 |
| បងដាវហ្វាងទ្វឹង គំរូភ្លឺស្វាងអំពីស្មារតីសប្បុរសធម៌ ឃុំវៀងប៊ិញ ស្រុកត្រឹងដេ (សុកត្រាំង)។ |
ប្រជាជនក្នុងភូមិភាគតែងតែនិយាយអំពីបងដាវហ្វាងទ្វឹង ដែលជាគំរូនៃស្មារតីស្ម័គ្រចិត្ត។ យើងខ្ញុំបានជួបនិងសំណេះសំណាលអំពីនិស្ស័យដែលធ្វើឲ្យបងផ្សារភ្ជាប់ជាមួយនឹងការងារសប្បុរសធម៌ជាង២០ឆ្នាំកន្លង បងទ្វឹងចែករំលែក៖ កាលពីមុន គ្រួសារខ្ញុំជួបការលំបាក ចាប់ផ្តើមរកស៊ីដោយបាតដៃទទេ ប្រកបរបរលក់ដូរតាមចិញ្ចើមផ្លូវ ដើម្បីរកប្រាក់ចិញ្ចឹមគ្រួសារនិងកូនពីរនាក់ដែលនៅរៀន។ ក្រោយមក សមាគមកសិករឃុំវៀងប៊ិញ បានជួយឱ្យបុលទុនពីធនាគារគោលនយោបាយដើម្បីវិនិយោគម៉ាស៊ីនកិនស្រូវ។ ដោយការខិតខំប្រឹងប្រែងធ្វើការរកស៊ី ជីវភាពបានប្រសើរឡើងបន្តិចម្តងៗ។ នៅឆ្នាំ២០០៥ ខ្ញុំបានចាប់ផ្តើមចែករំលែកនិងជួយដល់អ្នកក្រ អ្នកដែលមានស្ថានភាពលំបាក ព្រោះខ្ញុំធ្លាប់ជួបការលំបាក ខ្វះខាត ម្ល៉ោះហើយខ្ញុំយល់និងមានការអាណិត។
មកពីមានការអាណិតនោះហើយ ដែលធ្វើឲ្យបងបានផ្សារភ្ជាប់ជាមួយការងារសប្បុរសធម៌រហូតមកដល់សព្វថ្ងៃដោយមានបំណងចង់ជួយដល់អ្នកលំបាន ផ្តល់កម្លាំងចិត្តនិងឆន្ទៈដើម្បីជួយពួកគាត់ឈានឡើងក្នុងជីវភាព។ បានដឹង ចាប់តាំងពីចូលរួមក្នុងការងារសង្គមមកដល់បច្ចុប្បន្ន បងទ្វឹងបានជួយដល់អ្នកលំបាករាប់លាននាក់ ដូចជា ឧបត្ថម្ភក្តារមឈូសប្រហែល១២.០០០ រទេះរុញរាប់រយអំណោយរាប់លានចំណែក រួមទាំងអង្ករ របស់របរប្រើប្រាស់ ថវិកាដែលបងចលនាពីសប្បុរសជននិងគប់វាល់ផ្ទាល់ខ្លួន។ ក្នុងឆ្នាំ២០២៤ បានទិញរថយន្ត សង្គ្រោះសប្បុរសធម៌ ដើម្បីបម្រើអ្នកក្រដោយមិនគិតថ្លៃ ជាមួយថវិកាចលនាពីសប្បុរសជន បងផ្ទាល់បានគប់វាល់ជាង១០០លានដុង ដោយមានបំណងចង់ជួយដល់អ្នកដែលមានស្ថានភាពលំបាក បានទៅពិនិត្យ ព្យាបាលទាន់ពេលមានប្រហែល៦០នាក់/ខែ។ល។ មីងថាច់ធីគីមនឿង នៅឃុំវៀងប៊ិញ ឱ្យដឹង៖ ពេលណាមានស្ថានភាពលំបាកដែលត្រូវការជំនួយដូចជាពិធីបុណ្យសពឬរថយន្តសង្គ្រោះដឹកសាច់ញាតិទៅមន្ទីរពេទ្យ គឺបងទ្វឹងឧបត្ថម្ភដោយអស់ពីចិត្ត ដឹងថាកន្លែងណាមានស្ថានភាពលំបាកដែលត្រូវការជំនួយ បងទ្វឹងបានទៅទីនោះដើម្បីពិនិត្យស្ថានភាពនិងជំនួយឧបត្ថម្ភមាមីងឲ្យបានទាន់ពេល ដូច្នេះហើយ បានមាមីងគោរពស្រឡាញ់។ ក្រៅពីការងារដ៏មានអត្ថន័យខាងលើ រៀងរាល់ឆ្នាំ បងទ្វឹងបានកៀរគរសប្បុរសជន អាជីវកម្ម កសាងគម្រោងអុជបំភ្លឺផ្លូវជនបទមានប្រវែង១គីឡូម៉ែត្រ ដាំឈើជាង៥០០ដើម ថវិកា៧០លានដុង។ ទន្ទឹមនឹងនោះ ទិញអង្ករ អាហារ ភេសជ្ជៈជូនប្រជាជនចូលរួមជួសជុលស្ពាន ផ្លូវនិងឧបត្ថម្ភថវិកាជួសជុលទូកងប្រគេនដល់វត្តនៅលើភូមិដ្ឋានឃុំ ក្នុងចំនួនបច្ច័យ៥០លានដុង/ឆ្នាំ។ល។ បងទ្វឹងក៏បានបង្កការងារធ្វើ បង្កើនប្រាក់ចំណូលដល់ពលករនៅភូមិភាគចំនួន១៦នាក់ ដោយទទួលបានប្រាក់ចំណូលពី៤-៦លានដុង/ខែ ណែនាំផ្សព្វផ្សាយចំណេះដឹង បទពិសោធន៍ផលិត អនុវត្តភាពជឿនលឿនវិទ្យាសាស្ត្រ-បច្ចេកទេសដល់២៥គ្រួសារ/ឆ្នាំ ផ្តល់ទុនធ្វើការរកស៊ីដល់១០គ្រួសារ/ឆ្នាំ ដើម្បីអភិវឌ្ឍផលិត។ល។ សមមិត្តឡេវ៉ាំងហោ-អនុប្រធានគណៈកម្មាធិការប្រជាជនឃុំវៀងប៊ិញ ឱ្យដឹង៖ បណ្តា ការងាររបស់បងដាវហ្វាងទ្វឹងនាពេលកន្លងបានរួមចំណែកយ៉ាង សំខាន់ជាមួយរដ្ឋអំណាចក្នុងការអនុវត្តបំ បាត់អត់ បន្ថយក្រនៅភូមិភាគប្រកបដោយប្រសិទ្ធភាព។
ជាមួយនឹងការងារប្រកបដោយអត្ថន័យជាក់ស្តែង នាពេលកន្លងបងដាវហ្វាងទ្វឹងបាន ប្រធានគណៈ កម្មាធិការប្រជាជនស្រុក ឃុំស្ងើចសរសើរ។ ពិសេស ឆ្នាំ២០២២ បងបានប្រធានគណៈកម្មាធិការប្រជាជនខេត្តជូនប័ណ្ណសរសើរដោយមានកិត្តិនាម “គំរូជឿនលឿនក្នុងការងារសង្គមនៅលើភូមិដ្ឋានខេត្តសុកត្រាំង”។ សង្ឃឹមថា នេះជាប្រភពនៃការលើកទឹកចិត្តខាងស្មារតី ដើម្បីជួយបងខិតខំប្រឹងប្រែងច្រើនបន្ថែមទៀតក្នុងការងារសប្បុរសធម៌របស់ខ្លួននាពេលខាងមុខ៕
ថាញ់វ៉ាង - លីហាន់
Thông tin bạn đọc
Đóng Lưu thông tin