រសៀលថ្ងៃទី១៨វិច្ឆិកា នៅគណៈជនជាតិខេត្តសុកត្រាំងបានចាត់តាំងសន្និបាតបូកសរុប ដកពិសោធន៍បណ្តាសវនាការបង្ហាញឡើងវិញកាត់ក្តីបណ្តារឿងក្តីនិងសន្និបាតផ្សព្វផ្សាយពីគោលនយោបាយ ច្បាប់ថ្មីទាក់ទិនដល់ជនជាតិភាគតិចឆ្នាំ២០២៤។ ចូលរួមមានបណ្តា សមមិត្តឡឹមហ្វាងម៉ូវ-ប្រធានគណៈជនជាតិខេត្ត លេថាញ់វូ-អនុប្រធានតុលាការខេត្ត ថ្នាក់ដឹកនាំគណៈកម្មាធិការប្រជាជន អនុមន្ទីរជនជាតិ ស្រុកគេសាច់ មីស្វៀង ត្រឹងដេ ចូវថាញ់ ថាញ់ទ្រី មីទូ ឡុងភូ ទីរួមខេត្តវិញចូវនិងបណ្តាសមាជិកចូលរួមអនុវត្តបណ្តាសវនាការបង្ហាញឡើងវិញ។
 |
ទិដ្ឋភាពនៃសន្និបាត។
ក្នុងខែតុលា និងខែវិច្ឆិកា ឆ្នាំ២០២៤ គណៈជនជាតិខេត្តធ្វើជាអធិបតីសហការជាមួយតុលាការប្រជាជនខេត្តនិងគណៈកម្មាធិការប្រជាជនបណ្តាស្រុក ទីរួមខេត្តសហការចាត់តាំងសវនាការចំនួន៨បង្ហាញឡើងវិញកាត់ក្តីបណ្តារឿងក្តីព្រហ្មទណ្ឌនិងសន្និបាតផ្សព្វផ្សាយពីគោលនយោបាយច្បាប់ថ្មីទាក់ទិនដល់ជនជាតិភាគតិចឆ្នាំ២០២៤។ ប្រការនេះតែងផ្សព្វផ្សាយអនុវត្តបានល្អខ្លឹមសារលេខ២ពីការផ្សព្វផ្សាយ អប់រំច្បាប់និងចលនាជនជាតិភាគតិចចំណុះអនុគម្រោង១ គម្រោង១០របស់កម្មវិធីទិសដៅជាតិអភិវឌ្ឍសេដ្ឋកិច្ច-សង្គមតំបន់ជនជាតិភាគតិចឆ្នាំ២០២៤។ ឆ្លងតាមរយៈសវនាការចំនួន៨បង្ហាញឡើងវិញបានផ្សព្វផ្សាយយ៉ាងសម្បូរបែបទាក់ទិនដល់បណ្តាវិស័យជីវភាពសង្គមដូច ទង្វើបំពានដល់អាយុជីវិត សុខភាព កិតិ្តិយស ចរិយាសម្បត្តិរបស់មនុស្ស បណ្តាអបាយមុខសង្គមដូច គ្រឿងញៀន ជួញដូរមនុស្ស បំផ្លាញប្រភពជលផល សណ្តាប់ធ្នាប់សុវត្ថិភាពចរាចរណ៍ ប្រឆាំងអ្នកបំពេញភារកិច្ចរដ្ឋ។
បណ្តាករណីដែលបានបង្ហាញឡើងវិញជួយឱ្យអ្នកតំណាងចូលរួមសន្និបាតនិងប្រជាជនយល់ដឹងត្រឹមត្រូវ ច្បាស់លាស់បណ្តាទង្វើបំពានច្បាប់ ផលវិបាកផ្លូវច្បាប់បន្សល់មកឱ្យខ្លួន គ្រួសារនិងសង្គម។ តាមនោះឥទ្ធិពលសកម្មដល់ការងារបង្ការទប់ស្កាត់ជនល្មើស អបាយមុខសង្គម រួមចំណែកបន្ថយបណ្តាទង្វើបំពានច្បាប់ក្នុងតំបន់ជនជាតិភាគតិចពិសេសគឺនៅតំបន់ជនបទ តំបន់ជនជាតិភាគតិចដែលមិនសូវបានទទួលព័ត៌មានពីច្បាប់រួមចំណែកកសាងក្តីទំនុកចិត្តក្នុងយុត្តិធម៌និងប្រព័ន្ធច្បាប់របស់រដ្ឋយើង។
អាស្រ័យលើកដំបូងដែលគណៈជនជាតិខេត្តសហការចាត់តាំងសវនាការបង្ហាញឡើងវិញដូច្នេះមានបញ្ហាជាច្រើនត្រូវដកពិសោធន៍។ នៅសន្និបាតបណ្តាតំណាងមានយោបល់ស្នើគប់វាល់ដូចបញ្ហាបំពានសុវត្ថិភាពចរាចរណ៍ចំពោះសិស្សានុសិស្សគប្បីយកចិត្តទុកដាក់ គប្បីបើកទូលាយមុខសញ្ញាផ្សព្វផ្សាយ អញ្ជើញមុខសញ្ញាឆ្លើយការចម្ងល់របស់សិស្ស ប្រជាជន ត្រូវធានាសមស្រប សមហេតុសមផល គប្បីបង្ហាញឡើងវិញបញ្ហាមួយចំនួនរបស់ភូមិភាគដើម្បីឃោសនាក្នុងប្រជាជន ស្នើគណៈជនជាតិខេត្តគប្បីពន្យារពេលដើម្បីអនុមន្ទីរជនជាតិស្រុកម្ចាស់ការស្នើបណ្តាបញ្ហាត្រូវផ្សព្វផ្សាយ ស្នើជម្រុញការងារឃោសនាតាមបញ្តាញព័ត៌មានផ្សព្វមហាជនពីបណ្តាសវនាការបង្ហាញឡើងវិញ។ល។
សមមិត្តឡឹមហ្វាងម៉ូវបានវាយតម្លៃខ្ពស់ស្មារតី ភារៈនៃសមាជិកនិងអង្គភាពសហការក្នុងការអនុវត្តសវនាការចំនួន៨បង្ហាញឡើងវិញ។ បណ្តាសំណើ យោបល់របស់តំណាងទាំងឡាយមានភាពសមស្របនឹងភាពជាក់ស្តែង គណៈជនជាតិខេត្តកត់សម្គាល់ ទទួលយកនិងស្រាវជ្រាវដើម្បីអនុវត្តមានប្រសិទ្ធភាពក្នុងការងារផ្សព្វផ្សាយឆ្នាំ២០២៥៕
ស៊ើមម៉ាយ-សុផល
Thông tin bạn đọc
Đóng Lưu thông tin