សមាគមរួមស្រុកកំណើតសុកត្រាំងៈ ជាទីផ្សារភ្ចាប់ សាមគ្គី ត្រៀមជាស្រេចក្នុងការចែករំលែក លើកទឹកចិត្តជួយគ្នាទៅវិញទៅមកដើម្បីរួមអភិវឌ្ឍន៍

ក្នុងបរិយាកាសរីករាយ រំភើបនៃបុន្មានថ្ងៃដំបូងឆ្នាំថ្មី សមាគមរួមស្រុកកំណើតសុកត្រាំង នៅទីក្រុងហូជីមិញ បានចាត់តាំងពិធីជួបជុំប្រពៃណី ដើម្បីអំណរនិទាឃរដូវអឹកទៃ២០២៥និងខួបអនុស្សារីយ៍៦៦ឆ្នាំដែលបង្កើត នាព្រឹកថ្ងៃទី១៨ មករា នៅភោជនីយដ្ឋានឡាងនឿងណាមបូ។ នេះជាសកម្មភាពដ៏មានអត្ថន័យ ជាក់ស្តែង ដើម្បីផ្សាភ្ជាប់ទំនាក់ទំនងប្រជាជនសុកត្រាំងដែលឆ្ងាយពីភូមិស្រុក ទន្ទឹមនឹងនោះ វាយតម្លៃឡើងវិញនូវសកម្មភាពរបស់សមាគមក្នុងឆ្នាំ២០២៤និងទិសដៅក្នុងឆ្នាំ២០២៥។

អញ្ជើញចូលរួមពិធីជួបជុំមានសមមិត្តទ្រឿងមីហ្វា-អតីតលេខាមជ្ឈិមបក្សអតីតអនុប្រធានរដ្ឋនៃសាធារណរដ្ឋសង្គមនិយមវៀតណាមបណ្តាសមមិត្តអតីតថ្នាក់ដឹកនាំទីក្រុងហូជីមិញអតីតថ្នាក់ដឹកនាំខេត្តសុកត្រាំង។ចំណែកខេត្តសុកត្រាំងអញ្ជើញចូលរួមពិធីមានបណ្តាសមមិត្តៈឡឹមវ៉ាំងម៉ឹង-សមាជិកគណៈប្រតិបត្តិការមជ្ឈិមបក្សលេខាបក្សខេត្ត ប្រធានក្រុមតំណាងរដ្ឋសភាខេត្តត្រឹងវ៉ាំងឡូវ-អនុលេខាបក្សខេត្តប្រធានគណៈកម្មាធិការប្រជាជនខេត្តព្រមទាំងសមមិត្តក្នុងគណៈអចិន្ត្រៃយ៍ គណៈប្រតិបត្តិបក្ខភាគខេត្ត តំណាងបណ្តាមន្ទីរ គណៈផ្នែក ភូមិភាគក្នុងខេត្តសុកត្រាំង បណ្តាអាជីវកម្ម និស្សិតមានស្រុកកំណើតនៅសុកត្រាំង កំពុងរស់នៅ ធ្វើការនិងរៀនសូត្រនៅទីក្រុងហូជីមិញ។

បណ្តាសមមិត្តថ្នាក់ដឹកនាំខេត្តសុកត្រាំងនិងតំណាងចូលរួមពិធីជួបជុំ។

ជាង៦៦ឆ្នាំបង្កើតនិងអភិវឌ្ឍន៍ សមាគមរួមស្រុកកំណើតសុកត្រាំង នៅទីក្រុងហូជីមិញ បានក្លាយជាដំបូលផ្ទះរួមដើម្បីប្រមូលផ្តុំ បង្រួបបង្រួមសាមគ្គីប្រជាជនសុកត្រាំង ឆ្ងាយពីភូមិស្រុកដែលកំពុងរស់នៅ សិក្សានិងធ្វើការនៅលើភូមិដ្ឋានទីក្រុងហូជីមិញ។ ចំនួនប្រជាជនរួមស្រុកកំណើតសុកត្រាំងរស់នៅទីក្រុងហូជីមិញនិងទាក់ទងជារឿយៗជាមួយសមាគម ដើម្បីគប់វាល់ដោយផ្ទាល់ប្រហែលជាង១.៥០០នាក់ ជិត២០.០០០នាក់បានប្រាស្រ័យទាក់ទងនៅលើបណ្តាញសង្គមហ្វេសបុករបស់សមាគមរួមស្រុកកំណើតសុកត្រាំង ចំនួនសិស្ស និស្សិតដែលកំពុងសិក្សានៅតាមសាលាមានជាង២.០០០ប្អូន។ ក្នុងដំណើរនៃការបង្កើតនិងអភិវឌ្ឍន៍ សមាគមរួមស្រុកកំណើតសុកត្រាំង នៅទីក្រុងហូជីមិញ បានកត់ត្រាបន្ថែមទំព័រប្រវត្តិសាស្ត្រថ្មី ស្នងបន្ត និងពង្រីកបណ្តាប្រពៃណី តម្លៃដ៏ថ្លៃថ្នូរ ផ្សារភ្ជាប់បណ្តាកុលបុត្រសុកត្រាំង។

ថ្នាក់ដឹកនាំខេត្តសុកត្រាំងនិងតំណាងចូលរួមពិធីជួបជុំ។

លោកស្រីង្វៀងធីញឺធ្វី-ប្រធានសមាគមរួមស្រុកកំណើតសុកត្រាំង នៅទីក្រុងហូជីមិញ ថ្លែងប្រសាសន៍ក្នុងពិធីជួបជុំ។

ថ្លែងប្រសាសន៍ក្នុងពិធីជួបជុំ លោកស្រីង្វៀងធីញឺធ្វី-ប្រធានសមាគមរួមស្រុកកំណើតសុកត្រាំង នៅទីក្រុងហូជីមិញឱ្យដឹង ក្នុងប៉ុន្មានឆ្នាំកន្លង សមាគមរួមស្រុកកំណើតសុកត្រាំង គឺជាកន្លែងប្រមូលផ្តុំរបស់ប្រជាជនសុកត្រាំងរាប់សិបពាន់នាក់ដែលរស់នៅឆ្ងាយភូមិស្រុក ជាកន្លែងចែករំលែកបំណងប្រាថ្នា លើកទឹកចិត្ត ជួយគ្នា ឧបត្ថម្ភដល់បងប្អូនរួមស្រុកកំណើត ដើម្បីជម្នះការលំបាកដែលរស់នៅឆ្ងាយភូមិស្រុក។ ទោះជាស្ថានភាពនៅសេដ្ឋកិច្ចលំបាក ប៉ុន្តែសមាគមបានតភ្ជាប់ទំនាក់ទំនងក្នុងសង្គម។ បណ្តាសម្ព័ន្ធសេដ្ឋកិច្ច អាជីវកម្ម អ្នកមុខ អ្នកការសាសនាក្នុងនិងក្រៅប្រទេសបានជួយឧបត្ថម្ភដល់ខេត្តក្នុងឆ្នាំកន្លង បានសាងសង់ស្ពានបេតុងរឹងមាំជាង១០០ បង្កលក្ខណៈដល់អ្នកវ័យចាស់ កុមារក្នុងការធ្វើដំណើរបានងាយស្រួល។ ចាត់តាំងក្រុមជាច្រើនដើម្បីមកពិនិត្យ ផ្តល់ថ្នាំដោយឥតគិតថ្លៃ។ ទន្ទឹមនឹងនោះ បណ្តាអាជីវកម្មនិងមិត្តភក្តិឆ្លងតាមសមាគមរួមស្រុកកំណើតនិងអ្នកមុខ អ្នកការសាសនាបានសង់ស្ពានជនបទ សង់ផ្ទះមេត្តាធម៌ គប់វាល់ដល់កម្មវិធីវះភ្នែក ផ្តល់ថ្នាំដោយឥតគិតថ្លៃដល់មាមីងសុកត្រាំង។ល។ សរុបថវិកាជាង១០ពាន់លានដុងក្នុងមួយឆ្នាំសម្រាប់សកម្មភាពសប្បុរសធម៌។

សមមិត្តៈ ឡឹមវ៉ាំងម៉ឹង-សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្ត ត្រឹងវ៉ាំងឡូវ-អនុលេខាបក្សខេត្តសុកត្រាំងជូនផ្កាដល់ប្រធានសមាគមរួមស្រុកកំណើតសុកត្រាំងង្វៀងធីញឺធ្វី។

សមមិត្តៈ ឡឹមវ៉ាំងម៉ឹង-សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្ត ជូនផ្កាដល់ប្រធានសមាគមរួមស្រុកកំណើតសុកត្រាំងង្វៀងធីញឺធ្វី។

សមមិត្តង្វៀងវ៉ាំងខើយ-សមាជិកបក្សខេត្ត អនុប្រធានគណៈកម្មាធិការប្រជាជនខេត្តសុកត្រាំង ជូនផ្កាដល់ប្រធានសមាគមរួមស្រុកកំណើតសុកត្រាំងង្វៀងធីញឺធ្វី។

ពិធីជួបជុំសមាគមរួមស្រុកកំណើតសុកត្រាំង នៅទីក្រងហូជីមិញ គឺជាសកម្មភាពប្រចាំឆ្នាំ ដើម្បីគោលបំណងបង្កឱកាស លក្ខណៈក្នុងការជួបសំណេះសំណាល សួរសុខទុក្ខរួមស្រុកកំណើតសុកត្រាំង ដែលកំពុងរស់នៅ សិក្សា ធ្វើការនៅទីក្រុងហូជីមិញ។ ថ្លែងប្រសាសន៍ក្នុងពិធីជួបជុំ សមមិត្តង្វៀងវ៉ាំងខើយ-សមាជិកបក្សខេត្ត អនុប្រធានគណៈកម្មាធិការប្រជាជនខេត្តសុកត្រាំងមានប្រសាសន៍ថា ឆ្លងតាមពិធីជួបជុំ គឺជាឱកាសមួយដើម្បីជូនព័ត៌មានអំពីស្ថានភាពសេដ្ឋកិច្ច-សង្គមរបស់ខេត្តឆ្នាំ២០២៤។ តាមនោះ សេដ្ឋកិច្ច-សង្គមរបស់ខេត្តក្នុងឆ្នាំនេះ ទទួលបានលទ្ធផលសកម្មជាច្រើនលើគ្រប់វិស័យ ក្នុងនោះ លេចធ្លោគឺៈ ផលិតកសិកម្មមានការរីកចម្រើនក្នុងទិសដៅផ្តោតលើបង្កើនតម្លៃ ផ្សារភ្ជាប់ជាមួយនឹងទីផ្សារអ្នកប្រើប្រាស់។ ស្ថានភាពប្រើប្រាស់កសិផលងាយស្រួល ការនាំចេញទំនិញសម្រេចបាន១,៨ពាន់លានដុល្លារ កើន១៩% បើធៀបនឹងឆ្នាំកន្លង។ បណ្តាអាជីវកម្មបានស្តារបន្តិចម្តងៗ ចំនួនអាជីវកម្មដែលចូលរួមទីផ្សារកើន១២% ក្នុងនោះ អាជីវកម្មដែលត្រឡប់មកដំណើរការវិញបានកើនឡើង៤៤%។ សកម្មភាពទេសចរណ៍មានការរីកចម្រើន ចំណូលសេវាទេសចរណ៍កើន២០%។ ចំណូលថវិកាសម្រេចបាន៥.៦១៨ពាន់លានដុង ផ្លោះពីការគិតស្មាន១២%និងកើន១៣,៥% បើធៀបនឹងឆ្នាំមុន។ល។ អាស្រ័យហេតុនេះ អត្រាកំណើនសេដ្ឋកិច្ចរបស់ខេត្តក្នុងឆ្នាំ២០២៤ សម្រេច៧,០៧% (សម្រេចផែនការសេចក្តីសម្រេច)មាន២០/២០បរិមាណភាគសម្រេចនិងផ្លោះផែនការសេចក្តីសម្រេច អត្រាគ្រួសារក្របានថយចុះពី២,៥៤%នៅត្រឹម១,៣២% សុខុមាលភាពសង្គមបានធានា ស្ថានភាពសន្តិសុខ សណ្តាប់ធ្នាប់បានរក្សា។ លទ្ធផលដែលសម្រេចបានខាងលើ មិនអាចខ្វះបានតួនាទីសំខាន់របស់ប្រជាជនរួមស្រុកកំណើតសុកត្រាំងដែលឆ្ងាយភូមិស្រុក តែងយកចិត្តទុកដាក់ គាំទ្រ រួមចំណែកក្នុងការអភិវឌ្ឍសេដ្ឋកិច្ច លើកកម្ពស់ជីវភាពរស់នៅរបស់ប្រជាជនបន្តិចម្តងៗ។

លើកតម្កើងអាជីវកម្មជាមួយនឹងការគប់វាល់ជាច្រើនចំពោះមាតុភូមិសុកត្រាំង។

លើកតម្កើងអាជីវកម្មមានច្រើនការគប់វាល់ចំពោះមាតុភូមិសុកត្រាំង។

“ជំនួសមុខឱ្យថ្នាក់ដឹកនាំខេត្ត ខ្ញុំសូមស្ងើចសរសើរនិងថ្លែងអំណរគុណចំពោះទឹកចិត្តដ៏ថ្លៃថ្លាឆ្ពោះមករកមាតុភូមិសុកត្រាំង របស់អង្គការ បុគ្គល អ៊ំ ពូ មីង បងប្អូនរួមស្រុកកំណើតសុកត្រាំង ដើម្បីការអភិវឌ្ឍន៍របស់ខេត្តសុកត្រាំងនាពេលកន្លង។ សង្ឃឹមថា សមាគមរួមស្រុកកំណើតសុកត្រាំង នៅទីក្រងហូជីមិញ នឹងបន្តការយកចិត្តទុកដាក់ គប់វាល់ច្រើនថែមទៀតក្នុងការអភិវឌ្ឍន៍របស់ខេត្ត បន្តរួមដំណើរជាមួយនឹងគណៈកម្មាធិការបក្ស រដ្ឋអំណាច ដើម្បីរួមកម្លាំងកសាងមាតុភូមិសុកត្រាំងឱ្យកាន់តែរីកចម្រើន។ ជាមួយស្មារតីរៀនសូត្រនិងកសាង ថ្នាក់ដឹកនាំខេត្ត សង្ឃឹមថា កូនក្មួយខេត្តសុកត្រាំង ដោយក្តីស្រឡាញ់ ការទទួលខុសត្រូវចំពោះមាតុភូមិ បន្តការយកចិត្តទុកដាក់ រួមកម្លាំងជាមួយនឹងភូមិភាគក្នុងការអភិវឌ្ឍរួមរបស់ខេត្ត។ ស្នើដល់អាជីវកម្ម អង្គការ បុគ្គលបន្តក្តីស្រឡាញ់ រួមកម្លាំងវិនិយោគកសាងខេត្តឱ្យកាន់តែរីកចម្រើន គណៈកម្មាធិការប្រជាជនខេត្តនិងបណ្តាគណៈ ផ្នែកគ្រប់ថ្នាក់ក្នុងខេត្ត នឹងបង្កលក្ខណៈងាយស្រួល ដើម្បីជំរុញការទាក់ទាញវិនិយោគគម្រោងនានា” សមមិត្តង្វៀងវ៉ាំងខើយ បានថ្លែងប្រសាសន៍ក្នុងពិធីជួបជុំ។

លើកតម្កើងអាជីវកមានច្រើនការគប់វាល់ចំពោះមាតុភូមិសុកត្រាំង។

ដើម្បីកត់សំគាល់នូវការគប់វាល់របស់សមូហភាព បុគ្គលក្នុងបុព្វហេតុអភិវឌ្ឍន៍រួមរបស់ខេត្ត ថ្នាក់ដឹកនាំខេត្តសុកត្រាំង បានជូនប័ណ្ណសរសើររបស់គណៈកម្មាធិការប្រជាជនខេត្តសុកត្រាំង ដល់សមូហភាព បុគ្គល។ ក្រៅពីនេះ សមាគមរួមស្រុកកំណើតសុកត្រាំង ក៏បានផ្តល់កិត្តិយសដល់អាជីវកម្មដែលបានគប់វាល់ដល់មាតុភូមិសុកត្រាំង និងជូនអាហារូបករណ៍ដល់ប្អូនៗនិស្សិតស្រុកកំណើតសុកត្រាំង មានស្នាដៃឆ្នើមក្នុងការសិក្សា៕

ក្វាងប៊ិញ-លីហាន់

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង

Thông tin bạn đọc

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង