រសៀលទី ២០វិច្ឆិកា នៅមជ្ឈមណ្ឌលវប្បធម៌និងសន្និបាតខេត្តសុកត្រាំង ឧបនាយករដ្ឋមន្រ្តីនៃរដ្ឋាភិបាលត្រឹងហុងហាធ្វើជាអធិបតីអង្គប្រជុំជម្រុញបណ្តាគម្រោងផ្លូវល្បឿនលឿនតំបន់វាលរាបទន្លេគឺវឡុង ចូលរួមមានថ្នាក់ដឹកនាំក្រសួង គណៈផ្នែកមជ្ឈិមនិងថ្នាក់ដឹកនាំបណ្តាខេត្ត ក្រុងតំបន់វាលរាបទន្លេគឺវឡុង។ ចំណែកខេត្តសុកត្រាំងមានសមមិត្តឡឹមវ៉ាំងម៉ឹង-សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានក្រុមតំណងរដ្ឋសភាខេត្ត ហូធីកឹមដាវ-អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្ត ថ្នាក់ដឹកនាំក្រុមប្រឹក្សាប្រជាជនខេត្ត គណៈកម្មាធិការប្រជាជនខេត្ត ថ្នាក់ដឹកនាំមន្ទីរ គណៈផ្នែក ភូមិភាគនានា បណ្តាអ្នកវិនិយោគសាងសង់និងអង្គភាពទាក់ទិន។
 |
| ឧបនាយករដ្ឋមន្រ្តីនៃរដ្ឋាភិបាលត្រឹងហុងហាធ្វើជាអធិបតីអង្គប្រជុំជម្រុញកសាងបណ្តាគម្រោងផ្លូវល្បឿនលឿនតំបន់វាលរាបទន្លេគឺវឡុង។ |
ចំណែកនៅខេត្តសុកត្រាំង ដងផ្លូវល្បឿនលឿនចូវដុក-កឹងធើ-សុកត្រាំង គម្រោងសមសភាព៤អាស្រ័យខេត្តសុកត្រាំងធ្វើម្ចាស់វិនិយោគដោយមានប្រវែង៥៨,៣គម មាន៤កញ្ចប់មៅការ សរុបតម្លៃអនុវត្តសម្រេច១.១៧១,៧ពាន់លានដុង សម្រេច១៤,៥%។ ក្នុងនោះ ផែនការទុនឆ្នាំ២០២៤គឺ២.៣២២ពាន់លានដុង មកដល់ពេលនេះផ្ទេរប្រាក់ជាង១.២៩៦ពាន់លានដុង សម្រេច៥៥,៨%នៃផែនការ។
 |
| សមមិត្តឡឹមហ្វាងង៉ីប-សមាជិកគណៈអចិន្ត្រៃយ៍បក្សខេត្ត អនុប្រធានគណៈកម្មាធិការប្រជាជនខេត្តថ្លែងការណ៍ក្នុងអង្គប្រជុំ។ |
ថ្លែងការណ៍ចង្អុលការអង្គប្រជុំ ឧបនាយករដ្ឋមន្រ្តីនៃរដ្ឋាភិបាលត្រឹងហុងហាបានកត់សំគាល់ ស្ងើចសរសើរពីការខិតខំប្រឹងប្រែងរបស់ក្រសួង គណៈផ្នែកនិងភូមិភាគនានាក្នុងការត្រួតពិនិត្យ បែងប្រភពទុនសម្រាប់បណ្តាសំណង់ គម្រោងសំខាន់ៗរបស់ប្រទេស។ សង្កត់ធ្ងន់ក្នុងអង្គប្រជុំលើកនេះ ឧបនាយករដ្ឋមន្រ្តីនៃរដ្ឋាភិបាលបានលើកឡើងប្រការសំខាន់នៃប្រព័ន្ធគមនាគមន៍ចំពោះការអភិវឌ្ឍសេដ្ឋកិច្ច-សង្គមសម្រាប់ទូទាំងតំបន់វាលរាបទន្លេគឺវឡុង។ ឧបនាយករដ្ឋមន្រ្តីនៃរដ្ឋាភិបាលត្រឹងហុងហាបានដោះស្រាយការលំបាកនិងស្នើពេលខាងមុខ បណ្តាក្រសួង គណៈ ផ្នែកនានាគប្បីយកចិត្តទុកដាក់ដោះស្រាយ ដើម្បីឆ្លើយតបតម្រូវការកសាងបណ្តាគម្រោង ទន្ទឹមនោះ ដោះស្រាយការលំបាកពីការទាញយកខ្សាច់ពីទន្លេ ពីសមុទ្រ។
 |
| ឧបនាយករដ្ឋមន្រ្តីនៃរដ្ឋាភិបាលត្រឹងហុងហាថ្លែងការណ៍ចង្អុលការក្នុងអង្គប្រជុំ។ |
ចាប់ពីដើមអាណត្តិកាលមកដល់ពេលនេះ រដ្ឋាភិបាលបានចុះពិនិត្យជាច្រើនលើកពីការកសាងបណ្តាគម្រោងផ្លូវល្បឿនលឿននៅតំបន់វាលរាបទន្លេគឺវឡុង ដោយសង្ឃឹមថា ក្នុងអាណត្តិកាល២០២០-២០២៥ នឹងសម្រេចប្រហែល៦០០គ.មផ្លូវល្បឿនលឿនក្នុងតំបន់និងអាណត្តិកាល២០២៥-២០៣០នឹងសម្រេចប្រហែល៦០០គ.មទៀត ដើម្បីទូទាំងតំបន់វាលរាបទន្លេគឺវឡុងមានប្រហែល១.២០០គ.ម ផ្លូវល្បឿនលឿនតាមគ្រោងផែនការ។ ទន្ទឹមនោះ រួមជាមួយនឹងប្រព័ន្ធគមនាគមន៍ផ្លូវទឹក បណ្តាកំពង់ផែធំៗនឹងបានដោះស្រាយពីបញ្ហាគមនាគមន៍ដែលបានតភ្ជាប់ដល់តំបន់វាលរាបទន្លេគឺវឡុង តាមសេចក្តីស្រេចលេខ១៣-NQ/TWចុះថ្ងៃទី២ មេសា ឆ្នាំ២០២២ របស់ការិយាល័យនយោបាយនីតិកាលទី១៣ ពីទិសដៅអភិវឌ្ឍសេដ្ឋកិច្ច-សង្គម ធានាការពារជាតិ សន្តិសុខតំបន់វាលរាបទន្លេគឺវឡុងដល់ឆ្នាំ២០៣០និងចក្ខុវិស័យដល់ឆ្នាំ២០៤៥៕
ក្វាងប៊ិញ-សុផល
Thông tin bạn đọc
Đóng Lưu thông tin