 |
| កម្មាភិបាលប៉ុស្តិ៍ការពារព្រំដែនវិញហាយ ទីរួមខេត្តវិញចូវ ឃោសនា ច្បាប់ដល់ជនរួមជាតិខ្មែរនៅលើភូមិដ្ឋានដែលទទួលបន្ទុក។ |
តាមវរសេនីយ៍ឯកង្វៀងទ្រីវមេន ស្នងការនយោបាយកងទ័ពការពារព្រំដែនសុកត្រាំង ក្រោយរយៈពេល៣ឆ្នាំអនុវត្តគម្រោង១៣៧១ កងទ័ពការពារព្រំដែនខេត្តបានផ្តោតលើការពង្រឹងកងជួរកម្មាភិបាលដែលធ្វើការងារជំនួយផ្នែកច្បាប់ពីខេត្តដល់មូលដ្ឋាននិងបំប៉ន ហ្វឹកហាត់ដើម្បីលើកកម្ពស់សមត្ថភាពសកម្មភាព បង្កើតនិងរក្សាឱ្យមានប្រសិទ្ធភាពនូវក្រុមឃោសនាក្រឹត្យច្បាប់នៅប៉ុស្តិ៍ការពារព្រំដែន។ មកដល់ពេលនេះ កងទ័ពការពារព្រំដែនសុកត្រាំងមានអ្នករាយការណ៍ច្បាប់១រូប អ្នករាយការណ៍ច្បាប់កងទ័ពការពារព្រំដែនខេត្តចំនួន៥រូបនិងអ្នករាយការណ៍ថ្នាក់មូលដ្ឋានចំនួន២២រូប។ បណ្តាស្ថាប័ននិងអង្គភាពក្នុងកងទ័ពការពារព្រំដែនខេត្តបានចាត់តាំង “ទិវាច្បាប់” ចំនួន៥២១លើក ទាក់ទាញកម្មាភិបាលជាង៥.៥០០រូបចូលរួម ចាត់តាំងឃោសនាប្រមូលផ្តុំចំនួន២៧លើកដោយមានអ្នកស្តាប់ចំនួន២.៨០០នាក់ឃោសនាតាមផ្ទះដល់១២.៦៨៥គ្រួសារចែកខិតប័ណ្ណឃោសនាជាង៤០.០០០សន្លឹក។ល។ ឆ្លងតាមនោះរួមចំណែកលើកកម្ពស់ការយល់ដឹងរបស់កម្មាភិបាល យុទ្ធជន អង្គភាពនិងប្រជាជនឱ្យគោរពនូវការកំណត់នៃច្បាប់ លក្ខន្តិកៈ ការកំណត់នៅតាមតំបន់ព្រំដែនសមុទ្រឱ្យបានម៉ឺងម៉ាត់។
វរសេនីយ៍ឯកហូមិញធៀង ស្នងការរងនយោបាយប៉ុស្តិ៍ការពារព្រំដែនវិញហាយឱ្យដឹង៖
អង្គភាពតែងសហការយ៉ាងជិតស្និទ្ធជាមួយព្រះសង្ឃ គណៈកម្មការវត្តខ្មែរនានា ដើម្បីចាត់តាំងការឃោសនា ព័ត៌មានគោលនយោបាយក្រឹត្យច្បាប់សកម្មភាពរបស់រដ្ឋនិងភូមិភាគ រាល់ល្បិចកលនៃបច្ចាមិត្តពីខាងក្រៅ ដើម្បីបំបែកបំបាក់ការសាមគ្គីជនជាតិ សាសនា។ល។ ដល់ព្រះសង្ឃនិងគណៈកម្មការវត្ត មាមីងខ្មែរក្នុងពិធីបុណ្យទាន បុណ្យចូលឆ្នាំថ្មី។ អាស្រ័យហេតុនេះ មាមីងបានលើកកម្ពស់ស្មារតីចូលរួមសកម្មភាពសាសនាត្រូវតាមពាក្យស្លោក “ជាតិល្អ សាសនាបវរ” កសាងជីវភាពវប្បធម៌នៅតំបន់អាសយជន រួមចំណែករក្សាស្ថិរភាព សន្តិសុខនយោបាយ សណ្តាប់ធ្នាប់ សុវត្ថិភាពសង្គមនៅតំបន់ព្រំដែនសមុទ្រ។
វរសេនីយ៍ឯកសុខឌុង ស្នងការរងនយោបាយ ប្រធានក្រុមចលនាមហាជនប៉ុស្តិ៍ការពារព្រំដែនឡាយហ្វាចែករំលែក៖
អង្គភាពតែងយកចិត្តទុកដាក់ចំពោះការផ្លាស់ថ្មី ចលនាខ្នះខ្នែងធ្វើឱ្យទម្រង់សម្បូរបែប វិធីសាស្ត្រឃោសនា ផ្សព្វផ្សាយអប់រំច្បាប់ដើម្បីកងទ័ពនិងមាមីងខ្មែរងាយយល់ ចងចាំនិងអនុវត្តក្នុងការជាក់ស្តែង។ សំខាន់គឺការឃោសនានៅតាមអង្គប្រជុំ ការសន្ទនា ចាត់តាំងផ្សព្វផ្សាយច្បាប់នៅបណ្តាលើកប្រជុំ ប្រឡងស្វែងយល់ពីច្បាប់ដោយទម្រង់ពិសោធន៍ ឃោសនាមនុស្សល្អ ការងារល្អក្នុងការអនុវត្តច្បាប់។
កងទ័ពការពារព្រំដែនសុកត្រាំង ក្រៅពីការអនុវត្តគម្រោង១៣៧១ប្រកបដោយប្រសិទ្ធភាព ក៏បានផ្សារភ្ជាប់ជាមួយការជំនួយឧបត្ថម្ភ ណែនាំប្រជាជនអភិវឌ្ឍសេដ្ឋកិច្ច ដើម្បីបំបាត់អត់ បន្ថយក្រ កសាងជនបទថ្មី លើកកម្ពស់ស្មារតីប្រុងប្រយ័ត្នបច្ចាមិត្តដែលបានញុះញង់ បំបែកបំបាក់ផែនមហាសាមគ្គីទូទាំងជនជាតិ។ល។ រួមចំណែកកសាងការពារព្រំដែនទូទាំងប្រជាជនរឹងមាំ កសាងជំហរប្រជាជនរឹងមាំនៅតាមតំបន់ព្រំដែនសមុទ្រ៕
ដាលីន-លីហាន់
Thông tin bạn đọc
Đóng Lưu thông tin