នាយករដ្ឋមន្ត្រី ដឹកនាំកិច្ចប្រជុំពិភាក្សាវិធានការជំរុញអភិវឌ្ឍន៍គម្រោង ១ លានហិកតា ជំនាញផលិតស្រូវគុណភាពខ្ពស់ នៅតំបន់វាលរាបទន្លេគឺវឡុង

05:12, 23/10/2024

នាយករដ្ឋមន្ត្រី ផាមមិញជិញ ទើបដឹកនាំកិច្ចប្រជុំពិភាក្សាវិធានការជំរុញការផ្សព្វផ្សាយគម្រោងអភិវឌ្ឍន៍ចីរភាពផ្ទៃដី ១ លានហិកតា ជំនាញផលិតស្រូវគុណភាពខ្ពស់និងបំភាយឧស្ម័នទាប ផ្សារភ្ជាប់នឹងកំណើនបៃតងតំបន់វាលរាបទន្លេគឺវឡុងដល់ឆ្នាំ២០៣០។ កិច្ចប្រជុំត្រូវបានរៀបចំនៅក្រុងកឹងធើ។

នាយករដ្ឋមន្ត្រី ផាមមិញជិញ ដឹកនាំកិច្ចប្រជុំ

គម្រោង “អភិវឌ្ឍន៍ចីរភាពផ្ទៃដី ១ លានហិកតា ជំនាញផលិតស្រូវគុណភាពខ្ពស់និងបំភាយឧស្ម័នទាប ផ្សារភ្ជាប់នឹងកំណើនបៃតងតំបន់វាលរាបទន្លេគឺវឡុងដល់ឆ្នាំ២០៣០” ត្រូវបាននាយករដ្ឋមន្ត្រី ផ្តល់សច្ចាប័ន ដាក់ជាធរមានតាមសេចក្តីសម្រេចលេខ ១៤៩០/QĐ-TTg ចុះថ្ងៃទី២៧ ខែវិច្ឆិកា ឆ្នាំ២០២៣។ គម្រោងចែកជា២ដំណាក់កាល៖ ដំណក់កាលទី ១៖ (ឆ្នាំ២០២៤ - ២០២៥) ផ្តោតលើផ្ទៃដី ២០០.០០០ ហិកតា ដែលគ្រប់លក្ខណៈអំពីហេដ្ឋារចនាសម្ព័ន្ធផលិតកម្មនិងសមត្ថភាពរបស់សហករណ៍ក្នុងការផលិត ចងសម្ព័ន្ធប្រើប្រាស់ជាមួយនឹងអាជីវកម្ម ដើម្បីសម្រេចលក្ខឋានស្រូវគុណភាពខ្ពស់និងបំភាយឧស្ម័នទាប; ដំណាក់កាលទី ២៖ (ឆ្នាំ២០២៦-២០៣០) ផ្តោតលើការវិនិយោគធ្វើឱ្យសុក្រឹត ផ្នែកហេដ្ឋារចនាសម្ព័ន្ធនិងបន្តការលើកកម្ពស់សមត្ថភាពរបស់ទូទាំងប្រព័ន្ធ ដើម្បីពង្រីកបន្ថែមផ្ទៃដី ៨០០.០០០ ហិកតា ផលិតស្រូវគុណភាពខ្ពស់និងបំភាយឧស្ម័នទាប។ ឆ្លងតាមរយៈនៃការអនុវត្តទម្រង់គំរូចំនួន ៧ ដែលបានផ្សព្វផ្សាយនៅខេត្ត ក្រុងចំនួន ៥ រួមមាន៖ កឹងធើ ដុងថាប គៀងយ៉ាង ត្រាវិញនិងសុកត្រាំង ចាប់តាំងពីស្រូវរដូវដើមឆ្នាំ ឆ្នាំ២០២៤ បានជួយលើកកម្ពស់ប្រសិទ្ធភាពផលិតកម្ម បង្កើនប្រាក់ចំណេញដល់កសិករ កាត់បន្ថយការបំភាយឧស្ម័ន ផ្ទះកញ្ចក់ គឺកាត់បន្ថយបានបរិមាណពូជ ជី ថ្នាំការពាររុក្ខជាតិ វិនិច្ឆ័យប្រភពទឹកស្រោចស្រព និងប្រមូលចំបើងពីដីស្រែដោយម៉ាស៊ីនមូរចំបើង។ មាន៤/៧ ទម្រង់គំរូបានប្រមូលផល បង្ហាញឱ្យឃើញថា កសិករអាចកាត់បន្ថយពី ២០-៣០% លើការចំណាយទិន្នផលកើនឡើង ១០% ប្រាក់ ចំណូលកើនឡើងពី២០-២៥% (ប្រាក់ចំណេញកើនពី ៤-៧,៦ លានដុង/ហិកតា បើប្រៀបធៀបនឹងការផលិតស្រូវក្រៅគម្រោង) កាត់បន្ថយជាមធ្យមភាគពី ៥-៦ តោនកាបួន (CO2) ប្រហាក់ប្រហែល ១ ហិកតា ហើយបរិមាណផលដែលប្រមូលផលទាំងអស់ត្រូវបានអាជីវកម្មធានាទិញតម្លៃខ្ពស់ជាងទីផ្សារ ប្រមាណពី ២០០-៣០០ ដុង/គីឡូក្រាម។

ថ្លែងចង្អុលការក្នុងកិច្ចប្រជុំ នាយករដ្ឋមន្ត្រី ផាមមិញជិញ បានកំណត់ច្បាស់ទិសដៅដល់គ្រប់ក្រសួង គណៈ ផ្នែក ភូមិភាគនិងអង្គភាពដែលជាប់ពាក់ព័ន្ធ គប្បីយកចិត្តទុកដាក់អនុវត្តបានល្អនៅពេលខាងមុន ដើម្បីអនុវត្តគម្រោងឱ្យបានល្អ ព្រមទាំងលើកកម្ពស់សង្វាក់តម្លៃប្រភេទទំនិញស្រូវអង្ករវៀតណាម។ នាយករដ្ឋមន្ត្រី គូសបញ្ជាក់ត្រូវតែ “បញ្ចូលព្រលឹង” ទៅលើដំណាំស្រូវដោយបច្ចេកវិទ្យាឌីជីថល ដោយការអភិវឌ្ឍបៃតង ដោយសេដ្ឋកិច្ចវិលជុំ សេដ្ឋកិច្ចចែករំលែកសេដ្ឋកិច្ចប្រកបដោយបញ្ញា ដោយវិទ្យាសាស្ត្របច្ចេកវិទ្យានិងផ្លាស់ថ្មីប្រកបដោយគំនិតច្នៃប្រតិដ្ឋ។ ត្រូវចេះស្រឡាញ់ដើមស្រូវដូចស្រឡាញ់ខ្លួន ផ្តើមពីនោះ ទើបបង្កើតបានការបដិវត្តន៍ដំណាំស្រូវតំបន់វាលរាបទន្លេគឺវឡុង និយាយដោយឡែក និងទូទាំងប្រទេសនិយាយរួម។ល។ ទន្ទឹមនឹងនោះ ត្រូវតែពន្លឿននិងបង្កភាពទម្លុះទម្លាយជាងទៀត ដើម្បីសម្រេចទិសដៅនៃគម្រោងឱ្យបានយ៉ាងឆាប់រហ័ស៕

វ៉ាន់កុង-មុនី

កាសែតកឹងធើ Online

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង

Thông tin bạn đọc

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង