម្ពស់ជាគំរូនៃកម្មាភិបាល សមាជិកក្នុងការចូលរួមអនុវត្តការចលនាកសាងជនបទថ្មីដើម្បីប្រជាជនអនុវត្តតាម។ កៀរគរបណ្តាប្រភពកម្លាំងពីសង្គម អង្គការមហាជន អាជីវកម្ម សប្បុរសជនរួមកម្លាំងកសាងភូមិស្រុក។ ក្នុងចង្អុលការដឹកនាំ កសាងជនបទថ្មីគប្បីប្រមូលផ្តុំបណ្តាលក្ខឋានសេដ្ឋកិច្ច បរិស្ថាន បង្វែរឌីជីថល ប្រាក់ចំណូល។ល។ ដើម្បីបន្តលើកកម្ពស់តម្លៃប្រមូលផល/១ហ.តដី ប្រាក់ចំណូលឱ្យប្រជាជន។ ពង្រីកតួនាទីរបស់ប្រជាជនក្នុងការកសាងជនបទថ្មីជាមួយពាក្យស្លក “ប្រជាជនដឹង ប្រជាជនពិគ្រោះ ប្រជាជនពិនិត្យ ប្រជាជនទទួលផល”។ល។ ឈានដល់ការកសាងសម្រេចឃុំជនបទថ្មីទំនើប។
 |
||||
|
សមមិត្តលេវ៉ាំងហ៊ីវ-អនុប្រធានប្រចាំការក្រុមប្រឹក្សាប្រជាជនខេត្តនិងសមមិត្តឡឹមតឹងហ្វា-ប្រធានគណៈឃោសនាអប់រំបក្សខេត្តជូនអំណោយដល់បណ្តាគ្រួសារគោលនយោបាយ។
ដើម្បីកត់សម្គាល់ ស្ងើចសរសើរបណ្តាសមូហភាព បុគ្គលដែលមានស្នាដៃក្នុងការគប់វាល់ដល់ឃុំហ្វាទូ១ក្នុងដំណាក់កាលអនុវត្តកសាងជនបទថ្មីគំរូ ប្រធានគណៈកម្មាធិការប្រជាជនខេត្តសុកត្រាំងជូនប័ណ្ណសរសើរដល់សមូហភាពចំនួន២និងបុគ្គលចំនួន៤រូប គណៈកម្មាធិការប្រជាជនស្រុកជូនលិខិតសរសើរឱ្យសមូហភាពចំនួន៣និងបុគ្គលចំនួន១០រូបដែលមានស្នាដៃឆ្នើម។ នាឱកាសនេះ គណៈកម្មាធិការបក្សខេត្ត គណៈកម្មាធិការប្រជាជនខេត្ត គណៈកម្មាធិការបក្សស្រុក គណៈកម្មាធិការប្រជាជនស្រុកមីស្វៀង បណ្តាអាជីវកម្មបានជូនអំណោយចំនួន២០ចំណែកដល់អ្នកម្តាយវៀតណាមវីរភាពនិងបណ្តាគ្រួសារគោលនយោបាយលើភូមិដ្ឋានឃុំ ជូនថវិកា១០០លានដុងដល់ឃុំហ្វាទូ១ ជូនផ្ទះមហាសាមគ្គី២ខ្នង អាហារូបករណ៍ចំនួន៧០ចំណែក កង់ចំនួន៤០ឱ្យប្អូនៗដែលមានជីវភាពលំបាករៀនពូកែនិងកសាងស្ពានជនបទចំនួន២ដល់ឃុំថាញ់ភូ ស្រុកមីស្វៀង។ មុននេះ បណ្តាសមមិត្តថ្នាក់ដឹកនាំគណៈកម្មាធិការបក្ស ក្រុមប្រឹក្សាប្រជាជន គណៈកម្មាធិការប្រជាជនខេត្តនិងភូមិភាគបានមកអុជធូបរំលឹកដល់វិញ្ញាណក្ខន្ធវីរជនយុទ្ធជនពលីដែលបានពលីកម្មក្នុងសម័យសង្គ្រាមតស៊ូការពារប្រទេសនៅបូជនីយដ្ឋានឃុំហ្វាទី១៕ មីលិន-សុផល |
Thông tin bạn đọc
Đóng Lưu thông tin