 |
| តំណាងទាំងឡាយចូលរួមមហាសន្និបាត។ |
មហាសន្និបាតបានរាយការណ៍ពីលទ្ធផលសកម្មភាពក្នុងអាណត្តិកាល២០១៨-២០២៣និងសេចក្តីព្រាងទិសដៅភារកិច្ចអាណត្តិកាល២០២៤-២០២៩ រាយការណ៍ពិនិត្យវាយតម្លៃនៃគណៈប្រតិបត្តិការសមាគមអាណត្តិកាល២០១៨-២០២៣ ពិគ្រោះយោបល់របស់គណៈប្រតិបត្តិការ គណៈពិនិត្យអាណត្តិកាល២០២៤-២០២៩។
នៅក្នុងមហាសន្និបាត តំណាងទាំងឡាយស្តាប់សេចក្តីរាយការណ៍ ពីតំណាងបណ្តាសមាគមលើភូមិដ្ឋានខេត្តជាមួយបណ្តាប្រធានបទទាក់ទិនដល់ការអភិវឌ្ឍសេដ្ឋកិច្ច បំបាត់អត់បន្ថយក្រ អភិរក្សនិងពង្រីកអត្តសញ្ញាណវប្បធម៌ជនជាតិ។ តាមនោះ ជួយឱ្យតំណាងទាំងឡាយក្តាប់ពីស្ថានភាពអភិវឌ្ឍសេដ្ឋកិច្ច វប្បធម៌ សង្គមនៃបណ្តាសមាគមលើភូមិដ្ឋាន។ ជាមួយទិសស្លោក ”សាមគ្គី មិត្តភាព សហការនិងអភិវឌ្ឍ“ សមាគមមិត្តភាពវៀតណាម-ចិនខេត្តសុកត្រាំង បន្តកសាងនិងអភិវឌ្ឍការទំនាក់ទំនងមិត្តភាព ធ្វើជាស្ពានតភ្ជាប់ក្នុងកិច្ចសហការរវាងប្រជាជនទាំងពីរប្រទេស ពង្រឹងការងារកិច្ចការបរទេសប្រជាជនក្នុងការផ្សព្វផ្សាយគោលការណ៍ គោលនយោបាយរបស់បក្ស ក្រឹត្យច្បាប់របស់រដ្ឋ រួមចំណែកបង្កបរិស្ថានអន្តរជាតិល្អប្រសើរសម្រាប់បុព្វហេតុកសាងនិងអភិវឌ្ឍប្រទេសជាតិ ការពារឯករាជ្យជាតិនិងបូរណភាពទឹកដីរបស់ប្រទេសជាតិ។
 |
| គណៈប្រតិបត្តិការបង្ហាញមុខមហាសន្និបាត។ |
ថ្លែងការណ៍ក្នុងសន្និបាត សមមិត្តហូធីកឹមដាវ-អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្តបានសង្កត់ធ្ងន់៖ មហាសន្និបាតសមាគមមិត្តភាពវៀតណាម-ចិនខេត្តសុកត្រាំងលើកទី២ អាណត្តិកាល២០២៤-២០២៩ ជាព្រឹត្តិការណ៍មានអត្ថន័យយ៉ាងសំខាន់ អះអាងការយកចិត្តទុកដាក់របស់បក្សនិងរដ្ឋចំពោះជនជាតិហ្វា សម្តែងកម្លាំងសាមគ្គីទូទាំងជនជាតិក្នុងការអនុវត្តភារកិច្ចអភិវឌ្ឍសេដ្ឋកិច្ច-សង្គម គូសបញ្ជាក់ការអភិវឌ្ឍរបស់សមាគមមិត្តភាពវៀតណាម-ចិនខេត្តសុកត្រាំង។ សមមិត្តកត់សម្គាល់និងវាយតម្លៃខ្ពស់បណ្តាលទ្ធផលដែលសម្រេចបានរបស់សមាគមមិត្តភាពវៀតណាម-ចិនខេត្តនិងស្ងើចសរសើរស្មារតីសាមគ្គី ភារៈ ខិតខំសម្រេចភារកិច្ចបានល្អនៃកងជួរបំពេញការងារសមាគមក្នុងអាណត្តិកាលកន្លង។ ក្នុងអាណត្តិកាលថ្មី ស្នើសមាគមមិត្តភាពវៀតណាម-ចិនខេត្តគប្បីទទួលយកមតិ យោបល់ សំណើរបស់តំណាងទាំងឡាយ ដើម្បីរកដំណោះស្រាយជម្នះការលំបាក តាមនោះយកចិត្តទុកដាក់លើកកម្ពស់គុណភាព ប្រសិទ្ធភាពរាល់ការងាររបស់សមាគម។
 |
| ថ្នាក់ដឹកនាំខេត្តសុកត្រាំងជូនផ្ទាំងអនុស្សាវរីយ៍ជូនពរមហាសន្និបាត។ |
មហាសន្និបាតបានអនុម័តសេចក្តីព្រាងលក្ខន្តិកៈសមាគមនិងពិគ្រោះឯកភាពសមាជិកគណៈប្រតិបត្តិការរួមមាន១៥រូប។ លោកត្រឹងខាក់ទ្រុង-អនុប្រធានគណៈជនជាតិខេត្តធ្វើជាប្រធានសមាគមមិត្តភាពវៀតណាម-ចិនខេត្តសុកត្រាំងអាណត្តិកាល២០២៤-២០២៩។ នាឱកាសនេះ ថ្នាក់ដឹកនាំខេត្តនៅទាំងជូនផ្ទាំងអនុស្សាវរីយ៍ជូនពរមហាសន្និបាតដោយមានអក្សរ”សាមគ្គី មិត្តភាព សហការ អភិវឌ្ឍ “៕ ហុងទើ-សុផល
Thông tin bạn đọc
Đóng Lưu thông tin