រសៀលថ្ងៃទី៤ ខែវិច្ឆិកា ស.មឡឹមតឹងហ្វា-សមាជិកគណៈអចិន្ត្រៃយ៍បក្សខេត្ត ប្រធានគណៈឃោសនាអប់រំបក្សខេត្តនិងស.មង្វៀងវ៉ាំងខើយ-សមាជិកបក្សខេត្ត អនុប្រធានគណៈកម្មាធិការប្រជាជនខេត្ត បានទៅត្រួតពិនិត្យជាក់ស្តែងកន្លែងត្រៀមចាត់តាំងពិធីបុណ្យអកអំបុក-ប្រណាំងទូកងសុកត្រាំង តំបន់វាលរាបទន្លេគូវឡុង លើកទី៦ (ហៅកាត់ថាកម្មវិធីបុណ្យ) និងសប្តាហ៍វប្បធម៌ កីឡានិងទេសចរណ៍សុកត្រាំង លើកទី១ ឆ្នាំ២០២៤។ រួមដំណើរមានថ្នាក់ដឹកនាំមន្ទីរវប្បធម៌ កីឡានិងទេសចរណ៍ ព្រមទាំងគណៈជនជាតិខេត្ត។
 |
| ក្រុមបានពិនិត្យនៅវត្តឃ្លាំងជាកន្លែងចាត់តាំងពិធីថ្វាយព្រះច័ន្ទ។ |
ក្រុមបានពិនិត្យការត្រៀមរៀបចំនៅវេទិកាប្រណាំងទូកង កន្លែងបើកវគ្គនិងការប្រកួតកីឡាប្រណាំងទូកងក្នុងក្របខ័ណ្ឌនៃពិធីបុណ្យ។ គិតដល់ពេលនេះ មជ្ឈមណ្ឌលហ្វឹកហាត់និងប្រកួតកីឡាខេត្ត បានចាត់តាំងសម្អាតអនាម័យទីធ្លាវេទិការៀបចំតុកៅអីសម្រាប់តំណាងភ្ញៀវកិត្តិយស។បម្រុងនៅវេទិកាអានឹងរៀបចំកៅអីជាង២.០០០ បម្រើថ្នាក់ដឹកនាំមជ្ឈិម ថ្នាក់ដឹកនាំខេត្តនិងថ្នាក់ដឹកនាំបណ្តាមន្ទីរផ្នែក តំណាងក្រុមទូក កងកម្លាំងអ្នកយកព័ត៌មាន។ល។ វេទិកាអា១បានរៀបចំកៅអីចំនួន១.០០០សម្រាប់បម្រើគណៈប្រតិភូថ្នាក់ដឹកនាំ ភ្ញៀវទេសចរមកពីខេត្តនានា ដើម្បីទស្សនានិងលើកទឹកចិត្តឱ្យពិធីប្រណាំងទូកង។
 |
| ក្រុមបានពិនិត្យតំបន់ទំនប់រវាងស្ពានC២៤៧និងស្ពាន៣០/មេសា ដែលជាកន្លែងបណ្តែតប្រទីបនិងទូកគែហ៊ៅ។ |
ក្រុមបានពិនិត្យនៅអគារប្រកួតចម្រុះ មជ្ឈមណ្ឌលហ្វឹកហាត់និងប្រកួតកីឡាខេត្តជាកន្លែងចាត់តាំងប្រកួតពានរង្វាន់ជើងឯកក្លឹបកីឡាហាត់ប្រាណបំប៉នសុខភាពថ្នាក់ជាតិ នៅវត្តឃ្លាំងចាត់តាំងពិធីថ្វាយព្រះខែ នៅតាមដងស្ពានC២៤៧និងស្ពាន៣០/មេសា ជាកន្លែងបណ្តែតប្រទីបនិងទូកគែហ៊ៅ តំបន់ស្រះទឹកសាបជាកន្លែងចាត់តាំងពិធីមហោស្រពម្ហូបអាហារតាមវិថីក្រុង“រសជាតិសុកត្រាំង” លើកទី៦ ឆ្នាំ២០២៤ ទីលានបាតដាំងជាកន្លែងចាត់តាំងបង្កើតឯតទគ្គកម្ម Guinness វៀតណាមពីការសម្តែងតន្ត្រីភ្លេងពិណពាទ្យរបស់ជនរួមជាតិខ្មែរខេត្តសុកត្រាំង មានទ្រង់ទ្រាយច្រើនបំផុតក្នុងប្រទេសវៀតណាមនិងបើកវគ្គពិធីបុណ្យ មជ្ឈមណ្ឌលវប្បធម៌ខេត្ត ជាកន្លែងចាត់តាំងសម្តែងសិល្បៈមហាជននិងសម្តែងសម្លៀកបំពាក់បណ្តាជនជាតិខេត្តសុកត្រាំង។
ឆ្លងតាមការពិនិត្យជាក់ស្តែង ស.មង្វៀងវ៉ាំងខើយ បានសង្កត់ធ្ងន់ មកដល់ពេលនេះ បណ្តាអង្គភាពសារវ័ន្តបានត្រៀមលក្ខណៈផ្សព្វផ្សាយអនុវត្តបានល្អនិងកំពុងអនុវត្តការងារដែលនៅសល់ជាបន្ទាន់។ ពិសេស បណ្តាអង្គភាពត្រូវយកចិត្តទុកដាក់បន្ថែមទៀតលើការសម្អាតអនាម័យតំបន់ជុំវិញកន្លែងវេទិកា ឆាកសម្តែងសិល្បៈបម្រើប្រជាជនក្នុងបណ្តាថ្ងៃចាត់តាំងពិធីប្រណាំងទូកង៕
ថាច់ពេជ្រ-លីហាន់
Thông tin bạn đọc
Đóng Lưu thông tin