បំប៉ន លើកកម្ពស់សមត្ថភាពបន្ថយស្ថានភាពរៀបការមិនទាន់គ្រប់អាយុនិងរៀបការក្នុងសាច់សាលោហិតនៅតំបន់ជនជាតិភាគតិច

14:25, 23/12/2024

ព្រឹកថ្ងៃទី២៣ ធ្នូ នៅគណៈកម្មាធិការប្រជាជនឃុំលីវទូ ស្រុកត្រឹងដេ (សុកត្រាំង) គណៈជនជាតិខេត្តសុកត្រាំង បានសហការជាមួយស្រុកត្រឹងដេ ចាត់តាំងថ្នាក់បំប៉ន លើកកម្ពស់ចំណេះដឹងកម្មាភិបាល និយោជិតដែលបំពេញការងារជនជាតិ កងជួរអ្នកធ្វើរបាយការណ៍ ក្រុមអ្នកឃោសនាដែលចូលរួមក្នុងការអនុវត្តគម្រោង៩ ស្តីពីការបន្ថយស្ថានភាពរៀបការមិនទាន់គ្រប់អាយុនិងរៀបការក្នុងសាច់សាលោហិតនៅតំបន់ជនជាតិភាគតិច។ អញ្ជើញចូលរួមមានសមមិត្តៈ លីរដ្ឋា-សមាជិកបក្សខេត្ត អនុប្រធានក្រុមប្រឹក្សាប្រជាជនខេត្ត តំណាងគណៈជនជាតិខេត្ត តំណាងថ្នាក់ដឹកនាំគណៈកម្មាធិការប្រជាជនឃុំលីវទូ ទីរួមស្រុក ព្រមទាំងតំណាង១៥០រូប ជាកម្មាភិបាល និយោជិតដែលបំពេញការងារជនជាតិ។ល។ នៅលើភូមិដ្ឋានស្រុកត្រឹងដេ។

តំណាងទាំងឡាយចូលរួមថ្នាក់ហ្វឹកហាត់។

នៅថ្នាក់ហ្វឹកហាត់ តំណាងទាំងឡាយបានស្តាប់អ្នកឃោសនាផ្សព្វផ្សាយខ្លឹមសារ ស្តីពីជំនាញទំនាក់ទំនង ឃោសនាចលនានូវខ្លឹមសារពីអាពាហ៍ពិពាហ៍ គ្រួសារ បន្ថយការរៀបការមិនទាន់គ្រប់អាយុនិងរៀបការក្នុងសាច់សាលោហិតនៅតំបន់ជនជាតិភាគតិច បណ្តាដំណោះស្រាយវិធានការធ្វើអន្តរាគមន៍ដើម្បីបន្ថយរៀបការមិនទាន់គ្រប់អាយុនិងរៀបការក្នុងសាច់សាលោហិត។

ថ្នាក់ហ្វឹកហាត់ជួយកម្មាភិបាល និយោជិតដែលបំពេញការងារជនជាតិ កងជួរអ្នកធ្វើរបាយការណ៍ អ្នកឃោសនាត្រូវក្តាប់ច្បាស់ពីចំណេះដឹង និងជំនាញអំពីបញ្ហាដែលរៀបការមិនទាន់គ្រប់អាយុនិងរៀបការក្នុងសាច់សាលោហិត ទន្ទឹមនឹងនោះ តំណាងទាំងឡាយបានដោះដូរ ចែករំលែកនូវបញ្ហាដែលជំពាក់ជំពិនទាក់ទងនិងបញ្ហារៀបការមិនទាន់គ្រប់អាយុនិងរៀបការក្នុងសាច់សាលោហិត តាំងពីនោះ រួមគ្នាពិភាក្សាស្វែងយល់និងដាក់ចេញទិសដៅ ដំណោះស្រាយដើម្បីអនុវត្តការងារឃោសនាប្រកបដោយប្រសិទ្ធភាព៕

ហុងទើ-លីហាន់

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង

Thông tin bạn đọc

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង