ថ្ងៃទី១០ មករា នៅគណៈកម្មាធិការប្រជាជនខេត្ត បានចាត់តាំងសម័យប្រជុំគណៈចង្អុលការបណ្តាគម្រោងវិនិយោគសាងសង់សំណង់សំខាន់ៗនៅលើភូមិដ្ឋានខេត្តសុកត្រាំង ដើម្បីស្តាប់អង្គភាពមានទាក់ទិនរាយការណ៏ពីល្បឿនអនុវត្តសំណង់សំខាន់ៗនិងស្ថានភាពផ្តល់ផ្ទេរទុនវិនិយោគរដ្ឋឆ្នាំ២០២៤ នៅលើភូមិដ្ឋានខេត្ត។ សមមិត្តឡឹមវ៉ាំងម៉ឹង-សមាជិកគណៈប្រិតបត្តិការមជ្ឈិបក្ស លេខាបក្សខេត្ត ប្រធានក្រុមតំណាងរដ្ឋសភាខេត្ត ប្រធានគណៈចង្អុលការគម្រោងវិនិយោគកសាងសំណង់សំខាន់ៗនៅលើភូមិដ្ឋានខេត្ត ជាអធិបតីសន្និបាត។
អញ្ជើញចូលរួមមានបណ្តាសមមិត្តៈ ហូធីកឹមដាវ-អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្ត ត្រឹងវ៉ាំងឡូវ-អនុលេខាបក្សខេត្ត ប្រធានគណៈកម្មាធិការប្រជាជនខេត្ត បណ្តាសមមិត្តសមាជិកគណៈអចិន្ត្រៃយ៍បក្សខេត្ត បណ្តាសមមិត្ត ជាសមាជិកគណៈចង្អុលការគម្រោងវិនិយោគសាងសង់សំណង់សំខាន់ៗ នៅលើភូមិដ្ឋានខេត្តសុកត្រាំង ព្រមទាំងថ្នាក់ដឹកនាំភូមិភាគនានានិងអ្នកម៉ៅការសាងសង់និងបណ្តាអង្គភាពទាក់ទិន។
 |
| ទិដ្ឋភាពនៃសម័យប្រជុំ។ |
នៅលើភូមិដ្ឋានខេត្ត បាននិងកំពុងអនុវត្តគម្រោងសំខាន់ៗ រួមមានៈ គម្រោងសមាសភាពទី៤នៃគម្រោងល្បឿនលឿនចូវដុក-កឹងធើ-សុកត្រាំង ដំណាក់កាលទី១។ តាមនោះ គម្រោងនេះមាន៤កញ្ចប់សាងសង់សរុបតម្លៃអនុវត្តសរុបជាង១.៥៤៥/៨.០៩២ពាន់លានដុង សម្រេច១៩,១%នៃតម្លៃកិច្ចសន្យា។ និយាយរួម ជំហានផ្សព្វផ្សាយអនុវត្តគឺធានាបាននូវតម្រូវការដែលបានដាក់ចេញនិងជាសារវ័ន្តធានាបាននូវតម្រូវការតាមសេចក្តីសរុបរបស់គណៈចង្អុលការជាតិ គណៈចង្អុលការសំណង់សំខាន់ៗរបស់ខេត្តក្នុងរាល់សម័យប្រជុំ។ ថ្វីត្បិតដូច្នេះ ការអនុវត្តគម្រោងនៅតែមានភាពយឺត ដោយសារការរំដោះផ្ទៃដី (នៅជាប់ទាក់ទិននឹងគ្រួសារមួយចំនួនអំពីផ្ទៃដី) កញ្ចប់សាងសង់ដែលមានបរិមាណអនុវត្តមិនទាន់ច្រើន តម្រូវការបរិមាណខ្សាច់សម្រាប់គម្រោងគឺច្រើន ប្រហែល៦,៦លាន m3 សរុបមក រហូតមកដល់ពេលនេះ មានតែអណ្តូងរ៉ែចំនួន៤ដើម្បីផ្គត់ផ្គង់ខ្សាច់ឱ្យគម្រោងដែលមានបរិមាណអតិបរមា ដល់ខែមិថុនា ឆ្នាំ២០២៥ (ជាពេលបម្រុងបញ្ចប់ការដឹកជញ្ជូន) គឺ១,៨លាន m3/៦,៦ លាន m3 ខ្សាច់ (ខ្វះ៤,៨លាន m3) និងដោយសារតែការរុះរើសំណង់
អគ្គិសនីនៅយឺត។
 |
| អ្នកម៉ៅការរាយការណ៍អំពីល្បឿនអនុវត្តគម្រោង។ |
ចំពោះគម្រោងផ្លូវអភិវឌ្ឍសេដ្ឋកិច្ចខាងកើតឈៀងខាងលិច ដែលមានកញ្ចប់ចំនួន២ តម្លៃអនុវត្តប្រហែល១.២៣១,៩ពាន់លានដុង/១.៤៨៧,៤ពាន់លានដុង (មិនគិតការចំណាយបម្រុង) សម្រេចអត្រាស្មើហ្នឹង៨៣%នៃតម្លៃកិច្ចសន្យា។ ទុនដែលបានបែងចែកចាប់ពីដើមគម្រោងរហូតមកដល់បច្ចុប្បន្នមានជា១.៥៨៩ពាន់លានដុង ផ្តល់ផ្ទេរជាង១.៤០៣ពាន់លានដុង សម្រេច៨៨,៣%នៃផែនការ។ ពីការលំបាកនាពេលកន្លងនិងបច្ចុប្បន្ន ប្រភពនៃវត្ថុធាតុ ថ្ម គ្រួសល្អិតដែលប្រើសម្រាប់សាងសង់ផ្លូវក្រាលកៅស៊ូលើផ្ទៃផ្លូវមានការខ្វះខាត តម្លៃក៏ខ្ពស់ អ្នកម៉ៅការមួយចំនួនមានការលំបាកក្នុងការស្វែងប្រភពផ្គត់ផ្គង់។
ក្រៅពីនេះ នៅលើភូមិដ្ឋានខេត្ត កំពុងអនុវត្តសំណង់សំខាន់ៗដូចៈ គម្រោងវិនិយោគសាងសង់ស្ពានដាយង៉ាយនៅលើផ្លូវជាតិលេខ៦០ក្នុងខេត្តត្រាវិញនិងសុកត្រាំង។ តាមនោះ ស្ពានដាយង៉ាយ២ជាសារវ័ន្តសម្រេចផ្នែកក្រោម សម្រេចដងស្ពាន Super-T កំពុងអនុវត្តការសាងសង់តភ្ជាប់នៅថ្ងៃទី៥ មករា ឆ្នាំ២០២៥។ ចំពោះកំពង់ផែសមុទ្រសុកត្រាំង បានធ្វើរបាយការណ៍ស្រាវជ្រាវពីការវិនិយោគលើការសាងសង់កំពង់ផែត្រឹងដេចំណុះកំពង់ផែសុកត្រាំង និងផែនការអនុវត្តការវិនិយោគកំពង់ផែត្រឹងដេចំណុះកំពង់ផែសមុទ្រសុកត្រាំង។ បណ្តាជំហានដែលបានស្នើឡើង ដើម្បីអនុវត្តតាមគម្រោងផែនការខាងលើ គឺនាយករដ្ឋមន្ត្រីនៃរដ្ឋាភិបាលប្រគល់ឱ្យក្រសួងដឹកជញ្ជូនសហការជាមួយក្រសួង ផ្នែកមជ្ឈិមនិងគណៈកម្មាធិការប្រជាជនបណ្តាខេត្ត ក្រុងអនុវត្តជាក់ស្តែងតាមការកំណត់។
អំពីស្ថានភាពផ្តល់ផ្ទេរទុនវិនិយោគរដ្ឋ គឺដល់ថ្ងៃទី៣១ ធ្នូ ឆ្នាំ២០២៤ សរុបផែនការទុនវិនិយោគរដ្ឋអនុវត្តក្នុងឆ្នាំ២០២៤ (រួមផែនការទុនដែលបានប្រគល់ឆ្នាំ២០២៤និងផែនការទុនកាលពីឆ្នាំមុនបានអនុញាតឱ្យអូសបន្លាយ) ជាង៧.៨៥០,៩ពាន់លានដុង។ តាមប្រភពទុន គឺផែនការបែងចែកទុនវិនិយោគរដ្ឋឆ្នាំ២០២៤ ដែលនាយករដ្ឋមន្ត្រីនៃរដ្ឋាភិបាលប្រគល់ជាង៦.៩១២,៥ពាន់លានដុង គិតដល់ថ្ងៃទី៣១ ធ្នូ ឆ្នាំ២០២៤ ផ្តល់ផ្ទេរជាង៥.៤៣០,៥ពាន់លានដុង សម្រេចបាន៧៨,៥៦៣%នៃផែនការ ផែនការទុនដែលខេត្តបានប្រគល់បន្ថែមឆ្នាំ២០២៤ ជាង២៨៦,២ពាន់លានដុង ផ្តល់ផ្ទេរជាង១៤០,៦ពាន់លានដុង សម្រេច៤៩,១៩%នៃផែនការ ផែនការបណ្តាឆ្នាំមុនបានអនុញាតឱ្យអូសបន្លាយរយៈពេលអនុវត្តនិងផ្តល់ផ្ទេរឆ្លងឆ្នាំ២០២៤ ជាង៦៥២ពាន់លានដុង ផ្តល់ផ្ទេរជាង៦០៧ពាន់លានដុង សម្រេច៩៣,១%នៃផែនការ។ ដើម្បីធានាសម្រេចបានផែនការទុនឆ្នាំ២០២៥និងផែនការរយៈពេលមធ្យម ដំណាក់កាល២០២១-២០២៥ គឺគណៈផ្នែកគ្រប់ថ្នាក់និងភូមិភាគនៅលើភូមិដ្ឋានខេត្ត នឹងបន្តជ្រួតជ្រាបគ្រប់គ្រាន់នូវតួនាទី សារៈសំខាន់នៃការវិនិយោគរដ្ឋចំពោះការអភិវឌ្ឍសេដ្ឋកិច្ច-សង្គម កំណត់ការផ្តល់ផ្ទេរទុនវិនិយោគរដ្ឋ ជាភារកិច្ចនយោបាយដ៏សំខាន់មួយបន្តអនុវត្តយ៉ាងម៉ឺងម៉ាត់ ព្រមៗគ្នា ទៀងទាត់ ប្រសិទ្ធភាពនូវទិសដៅ ភារកិច្ច ដំណោះស្រាយដែលបានដាក់ចេញ…។
ដើម្បីធានាបានល្បឿន គុណភាពនិងស្ថិរភាពនៃសំណង់ ប្រធានគណៈកម្មាធិការប្រជាជនខេត្ត ត្រឹងវ៉ាំងឡូវ បានស្នើម្ចាស់វិនិយោគ អ្នកម៉ៅការត្រូវទទួលស្គាល់ជាក់ស្តែងនូវល្បឿនអនុវត្តគម្រោង សំណង់សំខាន់ៗ តាំងពីនោះ ដើម្បីដាក់ចេញនូវដំណោះស្រាយសាងសង់ជាក់ស្តែង លម្អិត ពិភាក្សាអំពីដំណោះស្រាយដើម្បីជម្នះការលំបាក អន់ថយ ជំរុញល្បឿនដំណើរការសាងសង់ស្របតាមតម្រូវការដែលបានដាក់ចេញ។ ប្រធានគណៈកម្មាធិការប្រជាជនខេត្ត ត្រឹងវ៉ាំងឡូវ បានស្នើឱ្យអ្នកម៉ៅការសាងសង់ ល្បឿនសាងសង់លម្អិតនៃគម្រោងនីមួយៗ ត្រូវជំរុញ បើកការដ្ឋានបូមខ្សាច់ថ្មី ដើម្បីគិតគូរមធ្យោបាយទាញយកខ្សាច់ផ្គត់ផ្គង់ដល់ការដ្ឋានសំណង់ ដើម្បីដោះស្រាយបញ្ហាលំបាកអំពីប្រភពខ្សាច់ ថ្ម ឆាប់ផ្លាស់ប្តូរទីតាំងសំណង់ហេដ្ឋារចនាសម្ព័ន្ធបច្ចេកទេស ត្រូវដោះស្រាយបញ្ហាការផ្លាស់ប្តូរទីតាំងហេដ្ឋារចនាសម្ព័ន្ធបច្ចេកទេសអំពីបង្គោលអគ្គិសនី។
លេខាបក្សខេត្តឡឹមវ៉ាំងម៉ឹង បានស្នើថា អ្នកម៉ៅការត្រូវមានស្មារតីទទួលខុសត្រូវចំពោះបក្ខភាគ រដ្ឋអំណាចនិងប្រជាជននៅលើភូមិដ្ឋានខេត្តសុកត្រាំង ក្នុងការអនុវត្តគម្រោង សំណង់។ ចាប់ពីថ្ងៃនេះរហូតដល់ថ្ងៃទី៣០ មិថុនា ឆ្នាំ២០២៥ ត្រូវដោះស្រាយដាច់ស្រេចនូវការលំបាកពីធនធានខ្សាច់ (ខ្សាច់សមុទ្រ ខ្សាច់ព្រែក) ត្រូវផ្សព្វផ្សាយស្ពាន ផ្លូវសេវា ជីកដីសរីរាង្គ… នៅលើផ្លូវល្បឿនលឿន។ អាស្រ័យហេតុនេះ ស្នើដល់អង្គភាពសាងសង់ប្រមូលផ្តុំបុគ្គលិក សម្ភារៈជាបន្ទាន់ ឆ្លៀតយកផលប្រយោជន៍អំពីអាកាសធាតុអំណោយផលក្នុងរដូវប្រាំង ដើម្បីជំរុញល្បឿនដំណើរការសាងសង់តាមផែនការ។ ម្ចាស់វិនិយោគសំណង់ គម្រោងត្រូវចាត់តាំងការត្រួតពិនិត្យល្បឿរបស់អ្នកម៉ៅការនីមួយៗ កញ្ចប់នីមួយៗ (រៀងរាល់សប្តាហ៍) មានវិធានការដោះស្រាយយ៉ាងម៉ឹងម៉ាត់ចំពោះអ្នកម៉ៅការដែលមិនបំពេញតាមតម្រូវការដែលបានសំណូមពរនៃល្បឿន គុណភាពដែលបានដាក់ចេញ។ ប្រធានអង្គភាព ភូមិភាគត្រូវប្តេជ្ញា ចង្អុលការដោយផ្ទាល់ដោះស្រាយការលំបាក បញ្ហានានាដែលទាក់ទងនឹងសំណង់ គម្រោងដែលអង្គភាព ភូមិភាគអនុវត្តឬទាក់ទិន។ ខិតខំផ្តល់ផ្ទេរទុនវិនិយោគរដ្ឋឱ្យសម្រេចជាង៩៥%នៃផែនការដែលបានដាក់ចេញ៕
ក្វាងប៊ិញ-លីហាន់
Thông tin bạn đọc
Đóng Lưu thông tin