ព្រឹកថ្ងៃទី១៤ មករា នៅឃុំតឹងហ៊ឹងស្រុកឡុងភូ (សុកត្រាំង) គណៈកម្មាធិការប្រជាជនស្រុកឡុងភូ បានចាត់តាំងពិធីប្រកាសសេចក្តីសម្រេចរបស់ប្រធានគណៈកម្មាធិការប្រជាជនខេត្តទទួលស្គាល់ឃុំតឹងហ៊ឹង សម្រេចបទដ្ឋានជនបទថ្មី។ អញ្ជើញចូលរួមមានបណ្តាសមមិត្តៈ លីរដ្ឋា-សមាជិកបក្សខេត្ត អនុប្រធានក្រុមប្រឹក្សាប្រជាជនខេត្ត ង្វៀងវ៉ាំងខើយ-សមាជិកបក្សខេត្ត អនុប្រធានគណៈកម្មាធិការប្រជាជនខេត្ត ឡឹមទៀងថាច់-សមាជិកបក្សខេត្ត លេខាបក្សស្រុកឡុងភូ ថ្នាក់ដឹកនាំបណ្តាមន្ទីរ គណៈផ្នែកពាក់ព័ន្ធ ថ្នាក់ដឹកនាំក្រុមប្រឹក្សាប្រជាជន គណៈកម្មាធិការប្រជាជនស្រុកឡុងភូនិងឃុំតឹងហ៊ឹង។
ឃុំតឹងហ៊ឹង ជាភូមិភាគដែលមានជនរួមជាតិខ្មែររស់នៅជិត៦០%។ ប៉ុន្មានថ្ងៃដំបូងនៃការកសាងជនបទថ្មី ស្ថានភាពសេដ្ឋកិច្ច វប្បធម៌-សង្គមនិងជីវភាពប្រជាជនរបស់ឃុំនៅជួបការលំបាកច្រើន ហេដ្ឋារចនាសម័្ពន្ធដឹកជញ្ជូន សុខាភិបាលនៅមានកម្រិត សាលារៀនមិនទាន់បានវិនិយោគស្របតាមស្តង់ដារ។ ក្នុងរយៈពេល១៤ឆ្នាំ នៃការអនុវត្តកម្មវិធីទិសដៅជាតិកសាងជនបទថ្មី ឃុំបានផ្តោតលើការកសាងហេដ្ឋារចនាសម័្ពន្ធសាលារៀនរឹងមាំនិងវិនិយោគលើសំណង់សំខាន់ៗជាច្រើនផ្សេងទៀតនិងឃុំបានសម្រេច១៩/១៩លក្ខឋានជនបទថ្មី។
 |
| ង្វៀងវ៉ាំងខើយ-សមាជិកបក្សខេត្ត អនុប្រធានគណៈកម្មាធិការប្រជាជនខេត្ត ជូនសេចក្តីសម្រេចទទួលស្គាល់ឃុំតឹងហ៊ឹង ស្រុកឡុងភូ (សុកត្រាំង) សម្រេចបទដ្ឋាជនបទថ្មី។ |
ឃុំសម្រេចនូវលក្ខឋានជនបទថ្មី បានបង្កលក្ខណៈងាយស្រួលសម្រាប់ការជួញដូរទំនិញនិងក្នុងការធ្វើដំណើររបស់ប្រជាជនជនបទ ទិដ្ឋភាពជនបទបានផ្លាស់ប្តូរយ៉ាងខ្លាំង ខៀវស្អាត។ ដោយសារការកសាងជនបទថ្មី បានជួយជីវភាពរបស់ប្រជាជនកាន់តែអភិវឌ្ឍន៍ ប្រជាជនមានអគ្គិសនីប្រើប្រាស់សម្រេចជិត១០០% ជាង៦៨%នៃគ្រួសារប្រើប្រាស់ទឹកស្អាតស្របតាមស្តង់ដារជាតិ ប្រាក់ចំណូលមធ្យមសម្រាប់មនុស្សម្នាក់ (ឆ្នាំ២០២៤) សម្រេចជិត៦០លានដុង/ម្នាក់/ឆ្នាំ កាត់បន្ថយអត្រាគ្រួសារក្រនៅលើភូមិដ្ឋានឃុំថយចុះ០,៧៧% ឃុំគ្មានផ្ទះបណ្តោះអាសន្ន ផ្ទះទ្រុឌទ្រោម។
ក្នុងឱកាសនេះ មានសមូហភាពចំនួន២និងបុគ្គល៤រូប បានទទួលប័ណ្ណសរសើរពីគណៈកម្មាធិការប្រជាជនខេត្ត ដែលសម្រេចភារកិច្ចឆ្នើមក្នុងការកសាងឃុំតឹងហ៊ឹង សម្រេចបទដ្ឋានជនបទថ្មី។ មានសមូហភាពចំនួន២និងបុគ្គល៤រូប បានទទួលលិខិតសរសើរពីគណៈកម្មាធិការប្រជាជនស្រុក ដែលមានការគប់វាល់ក្នុងការកសាងឃុំតឹងហ៊ឹង ជាឃុំសម្រេចជនបទថ្មី។
 |
| សមមិត្តលីរដ្ឋា-សមាជិកបក្សខេត្ត អនុប្រធានក្រុមប្រឹក្សាប្រជាជនខេត្តសុកត្រាំង (ទី២ពីឆ្វេង) ជូនតារាងនិមិត្តរូបចំនួន១០០លានដុងរបស់គណៈកម្មាធិការបក្សខេត្ត ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិស្សមាតុភូមិវៀតណាមខេត្តសុកត្រាំង ជូនឃុំតឹងហ៊ឹង ស្រុកឡុងភូ (សុកត្រាំង)។ |
គណៈកម្មាធិការបក្សខេត្ត ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិស្សមាតុភូមិវៀតណាមខេត្តសុកត្រាំង ជូនឃុំតឹងហ៊ឹងចំនួន១០០លានដុង ក្រុមហ៊ុនចំកាត់លេខឆ្នោតជាតិខេត្តសុកត្រាំង ជូនផ្ទះមហាសាមគ្គី២ខ្នងដល់ឃុំ ធនាគារគោលនយោបាយសង្គមសាខាខេត្តសុកត្រាំងជូនផ្ទះមហាសាមគ្គី១ខ្នងដល់ឃុំ
សមាគមជំរុញការសិក្សាខេត្តសុកត្រាំង ជូនអាហារូបករណ៍ចំនួន២០ចំណែក ដល់សិស្សនៅលើភូមិដ្ឋានឃុំ បណ្តាអង្គការ សប្បុរសជន ជូនអំណោយជាច្រើនចំណែកដល់ប្រជាជននៅលើភូមិដ្ឋានឃុំតឹងហ៊ឹង…។
 |
| សមមិត្តទឺតូគ្វៀង-អនុប្រធានគណៈកម្មាធិការរណសិរ្សមាតុភូមិវៀតណាមខេត្តសុកត្រាំង ជូនប័ណ្ណសរសើររបស់គណៈកម្មាធិការប្រជាជនខេត្ត ដល់សមូហភាពនិងបុគ្គលដែលបានសម្រេចភារកិច្ចឆ្នើមក្នុងការកសាងឃុំតឹងហ៊ឹង ស្រុកឡុងភូ (សុកត្រាំង) សម្រេចបទដ្ឋានជនបទថ្មី។ |
សមមិត្តង្វៀងវ៉ាំងខើយ បានវាយតម្លៃខ្ពស់និងស្ងើចសរសើរចំពោះលទ្ធផលរបស់ឃុំតឹងហ៊ឹង បានផ្សព្វផ្សាយអនុវត្តប្រកបដោយជោគជ័យឃុំសម្រេចបទដ្ឋានជនបទថ្មី។ ស្នើឃុំតឹងហ៊ឹង បន្តលើកកម្ពស់តូនាទី ការទទួលខុសត្រូវរបស់គណៈកម្មាធិការបក្ស រដ្ឋអំណាចនិងទូទាំងប្រព័ន្ធនយោបាយរបស់ស្រុក ពិសេស តួនាទីរបស់អ្នកដឹកនាំក្នុងការងារឃោសនា ចលនាដល់គ្រួសារនីមួយៗ ដើម្បីប្រជាជនយល់កាន់តែច្បាស់អំពីសារៈសំខាន់ក្នុងការកសាងជនបទថ្មី។ ផ្តោតលើការលើកកម្ពស់តួនាទីរបស់អ្នកមានប្រិយភាព ពិសេស អ្នកមុខ អ្នកការសាសនាក្នុងការឃោសនា ចលនាដល់ប្រជាជនគ្រប់ថ្នាក់ រួមកម្លាំងជាមួយរដ្ឋអំណាចកសាងជនបទថ្មី។ អនុវត្តការអភិវឌ្ឍសេដ្ឋកិច្ចជនបទក្នុងទិសដៅផ្លាស់ប្តូរតម្លៃតែមួយទៅជាតម្លៃច្រើន។ អនុវត្តគួបផ្សំនៃចលនានៅភូមិភាគ បង្កើតទម្រង់អភិវឌ្ឍសេដ្ឋកិច្ច-សង្គម។ ពង្រឹងគុណភាពនៃលទ្ធផលដែលសម្រេចបាន ពិសេស បណ្តាលក្ខឋានជនបទថ្មីដែលសារវ័ន្តសម្រេចបានកម្រិតជិតបើធៀបនឹងការកំណត់ រាល់លក្ខឋានបានសម្រេច ប៉ុន្តែនៅតែប្រែប្រួលជារៀងរាល់ឆ្នាំ…៕
ធ្វីលីវ-លីហាន់
Thông tin bạn đọc
Đóng Lưu thông tin