រាត្រីថ្ងៃទី១៣ មករា នៅគណៈកម្មាធិការប្រជាជនសង្កាត់ទី២ (ទីរួមខេត្តង៉ាណាំ) សមាគមកាកបាទក្រហមខេត្តសុកត្រាំង បានសហការជាមួយសមាគមកាកបាទក្រហមទីរួមខេត្តង៉ាណាំ គណៈកម្មាធិការប្រជាជនសង្កាត់ទី២ បានចាត់តាំងកម្មវិធីតេតមនុស្សធម៌-តេតនៃសេចក្តីស្រឡាញ់និងសិល្បៈអំណរនិទាឃរដូវ អឹកទៃ ឆ្នាំ២០២៥។ អញ្ជើញចូលរួមមានបណ្តាសមមិត្តៈ ហ្វិញធីយីមង៉ុក-សមាជិកបក្សខេត្ត លេខាបក្សទីរួមខេត្តង៉ាណាំ ផាងវ៉ាំងសាវ-អនុប្រធានគណៈប្រជាចលនាបក្សខេត្ត ដូវ៉ាំងទ្វឹង-ប្រធានសមាគមកាកបាទក្រហមខេត្តនិងបណ្តាសមមិត្តថ្នាក់ដឹកនាំទីរួមខេត្ត គណៈកម្មាធិការប្រជាជនទីរួមខេត្តង៉ាណាំ រដ្ឋអំណាចភូមិភាគ បណ្តាសប្បុរសជន។
 |
|
តំណាងទាំងឡាយចូលរួមកម្មវិធីនៅគណៈកម្មាធិការប្រជាជនសង្កាត់ទី២ ទីរួមខេត្តង៉ាណាំ (សុកត្រាំង)។ កម្មវិធីបានចាប់ផ្តើមដោយ “ផ្សារមនោសញ្ចេតនា” រួមមាន១៤ល្វែងទំនិញ ដែលមានលក់របស់របរដូចៈ មីកញ្ចប់ ប្រេងឆា ស្ករស ទឹកស៊ីអ៊ីវ ទឹកត្រី។ល។ ចូលរួមក្នុងផ្សារប្រជាជនអាច “ទិញទំនិញ” ដោយមិនចាំបាច់បង់ថ្លៃអ្វីទាំងអស់។ ទំនិញនៅផ្សារមួយផ្នែកជួយសម្រាលការលំបាករបស់គ្រួសារក្រីក្រ គ្រួសារដែលមានស្ថានភាពលំបាក នាំមកនូវភាពរីករាយដល់គ្រួសារក្នុងឱកាសតេត និទាឃរដូវ។ ទន្ទឹមនឹងនោះ មាមីងក៏បានរីករាយនឹងការសម្តែងរបស់សិល្បករមកពីទីក្រុងហូជីមិញ។ |
 |
| មាមីងទទួលអំណោយនៅ “ផ្សារសប្បុរសធម៌”។ |
កម្មវិធីបានជូនអំណោយដល់គ្រួសារក្រីក្រចំនួន៥០០ចំណែក គ្រួសារក្បែរក្រ គ្រួសារដែលមានស្ថានភាពលំបាក គ្រួសារគោលនយោបាយនៅសង្កាត់ទី២និងឃុំឡុងប៊ិញ (ទីរួមខេត្តង៉ាណាំ) ដោយអំណោយមានតម្លៃសរុបជាង៣០០លានដុង។ នេះជាសកម្មភាពជួយឧបត្ថម្ភដោយសមាគមកាកបាទក្រហមខេត្តសុកត្រាំង ចលនាសមាគមសប្បុរសធម៌នារីទីក្រុងហូជីមិញឧបត្ថម្ភ។ ក្នុងឱកាសនេះ សមាគមកាកបាទក្រហមខេត្តសុកត្រាំង នៅទាំងបានជូនតារាងកត់សំគាល់ចំពោះទឹកចិត្តសប្បរសធម៌ដល់សប្បុរសជន។ សមាគមសប្បុរសធម៌នារីទីក្រុងហូជីមិញ ក៏បានទទួលប័ណ្ណសរសើររបស់ប្រធានគណៈកម្មាធិការប្រជាជនខេត្តសុកត្រាំង។
 |
| ថ្នាក់ដឹកនាំសមាគមកាកបាទក្រហមខេត្តសុកត្រាំង រដ្ឋអំណាចភូមិភាគ បានជូនផ្កានិងតារាងកត់សំគាល់ទឹកចិត្តសប្បរសធម៌ដល់សប្បុរសជន។ |
កម្មវិធីតេតមនុស្សធម៌-តេតនៃសេចក្តីស្រឡាញ់ បានបង្ហាញពីប្រពៃណីជួយគ្នាទៅវិញទៅមក ផ្សព្វផ្សាយស្មារតីសហគមន៍ក្នុងការគិតអានជីវភាពរបស់ប្រជាជនដែលមានស្ថានភាពលំបាក ជួយឱ្យពួកគាត់មានលក្ខណៈ ដើម្បីទទួលនិទាឃរដូវ អំណរតេត ឆ្លងតាមនោះ រួមចំណែកជាមួយគណៈកម្មាធិការបក្ស រដ្ឋអំណាចភូមិភាគ ដើម្បីអនុវត្តឱ្យបានល្អការងារសុខុមាលភាពនៅលើភូមិដ្ឋាន៕
ហ្វិញញឺ-លីហាន់
Thông tin bạn đọc
Đóng Lưu thông tin