ព្រឹកថ្ងៃទី៣១ ខែតុលា នៅគណៈកម្មាធិការប្រជាជនខេត្តសុកត្រាំង គណៈចាត់តាំងពិធីបុណ្យអកអំបុក-ប្រណាំងទូកងសុកត្រាំងតំបន់វាលរាបទន្លេគូវឡុង លើកទី៦ (ហៅកាត់ថាពិធីបុណ្យ) និងសប្តាហ៍វប្បធម៌កីឡានិងទេសចរណ៍សុកត្រាំង លើកទី១ ឆ្នាំ២០២៤ ចាត់តាំងអង្គប្រជុំ ដើម្បីស្តាប់របាយការណ៍ស្តីពីស្ថានភាពផ្សព្វផ្សាយអនុវត្តការងារត្រៀមចាត់តាំងពិធីបុណ្យនិងអនុម័តខ្លឹមសារកម្មវិធីបើកវគ្គពិធីបុណ្យ។ អញ្ជើញចូលរួមមានបណ្តាស.ម: ងោហុង-សមាជិកគណៈអចិន្ត្រៃយ៍បក្សខេត្ត ប្រធានគណៈកម្មាធិការរណសិរ្សមាតុភូមិវៀតណាមខេត្ត ឡឹមតឹងហ្វា-សមាជិកគណៈអចិន្ត្រៃយ៍បក្សខេត្ត ប្រធានគណៈឃោសនាអប់រំបក្សខេត្ត ង្វៀងវ៉ាំងខើយ-សមាជិកបក្សខេត្តអនុប្រធានគណៈកម្មាធិការប្រជាជនខេត្តបណ្តាសមាជិកគណៈចាត់តាំងពិធីបុណ្យ។
 |
|
ស.មង្វៀងវ៉ាំងខើយ-សមាជិកបក្សខេត្ត អនុប្រធានគណៈកម្មាធិការប្រជាជនខេត្តសុកត្រាំង ថ្លែងប្រសាសន៍នៅអង្គប្រជុំ។ |
ក្នុងអង្គប្រជុំស.មត្រឹងមិញលី-សមាជិកបក្សខេត្ត នាយកមន្ទីរវប្បធម៌កីឡានិងទេសចរណ៍ បានជូនព័ត៌មានពីល្បឿនការងាររៀបចំពិធីបុណ្យ។ តាមនោះ មាន៥សកម្មភាពសំខាន់ៗដូចៈ កម្មវិធីបើកវគ្គពិធីប្រណាំងទូកង ពិធីថ្វាយព្រះច័ន្ទ ការសម្តែងប្រទីបនិងសម្តែងទូកគេហ៊ៅ បូកសរុបបិទវគ្គនិងគួបផ្សំពិធីបិទវគ្គជូនសង្វាន់ប្រណាំងទូកង។ ចំពោះកម្មវិធីបើកវគ្គពិធីបុណ្យ គណៈចាត់តាំងបានជ្រើសក្រមហ៊ុនចំកាត់ពិព័រណ៍និងទូរគមនាគមន៍ទិនទូជាអង្គភាពអនុវត្តព្រឹត្តិការណ៍។ ស្ថានីយវិទ្យុទូរទស្សន៍សុកត្រាំង កំពុងសហការជាមួយអង្គភាពទាក់ទិន ដើម្បីរៀបចំការផ្សាយផ្ទាល់កម្មវិធីបើកវគ្គពិធីបុណ្យតាមការចង្អុលការរបស់គណៈចាត់តាំងពិធីបុណ្យ។
ចំពោះពិធីប្រណាំងទូកង គិតមកដល់ពេលនេះ មាន៦១ក្រុមទូកងចុះឈ្មោះចូលរួម ក្នុងនោះ ក្នុងខេត្តមាន៤៩ក្រុម(បុរសមាន៤៦ក្រុម នារីមាន៣ក្រុម) ក្រៅខេត្ត (បាកលីវ កាម៉ាវ កឹងធើ ហូវយ៉ាងនិងគៀងយ៉ាង) មាន១២ក្រុម (បុរស៨ក្រុម នារី៤ក្រុម) សម្តែងប្រទីបនិងទូកគែហ៊ៅ បច្ចុប្បន្ន បណ្តាស្រុកទីរួមខេត្តក្រុងបានរៀបចំរួចស្រេចទូកគែហ៊ៅចំនួន៤គ្រឿងនិង២០ប្រទីបដើម្បីចូលរួមក្នុងការសម្តែង។
សប្តាហ៍វប្បធម៌កីឡានិងទេសចរណ៍សុកត្រាំង មាន៦សកម្មភាព រួមមានៈ ផ្សារណាត់ផ្សព្វផ្សាយពាណិជ្ជកម្មផលិតផល OCOP សុកត្រាំងនិងអតិផលពិសេសក្នុងតំបន់ឆ្នាំ២០២៤ ពិធីសម្តែងសិល្បៈមហាជននិងសម្តែងសម្លៀកបំពាក់បណ្តាជនជាតិខេត្តសុកត្រាំង ចាត់តាំងបង្កើតឯតទគ្គកម្ម Guiness វៀតណាមស្តីពីការសម្តែងភ្លេងពិណពាទ្យ បេតិកភណ្ឌវប្បធម៌អរូបីជាតិរបស់ជនជាតិខ្មែរខេត្តសុកត្រាំង ដែលមានទ្រង់ទ្រាយច្រើនបំផុតនៅវៀតណាម (ចំនួន២០វង់ភ្លេងពិណពាទ្យ មានប្រហែល២០០តន្ត្រីករ ចូលរួមសម្តែង) រង្វាន់ក្លឹបហាត់ប្រាណទូទាំងប្រទេសឆ្នាំ២០២៤ មហោស្រពអាហារតាមវិថី “រសជាតិសុកត្រាំង” លើកទី៦ ឆ្នាំ២០២៤ ឧទ្ទេសនាមផលិតផលទេសចរណ៍សុកត្រាំង។
តំណាងទាំងឡាយគប់វាល់យោបល់ស្តីពីការបង្កើនការឃោសនាពីពិធីបុណ្យតាមប្រព័ន្ធឃោសនា កាសែត វិទ្យុ ចាត់កម្មាភិបាលអនុវត្តការងារដើម្បីធានាសុវត្ថិភាពអនាម័យម្ហូបអាហារ បង្ការ ទប់ស្កាត់ជំងឺ ផ្លាស់ប្តូរបដាចាស់មួយចំនួន បញ្ជីរាយនាមគណៈប្រតិភូ សារព័ត៌មាន វិទ្យុចូលរួមនិងជូនដំណឹងពិធីបុណ្យ រៀបចំយានជំនិះទទួលបណ្តាសមមិត្តអតីតថ្នាក់ដឹកនាំគណៈកម្មាធិការបក្សខេត្ត អតីតថ្នាក់ដឹកនាំគណៈកម្មាធិការប្រជាជនខេត្ត អតីតថ្នាក់ដឹកនាំក្រុមប្រឹក្សាប្រជាជនខេត្ត ពិនិត្យសរុបកម្មវិធីបើកវគ្គពិធីបុណ្យ រៀបចំសុន្ទរកថាបើកវគ្គពិធីបុណ្យ ផ្សព្វផ្សាយពីបណ្តាសកម្មភាពពិធីបុណ្យ រៀបចំផ្លាកឈ្មោះរបស់ថ្នាក់ដឹកនាំដែលអញ្ជើញមកចូលរួមនិងទស្សនាការប្រណាំងទូកង…។
ស.មង្វៀងវ៉ាំងខើយ បានស្នើឱ្យមន្ទីរវប្បធម៌ កីឡានិងទេសចរណ៍ ទទួលយកមតិយោបល់គប់វាល់របស់តំណាងទាំងឡាយទីក្រុងសុកត្រាំង បង្កើនការងារឃោសនាជាមួយផ្ទាំងប៉ាណូលើដងវិថី កែលម្អទីក្រុង ទន្ទឹមនឹងនោះ ពិនិត្យខ្លឹមសារភារកិច្ចជាក់លាក់របស់អនុគណៈនីមួយៗ បណ្តាស្ថាប័នអង្គភាពទាក់ទិននិងច្បាមផែនការរបស់គណៈចាត់តាំងពិធីបុណ្យ ដើម្បីផ្សព្វផ្សាយអនុវត្តបម្រើល្អឱ្យពិធីបុណ្យនិងសប្តាហ៍វប្បធម៌ កីឡានិងទេសចរណ៍សុកត្រាំង លើកទី១ ឆ្នាំ២០២៤៕
ថាច់ពេជ្រ
Thông tin bạn đọc
Đóng Lưu thông tin