ភាពវិវឌ្ឍន៍ផ្លាស់ថ្មី នៅតំបន់ជនរួមជាតិខ្មែរឡុងភូ

បច្ចុប្បន្ន ស្រុកឡុងភូមានទិដ្ឋភាពផ្លាស់ថ្មី ពោរពេញទៅដោយភាពរីកចម្រើន។ មកតំបន់ជនរួមជាតិខ្មែរនៅគ្រប់ទីកន្លែង នឹងឃើញហេដ្ឋារចនាសម្ព័ន្ធបានវិនិយោគរឹងមាំ ធំទូលាយ ផ្លូវស្អាត ជីវភាពរបស់មាមីងកាន់តែធូរធារ បង្ហាញយ៉ាងច្បាស់ពីស្មារតីនៃការមូលមតិរវាង “គោលការណ៍របស់បក្ស ឆន្ទៈរបស់ប្រជាជន”។

ឈានឡើងពីគម្រោងឧបត្ថម្ភរបស់រដ្ឋក្នុងការចិញ្ចឹមគោមេ។

ឡុងភូជាឃុំចំណុះតំបន់ទី៣ ដែលមានជនរួមជាតិខ្មែររស់នៅច្រើន ស្រូបអត្រាជាង៧២% នៃចំនួនប្រជាជនទូទាំងឃុំ។ប៉ុន្មានឆ្នាំមុន ជីវភាពរបស់មាមីងនៅជួបលំបាកច្រើន ដោយពឹងផ្អែកលើផលិតកសិកម្មចម្បង។ តែបន្ទាប់ពីរយៈពេល១៤ឆ្នាំ នៃការអនុវត្តកម្មវិធីទិសដៅជាតិពីការកសាងជនបទថ្មីនិងអនុវត្តនូវគោលនយោបាយជនជាតិប្រកបដោយប្រសិទ្ធភាពទិដ្ឋភាពរបស់ឃុំនិងជីវភាពរបស់មាមីងខ្មែរបានផ្លាស់ប្តូរនិងប្រែថ្មីយ៉ាងសកម្ម។ហេដ្ឋារចនាសម្ព័ន្ធជនបទបានវិនិយោគយ៉ាងព្រមៗគ្នាប្រព័ន្ធផ្លូវគមនាគមន៍ជនបទបានកសាងសុក្រឹតតភ្ជាប់ពីឃុំដល់ភូមិពីឃុំដល់មជ្ឈមណ្ឌលស្រុកនិងភូមិភាគនានាផ្សេងទៀត សាលារៀន ដំណាក់សុខាភិបាល អគារវប្បធម៌បានកែលម្អ កសាងរឹងមាំ ហេដ្ឋារចនាសម្ព័ន្ធអគ្គិសនីជនបទបានវិនិយោគដើម្បីធានាបានជាង៩៩%នៃគ្រួសារដែលមានអគ្គិសនីប្រើប្រាស់ជាប្រចាំប្រកបដោយសុវត្ថិភាព។ល។ តាំងពីនោះ បង្កជំហ៊ានដ៏សំខាន់ដើម្បីជំរុញការអភិវឌ្ឍសេដ្ឋកិច្ចជនបទ ទម្រង់ផលិតមានប្រសិទ្ធភាពជាច្រើនបានបង្កើតឡើងនិងបើកទូលាយ មាមីងខ្មែរចេះអនុវត្តបច្ចេកទេសជឿនលឿនក្នុងការធ្វើស្រែ តាមដំណើរការ “៣បន្ថយ៣បង្កើន” “១ត្រូវ៥បន្ថយ”ផលិតតាមទិសសរីរាង្គនិងបង្កើតសហករណ៍កសិកម្មជំនាញផលិតស្រូវដើម្បីចងសម្ព័ន្ធការប្រើប្រាស់ជាមួយនឹងក្រុមហ៊ុនអាជីវកម្មក្នុងការផលិតរហូតដល់ការលក់ចេញ។ រៀបចំតំបន់ចិញ្ចឹមបង្គាប្រកបដោយស្ថេរភាព ផ្សព្វផ្សាយបានល្អនូវកម្មវិធីទិសដៅជាតិ បណ្តាគម្រោងសំខាន់ៗ នៃវិស័យកសិកម្មខេត្តដូចគម្រោងអភិវឌ្ឍការចិញ្ចឹមគោគម្រោងឈើហូបផ្លែពិសេសរបស់ខេត្តសុកត្រាំង ដំណាក់កាល២០២៣-២០២៥។

ពូថាច់ភឿកថឹង នៅភូមិទឹកប្រៃកណ្តាល ឃុំឡុងភូ រីករាយឱ្យដឹង៖ ទិដ្ឋភាពភូមិស្រុកសព្វថ្ងៃបានផ្លាស់ប្តូរច្រើន មិនមានផ្លូវភក់ដូចកាលពីមុនទៀត ហើយជំនួសឱ្យផ្លូវភក់គឺផ្លូវចាក់កៅស៊ូបេតុង នៅសងខាងផ្លូវមានដាំផ្កា ដើមឈើបៃតង ជ្រះ ស្អាត ការដឹកជញ្ជូនទំនិញ ការធ្វើដំណើររបស់ប្រជាជនមានភាពងាយស្រួលជីវភាពសម្ភារៈរបស់ប្រជាជនមានភាពប្រសើរឡើង រដ្ឋមានគោលនយោបាយឧបត្ថម្ភសមស្របជាច្រើន ដូច្នេះ ជីវភាពរបស់ប្រជាជនកាន់តែមានភាពរីកចម្រើន ប្រាក់ចំណូលរបស់មាមីងក៏កើនឡើង គ្មានគ្រួសារអត់ឃ្លាន ចំនួនគ្រួសារធូរធារកាន់តែកើនឡើងពីមួយថ្ងៃទៅមួយថ្ងៃ។

ហេដ្ឋារចនាសម្ព័ន្ធតំបន់ជនរួមជាតិខ្មែរឡុងភូ កំពុងអភិវឌ្ឍន៍កាន់តែខ្លាំងឡើង។

មកដល់ឃុំតឹងហ៊ឹងជាភូមិភាគដែលមានជនរួមជាតិខ្មែររស់នៅជិត៦០%។ប៉ុន្មានឆ្នាំជិតៗនេះជីវភាពរបស់ប្រជាជនជួបការលំបាកច្រើនហេដ្ឋារចនាសម្ព័ន្ធដឹកជញ្ជូនសុខាភិបាលនៅមានកម្រិតសាលារៀនមិនទាន់បានវិនិយោគស្របតាមស្តង់ដារ។ ដោយសារការយកចិត្តទុក្ខដាក់វិនិយោគឧបត្ថម្ភទាន់ពេលរបស់រដ្ឋ ពិសេស ការផ្សព្វផ្សាយអនុវត្តកម្មវិធីគម្រោងព្រមៗគ្នាសម្រាប់ការអភិវឌ្ឍនៅតំបន់ជនជាតិភាគតិច កម្មវិធីទិសដៅជាតិកសាងជនបទថ្មី ភូមិភាគបានប្រមូលផ្តុំហេដ្ឋារចនាសម្ព័ន្ធសាលារៀនរឹងមាំនិងវិនិយោគសំណង់សំខាន់ជាច្រើនទៀត។ ឆ្លងតាមនោះ បង្កលក្ខណៈងាយស្រួលសម្រាប់ការជួញដូរទំនិញនិងធ្វើដំណើររបស់ប្រជាជន ទិដ្ឋភាពជនបទមានភាពប្រសើរឡើងច្រើន។ ដោយសារការឧបត្ថម្ភទាន់ពេលរបស់រដ្ឋ បានជួយដល់ជីវភាពរបស់មាមីងនៅទីនេះកាន់តែមានការអភិវឌ្ឍគ្រួសារមានអគ្គិសនីប្រើប្រាស់ជិត១០០%ជាង៦៨%នៃគ្រួសារប្រើប្រាស់ទឹកស្អាតស្របតាមស្តង់ដារជាតិ ប្រាក់ចំណូលមធ្យមសម្រាប់មនុស្សម្នាក់ឆ្នាំ២០២៤ សម្រេចជិត៦០លានដុង/ម្នាក់/ឆ្នាំ។ ឆ្លងតាមការពិនិត្យ បច្ចុប្បន្ន ឃុំមានគ្រួសារក្រត្រឹមតែ២១គ្រួសារ ស្រូបអត្រា០,៧៧% គ្រួសារក្បែរក្រចំនួន៦៥គ្រួ ស្រូបអត្រា២,៣៧% ផ្ទះរឹងមាំកាន់តែច្រើន គ្មានផ្ទះបណ្តោះអាសន្ន ផ្ទះទ្រុឌទ្រោម។

ដើម្បីគិតអានជីវភាពរបស់ប្រជាជនកាន់តែល្អប្រសើរជាង ពិសេស ជនរួមជាតិខ្មែរ សមមិត្តថាច់ធីគីវភឿង-ប្រធានគណៈកម្មាធិការប្រជាជនឃុំតឹងហ៊ឹង បានឱ្យដឹង៖ នាពេលខាងមុខ យើងខ្ញុំនឹងផ្តោតលើដំណោះស្រាយជាច្រើន ក្នុងនោះ ផ្តោតលើការឃោសនាលើកកម្ពស់ការយល់ដឹងរបស់មាមីងក្នុងការខិតខំប្រឹងប្រែងគិតអានការអភិវឌ្ឍសេដ្ឋកិច្ច លើកកម្ពស់គុណភាពជីវភាព អនុវត្តដំណោះស្រាយជាច្រើន ដើម្បីឧបត្ថម្ភគ្រួសារក្រ ក្បែរក្រទទួលបានដើមទុនផលិត ឧបត្ថម្ភប្រកបដោយប្រសិទ្ធភាព បន្តឧបត្ថម្ភពូជដំណាំ សត្វចិញ្ចឹម បង្កលក្ខណៈងាយស្រួលដល់ការអភិវឌ្ឍ ចាត់តាំងបណ្តុះបណ្តាលរបរឱ្យបានទៀងទាត់ ផ្តល់ចំណេះដឹងដល់មាមីង ដើម្បីយកទៅអនុវត្តក្នុងភាពជាក់ស្តែង បង្កើនប្រាក់ចំណូលមួយជំហានម្តងៗឈានឡើងចាកផុតក្រស្ថេរភាព។

លោកថាច់ហ្វាងថា-ប្រធានអនុមន្ទីរជនជាតិនិងសាសនាស្រុកឡុងភូ បានកត់សំគាល់៖ ស្រុកឡុងភូបានផ្សព្វផ្សាយអនុវត្តទាន់ពេលនូវគោលការណ៍ គោលនយោបាយរបស់បក្ស ក្រឹត្យច្បាប់របស់រដ្ឋក្នុងជនជាតិភាគតិច យកចិត្តទុកដាក់អាទិភាពដល់ជីវភាពគិតអានលើការអភិវឌ្ឍគ្រប់វិស័យសេដ្ឋកិច្ច វប្បធម៌-សង្គម លេចធ្លោ គឺកម្មវិធីទិសដៅជាតិអភិវឌ្ឍសេដ្ឋកិច្ច-សង្គម នៅតំបន់ជនជាតិភាគតិច។ បន្ទាប់ពីរយៈពេលជាង៣ឆ្នាំ នៃការផ្សព្វផ្សាយអនុវត្តកម្មវិធី សរុបថវិកាជាង៦២,៥ពាន់លានដុង ក្នុងនោះ កសាងសំណង់គមនាគមន៍នៅតាមឃុំ ភូមិលំបាក ថែទាំ ជួសជុលសំណង់គមនាគមន៍ ឧបត្ថម្ភដល់គ្រួសារក្រ ក្បែរក្រជាជនជាតិភាគតិចចំនួន១៦៥គ្រួសារ ដែលមានគោមេចិញ្ចឹមចំនួន៣៧០ក្បាល ដើម្បីអភិវឌ្ឍសេដ្ឋកិច្ចគ្រួសារ តាំងពីនោះ គ្រួសារជនជាតិភាគតិចក្របានថយចុះគួរឱ្យកត់សំគាល់ បច្ចុប្បន្ន ចំនួនគ្រួសារខ្មែរក្របានថយចុះនៅត្រឹមតែ១៥៣គ្រួសារ ស្រូបអត្រា២,២១% នៃចំនួនគ្រួសារជនរួមជាតិខ្មែរក្នុងស្រុក។

សមមិត្តឡេថាញ់ភឿង-អនុប្រធានគណៈកម្មាធិការប្រជាជនស្រុកឡុងភូ ឱ្យដឹង៖ ស្រុកឡុងភូ បានកំណត់ច្បាស់ការងារគិតអានជីវភាពសម្ភារៈ ស្មារតីដល់ជនរួមជាតិខ្មែរជាភារកិច្ចជាប្រចាំ បន្តបន្ទាប់ ដូច្នេះហើយ ស្រុកបន្តអនុវត្តដំណោះស្រាយជាច្រើន ដើម្បីផ្សព្វផ្សាយអនុវត្តសម្រេចប្រសិទ្ធភាពខ្ពស់បំផុតពីគោលនយោបាយជនជាតិ។ ក្នុងនោះ ផ្តោតលើការផ្សព្វផ្សាយអប់រំលើកកម្ពស់ការយល់ដឹងដល់កម្មាភិបាលនិងប្រជាជនអំពីការអភិវឌ្ឍសេដ្ឋកិច្ច-សង្គមស្ថេរភាព នៅតំបន់ជនជាតិភាគតិច។ ជ្រួតជ្រាបនិងធ្វើឱ្យជាក់ស្តែងនូវគោលការណ៍ គោលនយោបាយ សេចក្តីសម្រេចរបស់បក្ស ក្រឹត្យច្បាប់របស់រដ្ឋ បង្កការផ្លាស់ប្តូរក្នុងការយល់ដឹង លើកកម្ពស់ការទទួលខុសត្រូវរបស់គណៈផ្នែកគ្រប់ថ្នាក់ អប់រំប្រពៃណីសាមគ្គីជនជាតិ ជំរុញស្មារតីឈានឡើងដើម្បីបន្ថយក្រស្ថេរភាព ចង្អុលការគណៈផ្នែកគ្រប់ថ្នាក់ផ្សព្វផ្សាយអនុវត្តព្រមៗគ្នា អនុវត្តប្រកបដោយប្រសិទ្ធភាពនូវកម្មវិធីគោលនយោបាយ គម្រោងនានាក្នុងវិស័យការងារជនជាតិ បាននិងកំពុងអនុវត្តនៅលើភូមិដ្ឋានស្រុក ដោយមានគោលបំណងនាំមកនូវជីវភាពសុខដុម សមភាព សុភមង្គល វិបុលភាពដល់ជនជាតិភាគតិចនៅលើភូមិដ្ឋានស្រុក៕

សុកា-លីហាន់

ភាពវិវឌ្ឍន៍ផ្លាស់ថ្មី នៅតំបន់ជនរួមជាតិខ្មែរឡុងភូ

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង

ភាពវិវឌ្ឍន៍ផ្លាស់ថ្មី នៅតំបន់ជនរួមជាតិខ្មែរឡុងភូ

Thông tin bạn đọc

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង