 |
| លោកគីមរ៉ុង លេខាសាខាបក្សគំរូ ប្រជាចលនាពូកែនៅភូមិតាអុង ឃុំវៀងប៊ិញ ស្រុកត្រឹងដេ (សុកត្រាំង)។ |
សំណេះសំណាលជាមួយយើងខ្ញុំ លោកគីមរ៉ុងបានឱ្យដឹង៖ ឆ្នាំ២០២២ ដោយបានប្រជាជននិងគណៈកម្មាធិការប្រជាជនឃុំវៀងប៊ិញទំនុកចិត្តជ្រើសធ្វើជាលេខាសាខាបក្សភូមិតាអ៊ុង ដើម្បីឆ្លើយតបនូវក្តីសង្ឃឹម ទំនុកចិត្តរបស់ប្រជាជន ខ្ញុំមិនបង្អង់រៀនសូត្រ លើកកម្ពស់ស្មារតីទទួលបន្ទុកក្នុងការអនុវត្តភារកិច្ចសេដ្ឋកិច្ច នយោបាយនៅភូមិភាគ។ បានដឹង ភូមិតាអុងជាភូមិមានជនរួមជាតិខ្មែររស់នៅកុះករ ជាមួយប្រជាជន៨២៥គ្រួសារ ក្នុងនោះ ជនរួមជាតិខ្មែរ ស្រូបអត្រា៩១% ជាភូមិលំបាកពិសេសរបស់ភូមិភាគ ប្រជាជនប្រកបរបរកសិកម្ម អត្រាគ្រួសារក្រខ្ពស់ ដូច្នេះ ពេលទទួលភារៈ លោកគីមរ៉ុងតែងសញ្ជឹងគិតរកវិធីណាដើម្បីជួយប្រជាជនមានជីវភាពសុខដុមរមនា។ ទន្ទឹមនោះ លោកបានសហការជាមួយអង្គការមហាជនភូមិចុះគ្រប់ផ្ទះប្រជាជនដើម្បីស្តាប់មតិ ការលំបាករបស់ប្រជាជនសម្រាប់រកដំណោះស្រាយជំនួយឱ្យបានសមស្របទាន់ពេល ជួយប្រជាជនកែលម្អជីវភាពដោយមានទម្រង់ជាក់ស្តែង ប្រសិទ្ធភាព ជំនួយប្រជាជនបុលទុន ណែនាំមាមីងអនុវត្តទម្រង់ផលិតសមស្របជាមួយស្ថានភាពសេដ្ឋកិច្ចនៅភូមិភាគ ចែករំលែកបទពិសោធន៍ក្នុងការផលិតដើម្បីប្រជាជនបង្កើនប្រាក់ចំណូលកែលម្អជីវភាព។ ជាមួយទង្វើជាក់ស្តែងរបស់លោក ជីវភាពរបស់ប្រជាជនក្នុងភូមិមានភាពផ្លាស់ប្តូរយ៉ាងសកម្ម។ល។ គ្រួសារជាច្រើនបានអនុវត្តនិងកសាងបណ្តាទម្រង់ផលិតមានប្រសិទ្ធភាព ឈានឡើងចាកផុតក្រ។ លោកគីមរ៉ុងបានឱ្យដឹង៖ គិតមកដល់ចុងឆ្នាំ២០២៤ ភូមិតាអ៊ុងមានគ្រួសារក្រត្រឹមតែ៤គ្រួសារ។ មិនត្រឹមតែជាកម្មាភិបាលគំរូ លោកគីមរ៉ុងនៅទាំងជាគំរូ “ប្រជាចលនាពូកែ” ក្នុងការចលនាកសាងជនបទថ្មីរបស់ភូមិភាគ។ តាមបងគីមរ៉ុង ឆ្នាំ២០២៤ លោកសហការជាមួយអង្គការមហាជនភូមិចលនាប្រជាជនគប់វាល់ថវិកាជាង៤០០លានដុងដើម្បីកសាងស្ពានចំនួន១ ផ្លូវដានចំនួន២ បង្គោលអគ្គិសនីចំនួន៦២ដើមអុជបំភ្លឺដងផ្លូវជនបទ ស្តារប្រឡាយធារាសាស្រ្តវាលស្រែចំនួន២ កាប់ឆ្ការស្មៅ ដាំផ្កាតាមដងផ្លូវជនបទដោយ មានប្រវែង១.២០០ម៉ែត្រ។ល។ ទន្ទឹមនោះ ចលនាអង្ករបានចំនួន៦តោននិងអំណោយ៦.០០០ចំណែក សម្រាប់ជូនមាមីងក្រ គ្រួសារគោលនយោបាយនៅភូមិភាគ។
វាយតម្លៃពីលោកគីមរ៉ុង សមមិត្តយឿងថាញ់ហ៊ុង-លេខាបក្សឃុំវៀងប៊ិញបានឱ្យដឹង៖
ជាមួយតួនាទីជាលេខាសាខាបក្ស សមមិត្តគីមរ៉ុងតែងពង្រីកស្មារតីទទួលបន្ទុក “មាត់និយាយដៃធ្វើ” ជិតស្និទ្ធ ស្តាប់មតិរបស់ប្រជាជន ម្ចាស់ការស្រាវជ្រាវឯកសារច្បាប់ណែនាំរបស់ថ្នាក់លើដើម្បីរួមជាមួយសមូហភាព សាខាបក្សដាក់ចេញភារៈចង្អុលការឱ្យបានសមស្របជាមួយស្មារតីជាក់ស្តែងនៅភូមិភាគ។ សមមិត្តនៅទាំងធ្វើល្អការងារប្រជាចលនាពូកែដូច ចលនាសប្បុរសជន មាមីងនៅភូមិភាគគប់វាល់ថវិកាសម្រាប់កសាងហេដ្ឋារចនាសម្ព័ន្ធជនបទ បណ្តាទង្វើរបស់សមមិត្តបានរួមចំណែកយ៉ាងសកម្មក្នុងការចលនាកសាងជនបទថ្មី បំបាត់អត់បន្ថយក្ររបស់ភូមិភាគក្នុងពេលកន្លង៕
ថាញ់វ៉ាង-សុផល
Thông tin bạn đọc
Đóng Lưu thông tin