នោះគឺជាប្រធានបទក្នុងថ្ងៃបុណ្យមហាសាមគ្គីទូទាំងជនជាតិ ដែលបានចាត់តាំងនារសៀលថ្ងៃទី៥ ខែវិច្ឆិកានៅវត្តបទុមរង្សីទំនប់ ឃុំអាងនិញ ស្រុកចូវថាញ់(សុកត្រាំង) ដោយគណៈការងាររណសិរ្សតំបន់អាសយជនភូមិចូវថាញ់ចាត់តាំង។ នេះជាព្រឹត្តិការណ៍នយោបាយសំខាន់ ដើម្បីរំលឹកឡើងវិញនូវប្រពៃណី៩៤ឆ្នាំនៃទិវាប្រពៃណីរណសិរ្សមាតុភូមិវៀតណាម (ថ្ងៃទី១៨ ខែវិច្ឆិកា ឆ្នាំ១៩៣០-ថ្ងៃទី១៨ ខែវិច្ឆិកា ឆ្នាំ២០២៤)។ អញ្ជើញចូលរួមពិធីបុណ្យមានបណ្តាស.ម: ងោហុង-សមាជិកគណៈអចិន្ត្រៃយ៍បក្សខេត្ត ប្រធានគណៈកម្មាធិការរណសិរ្សមាតុភូមិវៀតណាមខេត្តសុកត្រាំង វរសេនីយ៍ឯកប៊ូយក្វុកខាញ់-សមាជិកគណៈអចិន្ត្រៃយ៍បក្សខេត្ត នាយកនគរបាលខេត្តសុកត្រាំង តំណាងថ្នាក់ដឹកនាំមន្ទីរ គណៈផ្នែកខេត្តនិងថ្នាក់ដឹកនាំស្រុកចូវថាញ់។
 |
| ស.ម: ងោហុង-សមាជិកគណៈអចិន្ត្រៃយ៍បក្សខេត្ត ប្រធានគណៈកម្មាធិការរណសិរ្សមាតុភូមិវៀតណាមខេត្តសុកត្រាំង ជូនអំណោយដល់តំបន់អាសយជនភូមិចូវថាញ់ ឃុំអាងនិញ ស្រុកចូវថាញ់(សុកត្រាំង)។ |
ភូមិចូវថាញ់មាន១.១១៩គ្រួសារ មានប្រជាជន៥.១៥៤នាក់។ ឆ្នាំ២០២៤ គណៈចលនាភូមិបានសហការជាមួយអង្គការមហាជនភូមិផ្សព្វផ្សាយយ៉ាងទូលំទូលាយក្នុងសម្ព័ន្ធយុវជន សមាជិករបស់អង្គការមហាជននិងប្រជាជនអំពីអត្ថន័យ គោលបំណង ខ្លឹមសារនៃកិច្ចបំផុសចលនា “ទូទាំងប្រជាជនសាមគ្គីកសាងជនបទថ្មី ទីក្រុងអរិយធម៌” ផ្សារភ្ជាប់ជាមួយចលនារបស់ភូមិភាគដូចៈ ចលនាទូទាំងប្រជាជនការពារសន្តិសុខជាតិ ការពារបរិស្ថាន កសាងបរិស្ថានភ្លឺ-បៃតង-ស្អាត បង្ការ ទប់ស្កាត់អំពើហិង្សាក្នុងគ្រួសារនិងសុវត្ថិភាពចរាចរណ៍។ លទ្ធផលបានសហការចាត់តាំង៣២លើក មានអ្នកចូលរួមចំនួន៨៦៤នាក់ សហការជាមួយគណៈកម្មការ ព្រះចៅអធិការវត្តទំនប់ផ្សាយផ្ទាល់ជាភាសាខ្មែរបាន២លើក មានពុទ្ធបរិស័ទចូលរួមចំនួន២៧៥រូប។ល។
ថ្លែងប្រសាសន៍នៅថ្ងៃបុណ្យ វរសេនីយ៍ឯកប៊ូយក្វុកខាញ់ បានកត់សំគាល់និងស្ងើចសរសើរចំពោះលទ្ធផលដែលសម្រេចបាននៃតំបន់អាសយជនចូវថាញ់ក្នុងឆ្នាំកន្លង។ ឆ្លងតាមនោះ សង្ឃឹមថា នាពេលខាងមុខ គណៈកម្មាធិការបក្ស រដ្ឋអំណាច រណសិរ្សមាតុភូមិនិងប្រជាជនក្នុងភូមិ បន្តពង្រីកប្រពៃណីសាមគ្គី អនុវត្តចលនាប្រឡងប្រណាំងមានប្រសិទ្ធភាព ដើម្បីកសាងតំបន់អាសយជនភូមិកាន់តែរីកចម្រើន ជំរុញការឃោសនា ផ្សព្វផ្សាយទាន់ពេលនៃគោលការណ៍ គោលនយោបាយរបស់បក្ស ក្រឹត្យច្បាប់របស់រដ្ឋ ប្រជាជនលើកកម្ពស់ការយល់ដឹងអំពីការពារបរិស្ថាន ដាំដើមឈើ បន្ថយការប្រើប្រាស់ថង់នីឡុង លើកកម្ពស់ការយល់ដឹងអំពីការគោរពច្បាប់ក្នុងសហគមន៍តំបន់អាសយជន ចលនាប្រជាជនរស់នៅនិងប្រតិបត្តិតាមរដ្ឋធម្មនុញ្ញនិងក្រឹត្យច្បាប់ ផ្សារភ្ជាប់ជាមួយការអនុវត្តកិច្ចបំផុសចលនា “ទូទាំងប្រជាជនសាមគ្គីកសាងជនបទថ្មី ទីក្រុងអរិយធម៌”។ល។
ក្នុងឱកាសនេះ ថ្នាក់ដឹកនាំខេត្ត ស្រុកបានជូនអំណោយដល់តំបន់អាសយជនភូមិចូវថាញ់ ស្ងើចសរសើរជូនរង្វាន់សមូហភាពចំនួន២ បុគ្គល៣រូប ដែលមានស្នាដៃឆ្នើមក្នុងកិច្ចបំផុសចលនា “ទូទាំងប្រជាជនសាមគ្គីកសាងជនបទថ្មី ទីក្រុងអរិយធម៌”។ ក្រៅពីនេះ ថ្នាក់ដឹកនាំខេត្ត ស្រុកនៅទាំងជូនអំណោយដល់គ្រួសារដែលមានស្ថានភាពលំបាក ជូនបណ្តាអាហារូបករណ៍ដល់សិស្សសង្វាតរៀនសូត្រ នៅលើភូមិដ្ឋានភូមិចូវថាញ់ (ឃុំអាងនិញ)៕
ថាច់ពេជ្រ-លីហាន់
Thông tin bạn đọc
Đóng Lưu thông tin