 |
| សមមិត្តឡឹមវ៉ាំងម៉ឹង-សមជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្តសុកត្រាំងរួមជាមួយក្រុមកម្មាភិបាលខេត្តនិងថ្នាក់ដឹកនាំគណៈកម្មាធិការបក្សទីក្រុងសុកត្រាំងមកសួរសុខទុក្ខ ប្រគេន អំណោយនិងជូនពរព្រះចៅអធិការ គណៈកម្មការវត្តវត្តឃ្លាំង |
មកសួរសុខទុក្ខនិងប្រគេនអំណោយនៅវត្តឃ្លាំង លេខាបក្សខេត្តឡឹមវ៉ាំងម៉ឹងបានរាក់ទាក់សួរសុខទុក្ខព្រះឧបជ្ឈាយ៍ ព្រះមហាថេរ ព្រះសង្ឃគ្រប់ព្រះអង្គ និងជនរួមជាតិខ្មែរ ទទួលបុណ្យសែនដូនតាសប្បាយរីករាយ កក់ក្តៅ សុភមង្គលនិងសុវត្ថិភាព ប្រិតសំចៃ។
លេខាបក្សខេត្តត្រេកអរពេលឃើញព្រះឧបជ្ឈាយ៍តាំងណោព្រះសុធម្មាធិបតីរងនៃសមាគមពុទ្ធសាសនាវៀតណាម ប្រធានគណៈអភិបាលពុទ្ធសាសនាវៀតណាមខេត្តសុកត្រាំង ប្រធានសមាគមព្រះសង្ឃសាមគ្គីស្នេហាជាតិខេត្តព្រះចៅអធិការវត្តឃ្លាំងមានសុខភាពល្អ គណៈកម្មការវត្ត ជនរួមជាតិខ្មែរទទួលបុណ្យសែនដូនតាសប្បាយរីករាយ។ ជនរួមជាតិខ្មែរនិងប្រជាជនទីក្រុងសុកត្រាំងចូលរួមល្អបណ្តាចលនាប្រឡងប្រណាំងស្នេហាជាតិ អនុវត្តល្អគោលការណ៍របស់បក្ស ក្រឹត្យច្បាប់របស់រដ្ឋ ជាពិសេសការយល់ស្របក្នុងការរំដោះផ្ទីដីដើម្បីអនុវត្តបណ្តាសំណង់សំខាន់លើភូមិដ្ឋានទីក្រុងសុកត្រាំង។ ឆ្លងតាមនោះ កត់សម្គាល់ការគប់វាល់របស់អ្នកមុខអ្នកការសាសនា អ្នកមានប្រិយភាពនិងជនរួមជាតិខ្មែរក្នុងការងារកសាងនិងអភិវឌ្ឍភូមិភាគ។
លេខាបក្សខេត្តឡឹមវ៉ាំងម៉ឹងសង្ឃឹមថាព្រះចៅអធិការ ព្រះសង្ឃគ្រប់ព្រះអង្គនិងជនរួមជាតិបន្តពង្រីកស្មារតីសមគ្គី រក្សានិងពង្រីកបណ្តាតម្លៃនៃអត្តសញ្ញាណរបស់ជនជាតិ រួមដំណើរជាមួយគណៈកម្មាធិការបក្ស រដ្ឋអំណាច រណសិរ្ស អង្គការគ្រប់ថ្នាក់អនុវត្តល្អការងារផ្សព្វផ្សាយ ចលនាជនរួមជាតិខ្មែរប្រតិបត្តិតាមបណ្តាគោលការណ៍ គោលនយោបាយរបស់បក្សនិងរដ្ឋ ជួយគ្នាអភិវឌ្ឍសេដ្ឋកិច្ចគ្រួសារ។
ព្រះឧបជ្ឈាយ៍តាំងណោបានថ្លែងអំណរគុណថ្នាក់ដឹកនាំបក្សខេត្តនិងក្រុមកម្មាភិបាលខេត្តបានមកសួរសុខទុក្ខនិងជូនពរ។ ព្រះឧបជ្ឈាយ៍តាំងណោឱ្យដឹង ពេលខាងមុខនឹងបន្តចលនាជនរួមជាតិខ្មែរអនុវត្តល្អបណ្តាគោលការណ៍របស់បក្ស គោលនយោបាយ ក្រឹត្យច្បាប់របស់រដ្ឋ ជាពិសេសចលនាជនរួមជាតិចូលរួមចលនាប្រឡងប្រណាំងស្នេហាជាតិ រួមចំណែកធ្វើឱ្យផ្លាស់ប្តូរទិដ្ឋភាពតំបន់ជនជាតិភាគតិច។
 |
| លេខាបក្សខេត្តឡឹមវ៉ាំងម៉ឹងជូនអំណោយនិងជូនពរបុណ្យសែនដូនតាគណៈចាងហ្វាង លោកគ្រូ អ្នកគ្រូនិងសមណៈសិស្សសាលាមធ្យមសិក្សាបំពេញវិជ្ជាបាលីណាមបូ |
មកសួរសុខទុក្ខនិងជូនពរបុណ្យសែនដូនតាគណៈចាងហ្វាង លោកគ្រូ អ្នកគ្រូនិងសមណសិស្សសាលាមធ្យមសិក្សាបំពេញវិជ្ជាបាលីណាមបូ លេខាបក្សខេត្តបានវាយតម្លៃខ្ពស់គុណភាពអប់រំរបស់សាលានិងការខិតខំរបស់លោកគ្រូ អ្នកគ្រូគ្រប់រូប បានជម្នះការលំបាកលើកកម្ពស់គុណភាពបង្រៀន ដោយទិសស្លោក “លោកគ្រូ អ្នកគ្រូគឺជាគំរូរៀនសូត្រដោយខ្លួនឯង ច្នៃប្រឌិត” សម្រេចល្អភារកិច្ចលើកកម្ពស់ប្រជាបញ្ញា បំប៉នប្រភពកម្លាំងឱ្យតំបន់ជនជាតិភាគតិច។ លេខាបក្សខេត្តសង្ឃឹមសមូហភាពគណៈចាងហ្វាង លោកគ្រូ អ្នកគ្រូនិងសមណសិស្សសាលាមធ្យមសិក្សាបំពេញវិជ្ជាបាលីណាមបូបន្តការសមគ្គី ខិតខំក្នុងការងារបង្រៀននិងរៀន ថ្នាក់ដឹកនាំខេត្ត គ្រប់ថ្នាក់ គ្រប់ផ្នែកតែងរួមដំណើរ បង្កលក្ខណៈដើម្បីសាលាសម្រេចល្អភារកិច្ច។
នាឱកាសបុណ្យសែនដូនតា លេខាបក្សខេត្តជូនពរគណៈចាងហ្វាង លោកគ្រូ អ្នកគ្រូនិងសមណៈសិស្សសាលាមធ្យមសិក្សាបំពេញវិជ្ជាបាលីណាមបូទទួលបុណ្យសែនដូនតាសប្បាយរីករាយ សុភមង្គល សុវត្ថិភាព ប្រិតសំចៃ៕
ជីបាវ-អិនទ្វឹង
Thông tin bạn đọc
Đóng Lưu thông tin