តាមសមមិត្តឡឹមមេរិន-ប្រធានគណៈកម្មាធិការប្រជាជនឃុំភូមីឱ្យដឹង៖ ចាប់ពីពេលទទួលភារកិច្ចពីគណៈចង្អុលការផ្សព្វផ្សាយបំបាត់ផ្ទះបណ្តោះអាសន្នផ្ទះទ្រុឌទ្រោមស្រុក ឃុំភូមីបានបង្កើតគណៈចង្អុលការកម្មវិធីនិងចាត់ភារៈច្បាស់លាស់ដល់បណ្តាសមាជិក តាមនោះ ជួយដល់ការពិនិត្យនិងផ្សព្វផ្សាយកម្មវិធីប្រព្រឹត្តទៅងាយស្រួល សមស្របជាមួយនឹងមុខសញ្ញាទទួលផល។ ឆ្នាំ២០២៤ លើភូមិដ្ឋានឃុំមានគ្រួសារចំនួន៤៦គ្រួបានជំនួយកសាងផ្ទះថ្មីនិងគ្រួសារ៣គ្រួបានជួសជុលពីកម្មវិធីបំបាត់ផ្ទះបណ្តោះអាសន្នផ្ទះទ្រុឌទ្រោម ជាមួយថវិកាអនុវត្តជាង២ពាន់លានដុង។ សព្វថ្ងៃ ផ្ទះទាំងនេះបានប្រគល់ជូនដល់មាមីងរួចហើយ។
 |
| បងស្រីដូធីថាញ់ធ្វី នៅភូមិដៃដូនអ៊ុយ ឃុំភូមីស្រុកមីទូ(សុកត្រាំង) មានក្តីសប្បាយរីករាយ ពេលទទួលបានផ្ទះថ្មី។ |
សំណេះសំណាលជាមួយយើងខ្ញុំក្នុងផ្ទះថ្មីយ៉ាងស្អាតបាត បងស្រីដូធីថាញ់ធ្វី នៅភូមិដៃដូនអ៊ុយ ឃុំភូមី មិនលាក់នូវក្តីសប្បាយរីករាយចាប់ពីពេលនេះទៅគ្រួសារបងស្រីបានរស់នៅក្នុងផ្ទះថ្មីយ៉ាងស្អាតដែលពីយូរណាស់មកហើយបងស្រីមិនហ៊ានគិតដល់ការសង់ផ្ទះថ្មី។ បានដឹង គ្រួសារបងស្រីជាគ្រួសារក្នុងក្របខ័ណ្ឌក្បែរក្ររបស់ភូមិភាគ ពីរនាក់ប្តីប្រពន្ធគាត់ធ្វើការនៅក្រុមហ៊ុនគ្រាន់តែគ្រប់សម្រាប់ផ្គត់ផ្គង់ជីវភាពគ្រួសារដូច្នេះគ្មានលក្ខណៈសង់ផ្ទះថ្មីឡើយ។ ផ្តើមពីកម្មវិធីបំបាត់ផ្ទះបណ្តោះអាសន្នផ្ទះទ្រុឌទ្រោមលើភូមិដ្ឋានស្រុក គ្រួសារបងស្រីបានជំនួយ៦០លានដុង រួមនឹងទឹកប្រាក់ដែលគ្រួសារបងស្រីសន្សំបានទើបសង់បានផ្ទះរឹងមាំ។ រីករាយចំពោះការយកចិត្តទុកដាក់ជំនួយនេះបងធ្វីចែករំលែក៖ ខ្ញុំរីករាយណាស់និងអរគុណបក្ស រដ្ឋនិងរដ្ឋអំណាចភូមិភាគដែលបានយកចិត្តទុកដាក់ជំនួយផ្ទះឱ្យគ្រួសារខ្ញុំ ចាប់ពីពេលនេះទៅគ្រួសារខ្ញុំមិនរស់នៅផ្ទះទ្រុឌទ្រោម មិនបារម្ភពីភ្លៀងលេចទៀតឡើយ ស្ងប់ចិត្តពង្រីកសេដ្ឋកិច្ច ឈានឡើងចាកផុតក្រ។
ផ្ទះថ្មីនាំមកនូវក្តីរីករាយនិងសុភមង្គលចំពោះបណ្តាគ្រួសារដែលទទួលផល។ បងលីស៊ីននៅភូមិជាមួយគ្នាបានឱ្យដឹង៖ ប៉ុន្មានឆ្នាំមុន គ្រួសារខ្ញុំរស់ក្នុងផ្ទះទ្រុឌទ្រោម ពេលភ្លៀងធំម្តងៗខ្ញុំមិនហ៊ាននៅ។ សព្វថ្ងៃបានជំនួយសង់ផ្ទះថ្មីស្អាតបាតពីកម្មវិធីផ្ទះបណ្តោះអាសន្នផ្ទះទ្រុឌទ្រោមចាប់ពីថ្ងៃនេះទៅគ្រួសារខ្ញុំមិនបារម្ភពីភ្លៀងលេចទៀតឡើយ។ បានដឹង ជីវភាពជួបការលំបាក គ្មានដីផលិត ប្តីប្រពន្ធបងស៊ីនធ្វើការឈ្នួលគ្រាន់តែគ្រប់សម្រាប់ផ្គត់ផ្គង់ជីវភាពគ្រួសារ។ អាស្រ័យរដ្ឋអំណាចពិនិត្យជំនួយ៦០លានដុងពីកម្មវិធីបំបាត់ផ្ទះបណ្តោះអាសន្នផ្ទះទ្រុឌទ្រោម បានកសាងផ្ទះមួយខ្នងរឹងមាំជាការលើកទឹកចិត្តដើម្បីគ្រួសារបងស៊ីនស្ងប់ចិត្តពលកម្មផលិត ឈានឡើងចាកផុតក្រ។
 |
| បងលីស៊ីន(ឈរកណ្តាល) នៅភូមិដៃដូនអ៊ុយ ឃុំភូមីស្រុកមីទូ(សុកត្រាំង) មានក្តីសប្បាយរីករាយ ពេលទទួលបានផ្ទះថ្មីពីកម្មវិធីបំបាត់ផ្ទះបណ្តោះអាសន្ន ផ្ទះទ្រុឌទ្រោម។ |
សមមិត្តលីចន្ថា-ប្រធានគណៈកម្មាធិការរណសិរ្សមាតុភូមិវៀតណាមឃុំភូមីបានឱ្យដឹង៖ ជំនួយកសាងផ្ទះតាមកម្មវិធី “បំបាត់ផ្ទះបណ្តោះអាសន្នផ្ទះទ្រុឌទ្រោម” ដល់គ្រួសារក្រដើម្បីសម្តែងនូវការយកចិត្តទុកដាក់របស់គណៈកម្មាធិការបក្ស រដ្ឋអំណាច បណ្តាគណៈផ្នែកនិងការចូលរួមពីអង្គការ អាជីវកម្ម បណ្តាសប្បុរសជននិងសហគមន៍។ ផ្ទះដែលបានសង់ឡើងប្រកបដោយទឹកចិត្តមេត្តាធម៌ សង្ឃឹមថា នឹងជួយដល់គ្រួសារក្រឈានឡើងក្នុងជីវភាព។
កម្មវិធីបំបាត់ផ្ទះបណ្តោះអាសន្នផ្ទះទ្រុឌទ្រោមជាសក្ខីភាពយ៉ាងច្បាស់ដល់ការស្របមតិនៃទូទាំងប្រព័ន្ធនយោបាយ។ មិនត្រឹមតែនាំមកនូវទីលំនៅសុខសាន្ត តែកម្មវិធីនៅទាំងរួមចំណែកពង្រឹងក្តីជំនឿរបស់ប្រជាជនចំពោះគោលការណ៍ គោលនយោបាយរបស់បក្ស ក្រឹត្យច្បាប់របស់រដ្ឋ បង្កក្តីលើកទឹកចិត្តដើម្បីគ្រួសារក្រ គ្រួសារក្បែរក្រ គ្រួសារដែលមានជីវភាពលំបាកស្ងប់ចិត្តពលកម្មផលិត ឈានឡើងចាកផុតក្រដោយចីរភាព៕
ថាញ់វ៉ាង-សុផល
Thông tin bạn đọc
Đóng Lưu thông tin