 |
| តំណាងចូលរួមបុណ្យមហាសាមគ្គីទូទាំងជនជាតិ នៅភូមិទឹកប្រៃកណ្តាល ឃុំឡុងភូ ស្រុកឡុងភូ (សុកត្រាំង)។ |
ទឹកប្រៃកណ្តាល ជាភូមិមានផ្ទៃដីធំទូលាយ ប្រជាជនរស់នៅមិនប្រមូលផ្តុំ ផ្ទៃដីធម្មជាតិ៥៩៥,២៦ហ.ត។ ភូមិមានជនរួមជាតិខ្មែររស់នៅច្រើន ទូទាំងភូមិមាន៥០៦គ្រួសារ ក្នុងនោះ ជនជាតិខ្មែរ ស្រូបអត្រា៩៤,៦៦%។ ប្រជាជនក្នុងភូមិប្រកបរបរធ្វើស្រែ លក់ដូរតូចនិងផលិតកសិកម្មជាចម្បង ជីវភាពរបស់ប្រជាជនមិនស្មើគ្នា ការអភិវឌ្ឍសេដ្ឋកិច្ចមិនខ្ពស់។ គិតដល់ឆ្នាំ២០២៤ គ្រួសារក្ររបស់ភូមិនៅត្រឹមតែ១៥គ្រួសារ ស្រូបអត្រា២,៩៦%និងនៅមាន ៥គ្រួសារក្បែរក្រ ស្រូបអត្រា០,៩៨%។
ថ្លែងប្រសាសន៍នៅថ្ងៃបុណ្យ ស.មវ៉ជីកុងបានកត់សំគាល់និងស្ងើចសរសើចំពោះស្មារតីសាមគ្គី ការខិតខំប្រឹងប្រែងរបស់សាខាបក្ស គណៈប្រជាជន គណៈការងាររណសិរ្ស បណ្តាអង្គការមហាជននិងប្រជាជនភូមិទឹកប្រៃកណ្តាលដែលសម្រេចបានក្នុងឆ្នាំកន្លង។ ទន្ទឹមនឹងលទ្ធផលដែលសម្រេចបាន ប្រធានគណៈចាត់តាំងបក្សខេត្ត សង្ឃឹមថា តំបន់អាសយជនត្រូវយកចិត្តទុកដាក់ជម្នះការលំបាកដូចៈ អត្រាគ្រួសារក្រនៅតែ២,៩៦% គុណភាពនៃកិច្ចបំផុសចលនា “ទូទាំងប្រជាជនសាមគ្គីកសាងជនបទថ្មី ទីក្រុងអរិយធម៌” មិនខ្ពស់ ការងារឃោសនា ចលនាប្រជាជននៅជួបការលំបាកច្រើន។
ស.មវ៉ជីកុង បានស្នើឱ្យសាខាបក្ស គណៈប្រជាជនភូមិយកចិត្តទុកដាក់ដឹកនាំ ចង្អុលការ បន្តពង្រីកល្អប្រពៃណីសាមគ្គី កសាងតំបន់អាសយជនភូមិទឹកប្រៃកណ្តាលកាន់តែរីកចម្រើន។ គណៈកម្មាធិការបក្ស រដ្ឋអំណាច រណសិរ្សមាតុភូមិ បណ្តាអង្គការមហាជនថ្នាក់ស្រុក ថ្នាក់ឃុំបន្តយកចិត្តទុកដាក់ជំនួយឧបត្ថម្ភ ដើម្បីសាខាបក្ស គណៈការងាររណសិរ្សភូមិទឹកប្រៃកណ្តាលផ្សព្វផ្សាយអនុវត្តខ្លឹមសារសំខាន់ៗចំនួន៥ កិច្ចបំផុសចលនា“ទូទាំងប្រជាជនសាមគ្គីកសាងជនបទថ្មី ទីក្រុងអរិយធម៌” ផ្សារភ្ជាប់ជាមួយនឹងការផ្សព្វផ្សាយកម្មវិធីទិសដៅជាតិកសាងជនបទថ្មីនិងចលនា “ទូទាំងប្រទេសរួមកម្លាំងដើម្បីអ្នកក្រ មិនទុកចោលអ្នកក្រណាម្នាក់ឡើយ” ជាមួយសកម្មភាពជាក់ស្តែង ប្រសិទ្ធភាព គុណភាព ជាមួយពាក្យស្លោក“ស្របតាមឆន្ទៈបក្ស ស្របទឹកចិត្តរបស់ប្រជាជន”។ល។
ក្នុងឱកាសនេះ ថ្នាក់ដឹកនាំខេត្ត ស្រុក ឃុំជូនអំណោយ១០ចំណែកដល់សិស្សដែលជម្នះការលំបាក សង្វាតរៀនសូត្រ។ គណៈចលនាមូលនិធិ“ដើម្បីអ្នកក្រ” របស់ខេត្ត ស្រុកជូនអំណោយ៥០ចំណែកដល់គ្រួសារក្រ គ្រួសារក្បែរក្រ គ្រួសារដែលមានស្ថានភាពលំបាក។ ធនាគារ Agribank សាខាខេត្តសុកត្រាំង ជូនផ្ទះ៥ខ្នងដល់គ្រួសារក្រ គ្រួសារក្បែរក្រ គ្រួសារដែលមានស្ថានភាពលំបាកអំពីផ្ទះនៅលើភូមិដ្ឋានស្រុកឡុងភូ…៕
គីមង៉ុក-លីហាន់
Thông tin bạn đọc
Đóng Lưu thông tin