 |
| ប្រធានគណៈកម្មាធិការប្រជាជនខេត្តសុកត្រាំងត្រឹងវ៉ាំងឡូវ (ខាងស្តាំ) ទទួលបដិសណ្ឋារៈអគ្គកុងស៊ុលឥណ្ឌានៅទីក្រុងហូជីមិញពេលមកទស្សនកិច្ចនៅសុកត្រាំង |
ក្នុងពិធីទទួលបដិសណ្ឋារៈ សមមិត្តត្រឹងវ៉ាំងឡូវសម្តែងនូវក្តីសប្បាយរីករាយយ៉ាងខ្លាំងពេល ទទួលបដិសណ្ឋារៈលោកអគ្គកុងស៊ុលឥណ្ឌាមកទស្សនកិច្ចនៅខេត្តសុកត្រាំង។ សមមិត្តបានឱ្យដឹង ក្នុង៩ខែដើមឆ្នាំ២០២៤ ទោះបីជួបការលំបាក ប៉ុន្តែសេដ្ឋកិច្ចរបស់ខេត្តនៅតែបន្តអភិវឌ្ឍ កំណើនសេដ្ឋកិច្ចសម្រេច៦,៥៥% ឈរចំណាត់ទី៤០នៃទូទាំងប្រទេសនិងឈរទី៤នៅតំបន់វាលរាបទន្លេគឺវឡុង។ តាមនោះ សមមិត្តបានរាយការណ៍បន្ថែមពីសក្តានុភាពរបស់ខេត្ត ក្នុងនោះលេចធ្លោបំផុតគឺហេដ្ឋារចនាសម្ព័ន្ធ។ សព្វថ្ងៃសុកត្រាំងកំពុងអនុវត្តគម្រោងសមភាព៤ចំណុះគម្រោងវិនិយោគកសាងផ្លូវល្បឿនលឿនចូវដុក-កឹងធើ-សុកត្រាំងដំណាក់កាលទី១ គម្រោងស្ពានដាយង៉ាយ។ល។ ទន្ទឹមនោះ ខេត្តកំពុងអនុវត្តបណ្តាសំណុំបែបបទចាំបាច់ដើម្បីអនុវត្តគម្រោងកំពង់ផែសមុទ្រត្រឹងដេ បានកំណត់ទិសវិនិយោគក្លាយជាកំពង់ផែទឹកជ្រៅដៃទន្លេនៃតំបន់វាលរាបទន្លេគឺវឡុង។ ប្រធានគណៈកម្មាធិការប្រជាជនខេត្តសង្ឃឹមបានសហការជាមួយឥណ្ឌាលើវិស័យនេះ ពីព្រោះឥណ្ឌាមានសក្តានុភាពពីកំពង់ផែសមុទ្រ។ ចំណែកខេត្តសុកត្រាំងក៏មានសក្តានុភាពពីកសិកម្មប៉ុន្តែខ្វះរោងចក្រកែច្នៃកសិផលឱ្យទៅជាផលិតផលសម្រាប់នីហរ័ណទៅទីផ្សារឥណ្ឌាដូច្នេះខេត្តចង់ធ្វើកិច្ចសហការជាមួយអាជីវកម្មឥណ្ឌា។
 |
| ត្រឹងវ៉ាំងឡូវ-ប្រធានគណៈកម្មាធិការប្រជាជនខេត្តសុកត្រាំង (ខាងស្តាំ) ជូនអំណោយអនុស្សាវរីយ៍ដល់លោកមាដានមហាសេដ្ឋី |
លោកមាដានមហាសេដ្ឋីបានអំណរគុណប្រធានគណៈកម្មាធិការប្រជាជនខេត្តសុកត្រាំងនិងមន្ទីរគណៈ ផ្នែកដែលទទួលបដិសណ្ឋារៈដោយភាពកក់ក្តៅ។ លោកបានឱ្យដឹង បច្ចុប្បន្ន មានអ្នកវិនិយោគ អាជីវកម្មឥណ្ឌាជាច្រើនបានយកចិត្តទុកដាក់ ស្វែងរកនិងចង់សហការជាមួយវៀតណាម ក្នុងនោះមានខេត្តសុកត្រាំង។ សព្វថ្ងៃ វៀតណាមនិងឥណ្ឌាមានច្រើនលើកហោះផ្ទាល់ ម៉្លោះហើយការដោះដូររវាងប្រជាជនទាំងពីរប្រទេសមានភាពងាយស្រួល ដូច្នេះបើកឱកាសសម្រាប់ដោះដូររវាងឥណ្ឌានិងសុកត្រាំង។ អគ្គកុងស៊ុលឥណ្ឌានៅទីក្រុងហូជីមិញនឹងធ្វើការជំនួយ ទាក់ទងអាជីវកម្មឥណ្ឌាដើម្បីស្វែងយល់ការវិនិយោគនៅសុកត្រាំង។ ទន្ទឹមនោះ ជម្រុញកិច្ចសហការរវាងឥណ្ឌានិងខេត្តសុកត្រាំងលើវិស័យសុខាភិបាល អប់រំ ទេសចរណ៍ កំពង់ផែសមុទ្រ។ល។ រួមចំណែករឹតបន្តឹងមិត្តភាពរវាងវៀតណាមនិងឥណ្ឌា ដោះដូរសេដ្ឋកិច្ចរវាងអាជីវកម្មឥណ្ឌាជាមួយខេត្តសុកត្រាំងក្នុងពេលខាងមុខ៕
ហ្វាងឡាង-សុផល
Thông tin bạn đọc
Đóng Lưu thông tin