ជនរួមជាតិខ្មែរសុកត្រាំង ទទួលបុណ្យចូលឆ្នាំថ្មីដោយភាពកក់ក្តៅ បរិបូរណ៍

ឆ្នាំ២០២៥ បុណ្យចូលឆ្នាំថ្មីរបស់ជនរួមជាតិខ្មែរបានប្រារព្ធឡើង៣ថ្ងៃ ចាប់ពីថ្ងៃ២-៣-៤រោច ខែចេត្រ ឆ្នាំម្សាញ់ ត្រូវនឹងថ្ងៃទី១៤-១៥-១៦ ខែមេសា ឆ្នាំ២០២៥។ បរិយាកាសបុណ្យបានចូលមកគ្រប់ភូមិស្រុក គ្រប់ផ្ទះនិងបានសាយភាយដល់គ្រប់គ្នា។ ឆ្នាំនេះ ជនរួមជាតិខ្មែរនៅលើភូមិដ្ឋានខេត្តបានទទួលបុណ្យចូលឆ្នាំថ្មីប្រពៃណីរបស់ជនជាតិយ៉ាងកក់ក្តៅ បរិបូរណ៌ សុវត្ថិភាពនិងសាមគ្គី។ នោះគឺដោយការយកចិត្តទុកដាក់គិតអាន ឧបត្ថម្ភរបស់គណៈកម្មាធិការបក្ស រដ្ឋអំណាច បណ្តាអង្គការមហាជននៅលើភូមិដ្ឋានខេត្ត។

ជាភូមិភាគដែលមានប្រជាជនរស់នៅច្រើន ស្រូបអត្រាជាង៣៣% នៃប្រជាជនទូទាំងស្រុក នាពេលកន្លង ស្រុកមីស្វៀង (សុកត្រាំង) បានយកចិត្តទុកដាក់លើការអនុវត្តល្អគោលនយោបាយជនជាតិ។ អាស្រ័យហេតុនេះ ទិដ្ឋភាពតំបន់ជនបទនៅមីស្វៀងមានសម្រស់ ជីវភាពរស់នៅរបស់ប្រជាជនកាន់តែរីកចម្រើន។ ក្នុងបរិយាកាសរីករាយទទួលបុណ្យចូលឆ្នាំថ្មី ជនរួមជាតិខ្មែរនៅស្រុកមីស្វៀងទទួលបុណ្យចូលឆ្នាំកាន់តែធូរធារជាងឆ្នាំមុនៗ ដោយក្តីសប្បាយរីករាយនៃការទទួលបានផល លក់បានថ្លៃ។ ជីវភាពសម្ភារៈនិងស្មារតីរបស់មាមីងបានកែលម្អកាន់តែខ្លាំងឡើង ពីគោលការណ៍ គោលនយោបាយ “ដើមទុន” សម្រាប់ការអភិវឌ្ឍសេដ្ឋកិច្ច-សង្គមរបស់បក្សនិងរដ្ឋ ដល់តំបន់ជនរួមជាតិខ្មែរ។ បងហូស៊ីន នៅភូមិតាមាឃ ឃុំថាមដូង ស្រុកមីស្វៀងឱ្យដឹង៖ គ្រួសារខ្ញុំផលិតចម្បងគឺដាំដំណាំ។ ឆ្នាំនេះ ដំណាំរបស់គ្រួសារខ្ញុំទទួលបានទិន្នផលខ្ពស់និងលក់បានថ្លៃ។ ចូលឆ្នាំថ្មីឆ្នាំនេះរំភើបជាងឆ្នាំមុនៗ ដោយសារការផលិត សេដ្ឋកិច្ចរបស់ប្រជាជនបានស្ថិរភាព។ ពិសេស ដោយបានបក្ស រដ្ឋយកចិត្តទុកដាក់ដល់ជនរួមជាតិខ្មែរ ឧបត្ថម្ភយ៉ាងច្រើនក្នុងជីវភាព ជួយជនរួមជាតិខ្មែរមានកម្លាំងចិត្តដើម្បីខិតខំប្រឹងប្រែងឈានឡើង។

គ្រួសារបងហូស៊ីន នៅភូមិតាមាឃ ឃុំថាមដូងទទួលបុណ្យចូលឆ្នាំថ្មីក្នុងក្តីសប្បាយរីករាយនិងរំភើប ព្រោះដំណាំទទួលបានផល លក់បានថ្លៃ។

មកស្រុកឡុងភូ (សុកត្រាំង) ប៉ុន្មានថ្ងៃជិតបុណ្យចូលឆ្នាំថ្មី បានឃើញគ្រប់ភូមិស្រុកនៅទីនេះមានជីវភាពធូរធារ។ ប៉ុន្មានឆ្នាំកន្លង ដោយសារគួបផ្សំល្អនូវកម្មវិធី គម្រោង ជីវភាពសម្ភារៈ ស្មារតីរបស់ជនរួមជាតិខ្មែរមានភាពប្រសើរយ៉ាងច្បាស់។ ឆ្នាំនេះ គ្រួសារមីងថាច់ធីសាផន នៅភូមិគិញង៉ាង ឃុំឡុងភូ ស្រុកឡុងភូ ទទួលបុណ្យចូលឆ្នាំថ្មីយ៉ាងសប្បាយរីករាយ ព្រោះទើបតែទទួលស្គាល់ចាកផុតពីភាពក្រ។ បានដឹង ឆ្នាំ២០២២ មីងផនបានឧបត្ថម្ភគោមេចំនួន២ក្បាលពីទុនកម្មវិធីទិសដៅជាតិអភិវឌ្ឍសេដ្ឋកិច្ច-សង្គមនៅតំបន់ជនជាតិភាគតិច ឆ្នាំ២០២៣ មីងផនបានភូមិភាគបង្កលក្ខណៈឱ្យបុល៥០លានដុង មីងទិញគោបន្ថែម សង់ទ្រុងនិងទិញដីចម្ការចំនួន១កុង។ មីងថាច់ធីសាផនឱ្យដឹង៖ គ្រួសារខ្ញុំមុននេះជាគ្រួសារក្ររបស់ភូមិ។ ដោយបានយកចិត្តទុកដាក់ ឧបត្ថម្ភរបស់រដ្ឋអំណាចភូមិភាគជំនួយគោពីរក្បាលនិងឱ្យបុលទុនទៀត ខ្ញុំសប្បាយចិត្តខ្លាំងណាស់ ហើយនឹងខិតខំមើលថែ មកដល់ពេលនេះ គោបានកើនឡើងដល់១០ក្បាល។ បច្ចុប្បន្ន គ្រួសារខ្ញុំមានជីវភាពកាន់តែស្ថេរភាព។ អាចនិយាយបានថា ឆ្នាំនេះបុណ្យចូលឆ្នាំថ្មីដ៏កក់ក្តៅនិងសព្វគ្រប់សម្រាប់គ្រួសាររបស់ខ្ញុំ។

គ្រួសារមីងឡឹមធីហុងអាញ់ នៅភូមិចាក់ទទឹង ឃុំតាយវ៉ាំង ឆ្នាំនេះទទួលបុណ្យចូលឆ្នាំថ្មីនៅផ្ទះថ្មី។

ខុសពីឆ្នាំមុនៗ ទទួលបុណ្យចូលឆ្នាំថ្មីឆ្នាំនេះ មីងឡឹមធីហុងអាញ់ នៅភូមិចាក់ទទឹង ឃុំតាយវ៉ាំង ស្រុកត្រឹងដេ បានទទួលបុណ្យចូលឆ្នាំថ្មីក្នុងផ្ទះថ្មីរឹងមាំ។ មិនអាចលាក់បាំងនូវក្តីរំភើបបាន មីងអាញ់ចែករំលែក៖ ពីមុន ផ្ទះខ្ញុំមានសភាពទ្រុឌទ្រោម ដូច្នេះ រាល់ពេលមានភ្លៀង ទឹកលេចគ្មានកន្លែងដេក។ ថ្មីៗនេះ បានគណៈចង្អុលការបំបាត់ផ្ទះបណ្តោះអាសន្ន ផ្ទះទ្រុឌទ្រោម ឧបត្ថម្ភថវិកាចំនួន៦០លានដុងដើម្បីជួយគ្រួសារមានកន្លែងនៅលំនឹង មិនព្រួយបារម្ភអំពីភ្លៀងខ្យល់ទៀត។ ទទួលបុណ្យចូលឆ្នាំថ្មីឆ្នាំនេះ ខ្ញុំឃើញមានភាពកក់ក្តៅនិងសុភមង្គល។ ព្រះតេជគុណត្រឹងវ៉ាំងថា-ប្រធានការិយាល័យលេខាធិការសមាគមព្រះសង្ឃសាមគ្គីស្នេហាជាតិស្រុកត្រឹងដេ មានសង្ឃដីកា៖ នាពេលកន្លង ដោយបានការយកចិត្តទុកដាក់របស់បក្ស រដ្ឋឧបត្ថម្ភជនរួមជាតិខ្មែរលើគ្រប់វិស័យ។ វិនិយោគកសាងផ្លូវជនបទ បណ្តាញអគ្គិសនី ទឹកស្អាត បណ្តាកម្មវិធីឧបត្ថម្ភផ្ទះនៅ ឧបត្ថម្ភផលិតដល់ជនរួមជាតិ។ អាស្រ័យហេតុនេះ ជីវភាពជនរួមជាតិខ្មែរកាន់តែរីកចម្រើន បុណ្យចូលឆ្នាំម្តងៗកាន់តែមានភាពកក់ក្តៅ បរិបូរណ៌។

ក្រៅពីជំនួយឧបត្ថម្ភដើម្បីជួយជនរួមជាតិខ្មែរអភិវឌ្ឍផលិត សេដ្ឋកិច្ច គិតអានផ្ទះនៅ បង្កលក្ខណៈសម្រាប់ជនរួមជាតិមានផ្ទះនៅលំនឹង តម្លៃវប្បធម៌ ស្មារតីក៏បានគណៈ ផ្នែកក្នុងខេត្តយកចិត្តទុកដាក់អនុវត្ត។ បងស្រីលីសូផានី នៅអនុសង្កាត់២ សង្កាត់ទី១០ ទីក្រុងសុកត្រាំង ឱ្យដឹង៖ សកម្មភាពបុណ្យចូលឆ្នាំថ្មីតាមទំនៀមទម្លាប់ប្រពៃណីគឺដូចជារៀងរាល់ឆ្នាំមាមីងតែងយកទេយ្យវត្ថុ របស់របរទៅវត្តដូចជាចង្ហាន់ ផ្លែឈើ។ល។ ប្រគេនដល់ព្រះសង្ឃដើម្បីដារឧទ្ទិសមគ្គផលជូនចំពោះបុព្វការីជន បួងសួងសុំឱ្យទុក្ខលំបាកឆ្នាំចាស់កន្លងផុតទៅ ហើយទទួលឆ្នាំថ្មីជួបតែសេចក្តីសុខ សេចក្តីចម្រើន។

នាយកមន្ទីរជនជាតិនិងសាសនាខេត្តសុកត្រាំង ឡឹមហ្វាងម៉ូវ ឱ្យដឹង៖

គណៈកម្មាធិការបក្ស គណៈកម្មាធិការប្រជាជនខេត្តយកចិត្តទុកដាក់យ៉ាងខ្លាំងចំពោះការងារជនជាតិនិងអនុវត្តគោលនយោបាយជនជាតិនៅលើភូមិដ្ឋាន។ ដោយឡែកមន្ទីរជនជាតិនិងសាសនាបានលើកកម្ពស់តួនាទី ការទទួលខុសត្រូវជំនួយគណៈកម្មាធិការប្រជាជនខេត្ត ក្នុងការចេញផ្សាយឯកសារច្បាប់ចង្អុលការដឹកនាំអនុវត្តកម្មវិធី គម្រោង គោលនយោបាយជនជាតិ ផ្សព្វផ្សាយអនុវត្តគោលនយោបាយ ពិសេស បណ្តាកម្មវិធី គម្រោងផែនការសម្រាប់ការអភិវឌ្ឍនៅតំបន់ជនជាតិភាគតិច ពិសេស កម្មវិធីទិសដៅជាតិអភិវឌ្ឍសេដ្ឋកិច្ច-សង្គមនៅតំបន់ជនជាតិភាគតិច។ ផ្តោតលើការអនុវត្តខ្លឹមសារ អនុគម្រោង គម្រោងដែលឧបត្ថម្ភដោយផ្ទាល់ដល់ជនរួមជាតិដូចជា ឧបត្ថម្ភផ្ទះនៅ ដីនៅ ទឹកប្រើប្រាស់ ឧបត្ថម្ភផ្លាស់ប្តូររបរ ឧបត្ថម្ភបណ្តុះបណ្តាលរបរផ្សារភ្ជាប់ជាមួយការងារធ្វើ។ល។ ឆ្លងតាមនោះ មានលទ្ធផលគាប់ចិត្តពីការទទួលផលគោលនយោបាយនៃកម្មវិធី ពិសេស ក្នុងការងារបន្ថយភាពក្រីក្រ។ ចុងឆ្នាំ២០២៤ ចំនួនគ្រួសារនៅលើភូមិដ្ឋានខេត្តសុកត្រាំងមាន៤.៤៣០គ្រួសារ ក្នុងនោះ គ្រួសារជាជនរួមជាតិខ្មែរចំនួន១.៩៦១គ្រួសារ ថយចុះ១.៩៧៦គ្រួសារ បើធៀបនឹងឆ្នាំ២០២៣។ បច្ចុប្បន្ន អត្រាគ្រួសារជនរួមជាតិខ្មែរក្រ ស្រូបអត្រា១,៩១% នៃចំនួនគ្រួសារក្រសរុបក្នុងទូទាំងខេត្ត។ លទ្ធផលនេះគឺដោយសារការដឹកនាំដ៏ម៉ឺងម៉ាត់របស់ គណៈកម្មាធិការបក្ស ការចូលរួមយ៉ាងប្តូរផ្តាច់របស់រដ្ឋអំណាចភូមិភាគគ្រប់ថ្នាក់និងការខិតខំប្រឹងប្រែងឈានឡើងរបស់ជនជាតិភាគតិច សំខាន់គឺជនរួមជាតិខ្មែរនៅលើភូមិដ្ឋានខេត្ត។

រៀងរាល់ឆ្នាំ នាឱកាសបុណ្យចូលឆ្នាំថ្មីនិងបុណ្យសែនដូនតារបស់ជនរួមជាតិ ខេត្តបានចាត់តាំងពិធីជួបជុំនិងបង្កើតក្រុមប្រតិភូទៅសួរសុខទុក្ខ ជូនពរ ប្រគេនអំណោយដល់វត្តទក្ខិណនិកាយខ្មែរ ម្តាយវៀតណាមវីរជន កងកម្លាំងប្រដាប់អាវុធ ប្រជាជន គ្រួសារគោលនយោបាយ កម្មាភិបាលចូលនិវត្តន៍ជាជនជាតិខ្មែរ ឧបត្ថម្ភគ្រួសារក្រ ក្បែរក្រនិងចង្អុលការបណ្តាស្រុក ទីក្រុងឧបត្ថម្ភដល់គ្រួសារលំបាក ដើម្បីធានាឱ្យមាមីងជនរួមជាតិខ្មែរទទួលបុណ្យចូលឆ្នាំថ្មីប្រពៃណីរបស់ជនជាតិ។ នេះជាសកម្មភាពជាក់ស្តែងដែលបង្ហាញពីការគិតអានជីវភាពសម្ភារៈ ស្មារតីរបស់អ្នកមុខអ្នកការសាសនា ព្រះសង្ឃនិងជនរួមជាតិខ្មែរនៅលើភូមិដ្ឋានខេត្ត ទទួលបុណ្យចូលឆ្នាំថ្មីប្រកបដោយភាពកក់ក្តៅ បូរិបូរ

ចន្ថា - លីហាន់

ជនរួមជាតិខ្មែរសុកត្រាំង ទទួលបុណ្យចូលឆ្នាំថ្មីដោយភាពកក់ក្តៅ បរិបូរណ៍

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង

ជនរួមជាតិខ្មែរសុកត្រាំង ទទួលបុណ្យចូលឆ្នាំថ្មីដោយភាពកក់ក្តៅ បរិបូរណ៍

Thông tin bạn đọc

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង