 |
| បងស្រីថាច់ធីមីញុង ប្រធានសាខាសមាគមនារីគំរូអស់ពីចិត្តជាមួយនឹងការងារសមាគម។ |
ដោយបានបងៗសមាគមនារីឃុំឧទ្ទេសនាម យើងខ្ញុំមានឱកាសជួបសំណេះសំណាលជាមួយប្រធានសមាគមនារីភូមិភឿកគ្វើយ ឃុំភូតឹង បងស្រីថាច់ធីមីញុង ជាកម្មាភិបាលវ័យក្មេងគំរូអស់ពីចិត្តជាមួយការងារសមាគម។ បានដឹង បងស្រីញុងបានចូលរួមសមាគមនារីឆ្នាំ២០១៤ ដោយអស់ពីចិត្ត ខ្នះខ្នែងក្នុងការងារសមាគម ឆ្នាំ២០១៨ បងស្រីបានបងប្អូននារីជឿទុកចិត្តតែងតាំងធ្វើជាប្រធានសាខាសមាគមនារីភូមិភឿកគ្វើយ។ ក្នុងតួនាទីថ្មី បងស្រីតែងចលនាសមាជិកាយ៉ាងសកម្មអនុវត្តល្អគោលការណ៍ គោលនយោបាយរបស់បក្ស ក្រឹត្យច្បាប់របស់រដ្ឋ លើកកម្ពស់ស្មារតីសាមគ្គី ជួយគ្នាឈានឡើងក្នុងជីវភាព។ បងស្រីញុងឱ្យដឹង៖ កាលប៉ុន្មានឆ្នាំមុន ជីវភាពរបស់បងប្អូននៅមានការលំបាក ភាគច្រើនរស់នៅប្រកបរបរធ្វើស្រែចម្ការ កម្រិតវិជ្ជារបស់បងប្អូននារីនៅទាប។ ដូច្នេះហើយ ចាប់តាំងពីទទួលភារកិច្ចមក ខ្ញុំតែងសហការយ៉ាងជិតស្និទ្ធជាមួយសមាគមនារីគ្រប់ថ្នាក់ស្វែងរកដំណោះស្រាយ ដើម្បីជួយបងប្អូននារីជម្នះការលំបាក អាទិភាពដល់ការអភិវឌ្ឍសេដ្ឋកិច្ច បំបាត់អត់បន្ថយក្រដូចៈ ផ្សព្វផ្សាយយ៉ាងសកម្មនូវទម្រង់សេដ្ឋកិច្ចមានប្រសិទ្ធភាព ទាញយកប្រភពបុលទុនអាទិភាពដើម្បីបងប្អូនមានលក្ខណៈសម្រាប់អភិវឌ្ឍសេដ្ឋកិច្ច។ រៀងរាល់ឆ្នាំ បងស្រីញុងផ្តល់យោបល់ដល់ធនាគារគោលនយោបាយសង្គមបានប្រហែល៧០០លានដុងដល់សមាជិកាចំនួន៥០រូបបុលទុនដើម្បីអនុវត្តទម្រង់លក់ដូរតូច ដាំដំណាំ ចិញ្ចឹមគោនិងជ្រូទន្ទឹមនឹងនោះ បងស្រីបានបង្កើត១ក្រុមត្បាញមានសមាជិកាចំនួន១៥រូប ទម្រង់បានបង្កការងារធ្វើឱ្យសមាជិកាវ័យចាស់ ពីសកម្មភាពជាក់ស្តែងខាងលើបានជួយសមាជិកាជាច្រើនលំនឹងជីវភាព ឈានឡើងចាកផុតក្រ។ គិតដល់ចុងឆ្នាំ២០២៣ សាខាសមាគមនារីភូមិភឿកគ្វើយមានសមាជិកាក្រនៅត្រឹម១៥រូបក្នុងចំណោមសមាជិកា២៣៨រូប។ “ដើម្បីចលនាសមាគមមួយថ្ងៃកាន់តែរីកចម្រើន ចាំបាច់ត្រូវផ្លាស់ថ្មីខ្លឹមសារ ទម្រង់ សកម្មភាព ស្វែងយល់ ក្តាប់ពីបំណងប្រាថ្នាដើម្បីដោះស្រាយការលំបាករបស់សមាជិកាទាន់ពេល មានដូច្នេះទើបជីវភាពសម្ភារៈនិងស្មារតីរបស់សមាជិកាប្រសើរឡើង ”បងស្រីញុងឱ្យដឹងដូច្នេះ។ ក្រៅពីអស់ពីចិត្តជាមួយការងារសមាគម បងស្រីញុងនៅទាំងកៀរគរសប្បុរសធម៌អំណោយចំនួន៣០ចំណែកនិងអង្ករ៣០០គីឡូក្រាម/ឆ្នាំ ចែកជូនដល់អ្នកក្រ ពិសេស ក្នុងពេលដែលអាសន្នជំងឺកូវីដ-១៩កើតឡើង បងស្រីចលនាទំនិញបានប្រហែល១តោន រួមមាន៖ អង្ករ បន្លែ ផ្លែឈើ ចែកជូនដល់មាមីងនៅភូមិភាគ។ ធ្វើការបញ្ជាក់ពីបងស្រីថាច់ធីមីញុង សមមិត្រឡេធីគីមទឺយ-អនុប្រធានសមាគមនារីឃុំភូតឹងឱ្យដឹង៖ ក្នុងការងារបងស្រីញុងតែងលើកកម្ពស់ស្មារតីទទួលខុសត្រូវ ឃោសនាសមាជិកាយ៉ាងសកម្មដើម្បីអនុវត្តល្អនូវគោលការណ៍ គោលនយោបាយរបស់បក្ស ក្រឹត្យច្បាប់របស់រដ្ឋ ឆ្លងតាមនោះបានរួមចំណែកក្នុងការកសាងចលនាសកម្មភាពសមាគមនារីរបស់ឃុំកាន់តែរីកចម្រើន។
ដោយអស់ពីចិត្ត គំរូក្នុងការងារសមាគម បងស្រីថាច់ធីមីញុងទទួលបានការស្ងើចសរសើរ ជូនរង្វាន់ពីសមាគមនារីគ្រប់ថ្នាក់។ ជឿជាក់ថានេះនឹងជាប្រភពកម្លាំងនៃការលើកទឹកចិត្តដល់បងស្រីញុងនឹងបន្តលើកកម្ពស់គុណភាពសកម្មភាពសមាជិកា ឆ្លើយតបនឹងតម្រូវការចលនានារីក្នុងសម័យថ្មី រួមចំណែករក្សា សន្តិសុខនយោបាយ កសាងនិងធ្វើឱ្យការងារសមាគមនារីមួយថ្ងៃកាន់តែរីកចម្រើន៕
ថាញ់វ៉ាង
Thông tin bạn đọc
Đóng Lưu thông tin