 |
| តំណាងចូលរួមសម័យប្រជុំ លើកទី១៩ ក្រុមប្រឹក្សាប្រជាជនទីក្រុងសុកត្រាំង អាណត្តិកាល២០២១-២០២៦។ |
នៅសម័យប្រជុំ បានអនុម័តរបាយការណ៍ចំនួន១៧ លិខិតសំណើចំនួន៣របស់គណៈអចិន្ត្រៃយ៍ក្រុមប្រឹក្សាប្រជាជន បណ្តាគណៈក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមទីក្រុងនិងបណ្តាស្ថាប័នយុត្តិធម៌ទីក្រុងដែលមានខ្លឹមសារដូចស្ថានភាពអភិវឌ្ឍសេដ្ឋកិច្ច-សង្គមឆ្នាំ២០២៤ ទិសដៅ ភារកិច្ចឆ្នាំ២០២៥ របាយការណ៍ស្តីពីការចូលរួមក្នុងការកសាងរដ្ឋអំណាចនិងរបាយការណ៍សរុបយោបល់ស្នើរបស់អ្នកបោះឆ្នោត លទ្ធផលនៃការផ្សព្វផ្សាយអនុវត្តកម្មវិធីទិសដៅជាតិ ដំណាក់កាល២០២១-២០២៥ របាយការណ៍ការងារត្រួតពិនិត្យក្នុងឆ្នាំ២០២៤ សំណើស្តីពីការបង្កើតក្រុមត្រួតពិនិត្យប្រធានបទឆ្នាំ២០២៥ របស់ក្រុមប្រឹក្សាប្រជាជនទីក្រុង សំណើស្តីពីការបែងចែកផែនការវិនិយោគរដ្ឋឆ្នាំ២០២៥ ចំណុះប្រភពទុនថវិកាភូមិភាគ សំណើកែសម្រួលគ្រោងចំណូល ចំណាយថវិកាភូមិភាគទីក្រុងសុកត្រាំង (លើកទី២)។ល។
ថ្លែងប្រសាសន៍ចង្អុលការក្នុងសម័យប្រជុំ លេខាបក្សទីក្រុងថាយដាំងខ្វា បានសង្កត់ធ្ងន់ថា ដើម្បីអនុវត្តបានជោគជ័យលើគ្រប់ទិសដៅ ផែនការដែលបានដាក់ចេញ ស្នើក្រុមប្រឹក្សាប្រជាជន គណៈកម្មាធិការប្រជាជនទីក្រុងនិងគណៈផ្នែកគ្រប់ថ្នាក់ក្នុងដឹកនាំ ចង្អុលការចាត់តាំងអនុវត្តភារកិច្ចឆ្នាំ២០២៥ ត្រូវអនុវត្តភារកិច្ចសំខាន់ៗមួយចំនួនឱ្យបានល្អៈ អនុវត្តសេចក្តីសរុបសន្និបាតគណៈប្រតិបត្តិការបក្ខភាគទីក្រុង លើកទី២០ ពីស្ថានភាពសេដ្ឋកិច្ច-សង្គមឆ្នាំ២០២៤និងភារកិច្ចឆ្នាំ២០២៥ គណៈកម្មាធិការបក្ស រដ្ឋអំណាច ស្ថាប័ន អង្គភាពគ្រប់ថ្នាក់អនុវត្តជាបន្ទាន់នូវផែនការអភិវឌ្ឍសេដ្ឋកិច្ច-សង្គមឆ្នាំ២០២៥ ចាប់ពីដើមឆ្នាំ ក្រុមប្រឹក្សាប្រជាជនបន្តផ្លាស់ថ្មី លើកកម្ពស់តួនាទីថែមទៀតទទួលខុសត្រូវក្នុងការសម្រេចលើបញ្ហាសំខាន់ៗរបស់ភូមិភាគ លើកកម្ពស់គុណភាព សុពលភាព ប្រសិទ្ធភាពសកម្មភាពរបស់ក្រុមប្រឹក្សាប្រជាជនគ្រប់ថ្នាក់។ល។
តាមនោះ ក្រុមតំណាងបណ្តាសង្កាត់ តំណាងក្រុមប្រឹក្សាប្រជាជនទីក្រុង បានពិភាក្សាលើបញ្ហាសំខាន់ៗជាច្រើន សម័យប្រជុំក៏មានការចោទ ឆ្លើយដោយមានខ្លឹមសារដូចៈ ការដោះស្រាយសំណើរបស់អ្នកបោះឆ្នោត ពីការដោះស្រាយឱ្យដាច់ស្រេចនូវករណីបំពានមាត់ព្រែក ដោះស្រាយជម្នះបញ្ហាទឹកប្រើប្រាស់ហូរខ្សោយ គុណភាពទឹកមិនធានា ការងាររក្សាសម្អាតអនាម័យជាក់ស្តែងតាមព្រែកបន្ទាប់ពីបានជីកស្តារដូចម្ត៉េច មូលហេតុ ដំណោះស្រាយគ្រោះថ្នាក់ចរាចរណ៍កើនទាំង៣លក្ខឋាន ដំណោះស្រាយដើម្បីបង្កើនគុណភាព ប្រសិទ្ធភាពសកម្មភាពរបស់មជ្ឈមណ្ឌលប្រតិបត្តិការទីក្រុងទំនើបនាពេលខាងមុខ។ លើស្មារតីម៉ឺងម៉ាត់ ការទទួលខុសត្រូវ តំណាងបានបោះឆ្នោតអនុម័តសេចក្តីសម្រេចចំនួន៦ក្នុងសម័យប្រជុំ។
ថ្លែងប្រសាសន៍បិទវគ្គសម័យប្រជុំ សមមិត្តង្វៀងធីគីវលិន-អនុលេខាប្រចាំការបក្សទីក្រុង ប្រធានក្រុមប្រឹក្សាប្រជាជនទីក្រុងសុកត្រាំង បានស្នើថាៈ តំណាងក្រុមប្រឹក្សាប្រជាជននិងបណ្តាស្ថាប័នពាក់ព័ន្ធបង្កើនការឃោសនា ចលនាដើម្បីបង្កការឯកភាពខ្ពស់ក្នុងប្រជាជន គណៈកម្មាធិការប្រជាជនចង្អុលការនិងចាត់តាំងផ្សព្វផ្សាយអនុវត្តមានប្រសិទ្ធភាព ឆាប់នាំសេចក្តីសម្រេចរបស់ក្រុមប្រឹក្សាប្រជាជនទីក្រុងចូលក្នុងជីវភាពជាក់ស្តែង គណៈអចិន្ត្រៃយ៍ក្រុមប្រឹក្សាប្រជាជន បណ្តាគណៈក្រុមប្រឹក្សាប្រជាជននិងក្រុមតំណាងក្រុមប្រឹក្សាប្រជាជនទីក្រុងចាត់តាំងជួបសំណេះសំណាលជាមួយអ្នកបោះឆ្នោត រាយការណ៍អំពីលទ្ធផលសម័យប្រជុំ ស្តាប់បំណងប្រាថ្នារបស់អ្នកបោះឆ្នោត ដើម្បីស្នើទាន់ពេលជូនក្រុមប្រឹក្សាប្រជាជន គណៈកម្មាធិការប្រជាជនទីក្រុងនិងបង្កើនការត្រួតពិនិត្យការផ្សព្វផ្សាយអនុវត្តសេចក្តីសម្រេច រួមចំណែកលើកកម្ពស់សុពលភាព ប្រសិទ្ធភាពសកម្មភាពរបស់ក្រុមប្រឹក្សាប្រជាជននាពេលខាងមុខ៕
ហ្វិញញឺ-លីហាន់
Thông tin bạn đọc
Đóng Lưu thông tin