 |
| ទិដ្ឋភាពពិធីប្រជុំគណៈចង្អុលការផ្សព្វផ្សាយបំបាត់ផ្ទះបណ្តោះអាសន្ន ផ្ទះទ្រុឌទ្រោមលើភូមិដ្ឋានស្រុកចូវថាញ់។ |
តាមគណៈចង្អុលការស្រុក សរុបចំនួនគ្រួសារលើភូមិដ្ឋានដែលមានតម្រូវការបំបាត់ផ្ទះ បណ្តោះអាសន្ន ផ្ទះទ្រុឌទ្រោមគឺ៣៤៧ខ្នង។ គិតមកដល់ថ្ងៃទី១៧កុម្ភៈ ស្រុកចូវថាញ់បានផ្សព្វផ្សាយកសាងសម្រេច៨៦ខ្នង ក្នុងនោះ កសាងថ្មីចំនួន៥១ខ្នង ជួសជុលចំនួន៣៥ខ្នង។ តាមនោះ ស្រុកចូវថាញ់បានទទួលពីគណៈចលនាមូលនិធិ “ដើម្បីអ្នកក្រ” ខេត្តសុកត្រាំងស្តីពីការបែងថវិកាកសាងផ្ទះនៅជូនគ្រួសារគោលនយោបាយ គ្រួសារក្រ គ្រួសារក្បែរក្រដើម្បីបំបាត់ផ្ទះបណ្តោះអាសន្ន ផ្ទះទ្រុឌទ្រោមលើភូមិដ្ឋានខេត្តសុកត្រាំងលើកទី៣ សរុបថវិកាជាង១១,៥ពាន់លានដុង។ លទ្ធផលផ្ទេរផ្តល់ថវិកាជំនួយបាន២លើក ជាមួយទឹកប្រាក់ជិត១១ពាន់លានដុងដើម្បីកសាងថ្មីនិងជួសជុលចំនួន២២៤ខ្នង(កសាងថ្មី១៤០ខ្នងនិងជួសជុលចំនួន៨៤ខ្នង) ជូនបណ្តាមុខសញ្ញាចំណុះកម្មវិធីបំបាត់ផ្ទះបណ្តោះអាសន្ន ផ្ទះទ្រុឌទ្រោមរួមចំណែកកែលម្អជីវភាពរស់នៅនិងធានាសុខុមាលភាពសង្គម។
តំណាងទាំងឡាយបានពិគ្រោះ ដោះដូរធ្វើឱ្យច្បាស់ពីលទ្ធផលក៏ដូចជាល្បឿននៃការចាត់តាំងផ្សព្វផ្សាយអនុវត្តនិងស្នើពីវិធានការមួយចំនួនស្តីពីការងារបំបាត់ផ្ទះបណ្តោះអាសន្ន ផ្ទះទ្រុឌទ្រោមជូនប្រជាជនក្នុងពេលខាងមុខធានាតាមផែនការដាក់ចេញ។ ការលំបាកសព្វថ្ងៃលើភូមិដ្ឋានស្រុកគឺនៅមានចំនួន២៤គ្រួសារ គ្មានដីធារផ្ទះឬកំពុងរស់នៅលើដីរដ្ឋមិនព្រមរុះរើចេញ រស់នៅតាមមាត់ប្រឡាយ មាត់ព្រែក។
ថ្លែងការណ៍ក្នុងពិធីប្រជុំ សមមិត្តផាមអាញ់មិញសំណូមពរបណ្តាអង្គភាពគប្បីពិនិត្យ បង្កើតបញ្ជីឱ្យបានច្បាស់លាស់ចំពោះគ្រួសារដែលជួបការលំបាកពីផ្ទះនៅ បង្កើនការងារត្រួតពិនិត្យក្នុងការផ្សព្វផ្សាយអនុវត្តបំបាត់ផ្ទះបណ្តោះអាសន្ន ផ្ទះទ្រុឌទ្រោមលើភូមិដ្ឋានស្រុកចូវថាញ់៕
ថាច់ពេជ្រ-សុផល
Thông tin bạn đọc
Đóng Lưu thông tin