ស្រុកចូវថាញ់មានអ្នកមានប្រិយភាពចំនួន៦១រូប ជាអាចារ្យ លេខាសាខាបក្សភូមិ ប្រធានគណៈប្រជាជនភូមិ កម្មាភិបាលចូលនិវត្តន៍ អ្នកផលិតធ្វើអាជីវកម្មពូកែ។ ប៉ុន្មានឆ្នាំកន្លងស្រុកតែងយកចិត្តទុកដាក់បង្កលក្ខណៈដើម្បីអ្នកមានប្រិយភាពពង្រីកតួនាទីក្នុងសហគមន៍។ ការផ្សព្វផ្យាយអនុវត្តគោលនយោបាយចំពោះអ្នកមានប្រិយភាពតំបន់ជនជាតិភាគតិចបានយកចិត្តទុកដាក់អនុវត្តគ្រប់គ្រាន់ទាន់ពេលនិងចាត់តាំងសួរសុខទុក្ខជូនអំណោយ ផ្គត់ផ្គង់ព័ត៌មានពីគោលការណ៍របស់បក្ស ក្រឹត្យច្បាប់របស់រដ្ឋផ្សព្វផ្សាយអនុវត្តល្អបណ្តាគោលនយោបាយរបស់ជនជាតិ។ តាំងពីនោះអ្នកមានប្រិយភាពតំបន់ជនជាតិភាគតិចបានពង្រីកល្អតួនាទីជាកងកម្លាំងស្នូលសកម្មគប់វាល់មតិកសាងបក្ស កសាងរដ្ឋអំណាច។ អនុប្រធានគណៈកម្មាធិការរណសិរ្សមាតុភូមិវៀតណាមស្រុកចូវថាញ់លោកឡឹមអ៊ុកឱ្យដឹង៖ កងជួរអ្នកមានប្រិយភាពរបស់ស្រុកតែងពង្រីកតួនាទីក្នុងជីវភាពចំពោះមាមីងបណ្តាជនជាតិបានប្រជាជននិងរដ្ឋអំណាចភូមិភាគកត់សំគាល់និងវាយតម្លៃខ្ពស់។ សំខាន់គឺការចូលរួមមានប្រសិទ្ធភាពក្នុងកសាងប្រព័ន្ធនយោបាយមូលដ្ឋាន រក្សាសន្តិសុខ សណ្តាប់ធ្នាប់កសាងនិងពង្រឹងខឿនការពារជាតិ ធានាសណ្តាប់ធ្នាប់សុវត្ថិភាពសង្គម បំបាត់អត់បន្ថយក្រ កសាងជនបទថ្មីរួមចំណែកសំខាន់ជួយបណ្តាអង្គភាពជំនួយការរបស់បក្ស រដ្ឋ ចាត់តាំងអនុវត្តជ័យជំនះភារកិច្ចបានប្រគល់។
 |
| ពូឡឹមអនអ្នកមានប្រិយភាពនៅភូមិតាកាន់B ឃុំធ្វឹងហ្វាគំរូក្នុងចលនាមាមីងព្រួតដៃជាមួយភូមិភាគកសាងបណ្តាសំណង់សហគមន៍។ |
មកភូមិតាកាន់B ឃុំធ្វឹងហ្វាផ្លូវជនបទបានបើកទូលាយចាក់បេតុងរឹងមាំងាយស្រួលឱ្យមាមីងធ្វើដំណើរដឹកជញ្ជូនមុខទំនិញងាយស្រួល។ បានដូចេ្នះគឺការគប់វាល់រួមកម្លាំងរបស់អ្នកមានប្រិយភាព។ ពូឡឹមអននៅភូមិតាកាន់B ឃុំធ្វឹងហ្វាសកម្មឃោសនាចលនាប្រជាជនគប់វាល់ជាមួយរដ្ឋអំណាចភូមិភាគកសាងបណ្តាសំណង់សហគមន៍ដូច ស្ពាន ផ្លូវ សាលារៀន។ល។ ពូឡឹមអនចែករំលែក៖ ជាមួយតួនាទីជាអ្នកមានប្រិយភាពយើងត្រូវឈានមុខធ្វើមុននិងគ្រួសារខ្ញុំគំរូក្នុងការគប់វាល់ប្រាក់ រំដោះផ្ទៃរាបនិងចូលរួមថ្ងៃពលកម្ម។ ពេលមាមីងក្នុងភូមិឃើញប្រសិទ្ធភាពពីការធ្វើរបស់យើងក៏ស្របចិត្តគប់វាល់ដើម្បីកសាងបណ្តាដងផ្លូវជនបទក្នុងភូមិ។ ក្នុងចំណោមអ្នកមានប្រិយភាពពូលីឡាយនៅភូមិតាឃ្វិច ទីរួមស្រុកចូវថាញ់ ស្រុកចូវថាញ់ជាអ្នកមានប្រិយភាពក្នុងតំបន់ជនជាតិភាគតិច។ ប៉ុន្មានឆ្នាំកន្លងទោះជាភ្លៀងខ្យល់ពូមិនរអែងលំបាករួមជាមួយគណៈប្រជាជនភូមិចុះផ្ទាល់ផ្ទះប្រជាជនចលនាមាមីងប្រតិបត្តិល្អគោលការណ៍របស់បក្ស គោលនយោបាយក្រឹត្យច្បាប់របស់រដ្ឋ ណែនាំមាមីងអភិវឌ្ឍសេដ្ឋកិច្ចវប្បធម៌-សង្គមអនុវត្តបចេ្ចកទេសជឿនលឿនក្នុងដាំដុះចិញ្ចឹមសត្វ។ ពូលីឡាយឱ្យដឹង៖ ផ្លាស់ថ្មីធំបំផុតក្នុងជីវភាពប្រជាជនភូមិតាឃ្វិចគឺចោលទម្លាប់ផលិតចាស់ផ្លាស់ជំនួសវិធីផលិតថ្មីមាមីងចេះដាំដំណាំផលិតស្រូវផ្តល់ទិន្នផលខ្ពស់កូនក្មួយបានទៅរៀនគ្រប់ៗគ្នា អត្រាគ្រួសារក្របន្ថយបណ្តើរៗ។ ផ្ទះថ្មីរឹងមាំមួយថ្ងៃកាន់តែច្រើនផ្លាស់ជំនួសផ្ទះស្លឹកទ្រុឌទ្រោម។ ប្រជាជនប្រើទឹកស្អាតស្របអនាម័យ ផ្លូវថ្នល់ខៀវស្រស់ស្អាត។ នៅបណ្តាភូមិភាគផ្សេងអ្នកមានប្រិយភាពឆ្នើមក៏កំពុងខំប្រឹងរួមកម្លាំងជួយមាមីងតំបន់ជនជាតិភាគតិចឈានឡើងអភិវឌ្ឍ។ លោកទ្រឿងហាងង៉ីប-ប្រធានអនុមន្ទីរជនជាតិនិងសាសនាស្រុកចូវថាញ់ឱ្យដឹង៖ មាមីងតំបន់ជនជាតិភាគតិចមួយថ្ងៃកាន់តែសាមគ្គីនិងឧបត្ថម្ភគ្នាដើម្បីអភិវឌ្ឍ។ បណ្តាអ្នកមានប្រិយភាពបានគប់វាល់យ៉ាងធំក្នុងស្ថេរភាពស្ថានភាពសន្តិសុខនយោបាយ ទន្ទឹមនោះរួមចំណែកជួយអភិវឌ្ឍសេដ្ឋកិច្ច-សង្គមនៅតំបន់ជនជាតិភាគតិច។
 |
| ពូលីឡាយ (ទី១ពីស្តាំមក) អ្នកមានប្រិយភាពនៅភូមិតាឃ្វិច ទីរួមស្រុកចូវថាញ់ទទួលប័ណ្ណសរសើររបស់គណៈកម្មាធិការប្រជាជនខេត្តសុកត្រាំងពីស្នាដៃសកម្មចលនាមាមីងអភិវឌ្ឍសេដ្ឋកិច្ចឈានឡើងចាកផុតក្រ។ |
អាចអះអាងបានថាជាមួយការយកចិត្តទុកដាក់របស់បក្ស រដ្ឋនិងជាមួយការធ្វើជាក់ស្តែងពីកងជួរអ្នកមានប្រិយភាពក្នុងជនជាតិភាគតិចស្រុកចូវថាញ់បាននិងកំពុងរួមចំណែកក្នុងការអភិវឌ្ឍសេដ្ឋកិច្ច-សង្គមនិងកសាងជនបទថ្មីលើភូមិដ្ឋាន។ គិតដល់ចុងឆ្នាំ២០២៤មាន១០០%ឃុំបានទទួលស្គាល់ឃុំជនបទថ្មី ឃុំមួយសម្រេចបទដ្ឋានជនបទថ្មីលើកកម្ពស់និងទីរួមស្រុកបានទទួលស្គាល់សម្រេចទីក្រុងផ្សារអរិយធម៌និងស្រុកចូវថាញ់បានទទួលស្គាល់ស្រុកសម្រេចបទដ្ឋានជនបទថ្មី៕
ចន្ថា
Thông tin bạn đọc
Đóng Lưu thông tin