 |
| ភូមិទាំងអស់ក្នុងឃុំឡុងឌឹកសម្រេចភូមិវប្បធម៌។ |
មកឡុងឌឹកសព្វថ្ងៃ យើងខ្ញុំបានឃើញការផ្លាស់ថ្មីរបស់ជនបទក្រ ឥឡូវមានហេដ្ឋារចនាសម្ព័ន្ធព្រមៗគ្នា ទិដ្ឋភាពបរិស្ថានភ្លឺ-បៃតង-ស្អាត។ នាំយើងខ្ញុំទៅទស្សនាផ្លូវគមនាគមន៍ ទម្រង់អភិវឌ្ឍសេដ្ឋកិច្ចមួយចំនួនក្នុងឃុំ សមមិត្តផាងវាំងញា-ប្រធានគណៈកម្មាធិការប្រជាជនឃុំឡុងឌឹកឱ្យដឹង៖ បក្ខភាគឃុំតែងជ្រួតជ្រាប ផ្សព្វផ្សាយវាយតម្លៃការអនុវត្តសារាចរ សេចក្តីសម្រេចរបស់គណៈកម្មាធិការបក្សគ្រប់ថ្នាក់ ទន្ទឹមនឹងនោះដាក់ចេញនូវដំណោះស្រាយ ផ្តោតលើការងារសំខាន់ៗរបស់ឃុំដូចជាការអភិវឌ្ឍសេដ្ឋកិច្ច-សង្គម កសាងបណ្តាសំណង់គមនាគមន៍ជនបទ ក្តាប់យកមតិក្តីប្រាថ្នារបស់ប្រជាជនទាន់ពេលដើម្បីដោះស្រាយបញ្ហានានានៅថ្នាក់មូលដ្ឋាន។ ទន្ទឹមនឹងនោះ លើកកម្ពស់តួនាទីគំរូ ឈានមុខរបស់កម្មាភិបាល បក្ខជនតាមពាក្យស្លោក “បក្ខជនឈានមុន ប្រជាជនតាមក្រោយ” និយាយទន្ទឹមនឹងធ្វើ ដោយទម្រង់ការធ្វើតាមអ៊ំ ដើម្បីប្រមូលធនធានទាំងអស់សម្រាប់កម្មវិធី។ ជាក់ស្តែង ការរៀនសូត្រនិងធ្វើតាមសតិអារម្មណ៍ សីលធម៌ ឥរិយាបថហូជីមិញ ផ្សារភ្ជាប់ជាមួយនឹងការរួមកម្លាំង រួមចំណែកកសាងជនបទថ្មី បណ្តាសាខាបក្សចំណុះគណៈកម្មាធិការបក្សឡុងឌឹកបានគណៈចង្អុលការកសាងរាល់ទម្រង់ ជាក់ស្តែង ចលនាកម្មាភិបាល បក្ខជន សមាជិកសម្ព័ន្ធយុវជននិងប្រជាជនចូលរួមយ៉ាងសកម្ម។ ក្នុងនោះ រណសិរ្សមាតុភូមិវៀតណាមឃុំនិងអង្គការមហាជន សមាជិក ឃោសនា ណែនាំសមាជិកសម្ព័ន្ធយុវជននិងប្រជាជនអនុវត្តភាពជឿនលឿនវិទ្យាសាស្ត្រ បច្ចេកទេសក្នុងការដាំដុះ ចិញ្ចឹមសត្វ បង្កលក្ខណៈសម្រាប់ប្រជាជនទទួលបានការបុលទុនអាទិភាព ប្រើប្រាស់ពូជនិងសម្ភារៈកសិកម្មដែលមានគុណភាពល្អ អភិវឌ្ឍបណ្តាទម្រង់សេដ្ឋកិច្ចបៃតង ការពារបរិស្ថានប្រកបដោយស្ថេរភាព។
ក្នុងវិស័យផលិតកសិកម្ម សមមិត្តត្រឹងវ៉ាំងធៀង- ប្រធានគណៈកម្មាធិការប្រជាជនឃុំឡុងឌឹកឱ្យដឹង៖ ឃុំចង្អុលការកសាងនិងបើកទូលាយបណ្តាទម្រង់ក្រុមសហការសកម្មភាពប្រកបដោយប្រសិទ្ធភាព ទម្រង់ចងសម្ព័ន្ធជាមួយអាជីវកម្ម និងបណ្តាដៃគូសេដ្ឋកិច្ចផ្សេងទៀត មានការចងសម្ព័ន្ធផលិតផល OCOP នៃមូលដ្ឋានផលិតយ៉ាហ៊ឹងនិងអភិវឌ្ឍផលិតផល OCOP ថ្មីចំនួន១ នៃមូលដ្ឋានផលិតឡេវ៉ាំងហ៊ីប។ រក្សាផ្ទៃដីឈើហូបផ្លែដូច ដូងភ្លើង ក្រូចថ្លុង ចិញ្ចឹមគោមេ មាន់លែងចម្ការ កន្ធាយ ចិញ្ចឹមពពែ។ល។ ក្រៅពីសាខាបក្សចំណុះគណៈកម្មាធិការបក្សឃុំឡុងភូក៏មានសមាគម អង្គការមហាជនរៀនសូត្រ ធ្វើតាមអ៊ំ គំរូដូចជាសមាគមកសិករនិងសមាគមនារីឃុំកសាងទម្រង់អនុវត្ត ប្រិតសំចៃតាមអ៊ំ បណ្តាអង្គការមហាជនបានអនុវត្តចលនាប្រិតសំចៃ ឧទ្ទេសនាមការងារធ្វើបង្កើនប្រាក់ចំណូលដើម្បីជួយសមាជិកក្រអភិវឌ្ឍសេដ្ឋកិច្ច ចូលរួមយ៉ាងសកម្មក្នុងការពារបរិស្ថានជាមួយទម្រង់ “ចម្ការគំរូ” “ផ្ទះស្អាត” “ចម្ការបៃតង”។ ជំរុញចលនា “កសិករប្រឡងប្រណាំង ផលិត-ធ្វើអាជីវកម្មពូកែ” “កសិករសាមគ្គីជួយគ្នាបន្ថយភាពក្រីក្រស្ថេរភាព”។ ឆ្លងតាមការចលនាបានលេចធ្លោគំរូឆ្នើមជាច្រើនជាគំរូភ្លឺស្វាងបង្ហាញពីស្មារតីជម្នះការលំបាក ធ្វើមានឱ្យគ្រួសារនិងរួម ចំណែកយ៉ាងច្រើនក្នុងការកសាងមាតុភូមិ។
ពង្រីកលទ្ធផលដែលសម្រេចបានគណៈកម្មាធិការបក្ស រដ្ឋអំណាចនិងប្រជាជនឃុំឡុងឌឹក បន្តលើកកម្ពស់តួនាទីថ្នាក់ដឹកនាំ ចង្អុលការរបស់គណៈកម្មាធិការបក្ស ទទួលខុសត្រូវគំរូរបស់កម្មាភិបាល បក្ខជន រួមកម្លាំងរក្សានិងលើកកម្ពស់គុណភាពលក្ខឋានជនបទថ្មីលើកកម្ពស់ ខិតខំក្លាយជាឃុំជនបទថ្មីគំរូក្នុងពេលឆាប់ៗ៕
ចន្ថា-លីហាន់
Thông tin bạn đọc
Đóng Lưu thông tin