 |
| យុវជនស្រុកត្រឹងដេ (សុកត្រាំង) រួមកម្លាំងសម្អាត កាប់ឆ្ការ ដាំដើមឈើដើម្បីរួមចំណែកកសាងជនបទថ្មី។ |
ដោយកំណត់ថាការកសាងជនបទថ្មី ជាភារកិច្ចនៃទូទាំងប្រព័ន្ធនយោបាយនិងប្រជាជន គណៈអចិន្ត្រៃយ៍សម្ព័ន្ធយុវជនស្រុកបានផ្សព្វផ្សាយអនុវត្តផែនការឃោសនា ផ្សព្វផ្សាយដល់សម្ព័ន្ធយុវជនក្នុងរាល់សកម្មភាពរបស់សាខាសម្ព័ន្ធយុវជន ទន្ទឹមនឹងនោះ បញ្ចូលសកម្មភាពជាក់ស្តែងជាមួយកម្មវិធី បណ្តាកិច្ចបំផុសចលនារបស់សម្ព័ន្ធយុវជនថ្នាក់លើ។
សម្ព័ន្ធយុវជនបានបង្កើតក្រុមបញ្ញវន្តវ័យក្មេង របស់ស្រុករួមមាន៖ “កម្លាំងយុវជនកសាងជនបទថ្មី” និង “បៃតងដើម្បីវៀតណាមបៃតង”។ ក្នុងនោះ មានសម្ព័ន្ធយុវជនជាង១០រូបបានចូលរួមសហការជាមួយកម្មាភិបាល ប្រជាជនក្នុងភូមិភាគ ដើម្បីជីកដាក់បំពង់ទឹកស្អាតនៅភូមិបឹងភ្នៀត មានប្រវែង១.២០០ម៉ែត្រ សរុបថវិកាអនុវត្ត១២០លានដុង។ ទន្ទឹមនឹងនោះ ក្រុមបញ្ញវន្តវ័យក្មេងក៏បានចូលរួមកិច្ចការមួយចំនួនដូចៈ កាប់ឆ្ការ សម្អាតផ្លូវជនបទ។ល។ សំណង់នេះបានសម្រេចក្នុងរយៈពេល៣ថ្ងៃ មានសម្ព័ន្ធយុវជនជាង៣០រូបចូលរួមគប់វាល់ក្នុងថ្ងៃពលកម្ម។
ក្រៅពីនេះ គណៈអចិន្ត្រៃយ៍សម្ព័ន្ធយុវជនស្រុកត្រឹងដេ ក៏បានចង្អុលការសម្ព័ន្ធយុវជនឃុំវៀងអាងជំនួយឧបត្ថម្ភការកសាងសំណង់កំណាត់ផ្លូវជនបទថ្មីគំរូ “អុជបំភ្លឺផ្លូវជនបទ” សំណង់មានប្រវែងជាង៨០០ម៉ែត្រ មានបង្គោលថាមពលពន្លឺព្រះអាទិត្យចំនួន១៤បង្គោល បំភ្លឺផ្លូវជនបទនៅភូមិចុងព្រែក ឃុំវៀងអាង សរុបថវិកាអនុវត្តប្រមាណជិត៣០លានដុង។ នេះជាសំណង់យុវជនដើម្បីអំណរមហាសន្និបាតសមាគមយុវជនវៀតណាមគ្រប់ថ្នាក់ អាណត្តិកាល២០២៤-២០២៩។
ទន្ទឹមនឹងនោះ សម្ព័ន្ធយុវជនស្រុកក៏បានសហការជាមួយនឹងសម្ព័ន្ធយុវជនស្ថាប័ននិងអាជីវកម្មខេត្តសុកត្រាំង គណៈកម្មាធិការបក្ស គណៈកម្មាធិការប្រជាជនឃុំតាយវ៉ាំង ចាប់ផ្តើមប្រគល់សំណង់កំណាត់ផ្លូវជនបទថ្មីគំរូ “អុជបំភ្លឺផ្លូវជនបទ-បង្គោលទង់ជាតិ”។ មានប្រវែងជាង១គីឡូម៉ែត្រ ដោយមានបង្គោលភ្លើងចំនួន៤៣បង្គោល ដាក់អំពូលថាមពលពន្លឺព្រះអាទិត្យសម្រាប់អុជបំភ្លឺផ្លូវជនបទនៅភូមិតាយកុង ឃុំតាយវ៉ាំង សរុបថវិកាជាង៧០លានដុង។
បងត្រឹងមិញដាក-លេខាសម្ព័ន្ធយុវជនភូមិតាយកុង ឃុំតាយវ៉ាំងឱ្យដឹង៖ សម្ព័ន្ធយុវជននៅភូមិតាយកុង សហការជាមួយកងកម្លាំងប្រដាប់អាវុធឃុំបានចូលរួមយ៉ាងសកម្មក្នុងការជួយឧបត្ថម្ភដាក់បង្គោលថាមពលពន្លឺព្រះអាទិត្យអុជបំភ្លឺផ្លូវជនបទដោយមានការចូលរួមពីសម្ព័ន្ធ យុវជនជាង១០រូប។ ទន្ទឹមនឹងនោះ សម្ព័ន្ធយុវជន ក៏បានចូលរួមកាប់ឆ្ការ សម្អាតផ្លូវជនបទជារៀងរាល់សប្តាហ៍ រួមចំណែកបង្កសោភណភាពផ្លូវជនបទថ្មី ពេលណាក៏ភ្លឺ-បៃតង-ស្អាត”។
បងឡឹមមិញដង-អនុលេខាសម្ព័ន្ធយុវជនស្រុកត្រឹងដេឱ្យដឹង៖ នាពេលកន្លង សម្ព័ន្ធយុវជន ស្រុកត្រឹងដេ តែងតែចូលរួមយ៉ាងសកម្មក្នុងសកម្មភាពចលនាដូចៈ ផ្សព្វផ្សាយបណ្តាសំណង់ ភារកិច្ចកសាងជនបទថ្មី កាប់ឆ្ការផ្លូវជនបទថ្មី អនាម័យបរិស្ថាន សុវត្ថិភាព អនាម័យម្ហូបអាហារនិងរាល់សកម្មភាពដើម្បីសុខុមាលភាពសង្គម។ល។ ដើម្បីបន្តលើកកម្ពស់តួនាទីរបស់សម្ព័ន្ធយុវជនក្នុងការចូលរួមកសាងជនបទថ្មី នាពេលខាងមុខ គណៈអចិន្ត្រៃយ៍សម្ព័ន្ធយុវជនស្រុក មិនបង្អង់ផ្លាស់ថ្មីនូវការងារឃោសនា ចលនាដើម្បីលើកកម្ពស់ការយល់ដឹងដល់កម្មាភិបាល សម្ព័ន្ធយុវជននិងប្រជាជនអំពីសារៈសំខាន់នៃកម្មវិធីទិសដៅជាតិស្តីពីការកសាងជនបទថ្មីនិងរួមគ្នាកសាងជនបទថ្មី។
ដោយមានការខិតខំប្រឹងប្រែងក្នុងការចូលរួមយ៉ាងសកម្មនៃសម្ព័ន្ធយុវជនគ្រប់ថ្នាក់បានរួមចំណែកធ្វើឱ្យផ្លាស់ថ្មីទិដ្ឋភាពតំបន់ជនបទនៅលើភូមិដ្ឋានស្រុក។ មកដល់ពេលនេះ ទូទាំងស្រុកត្រឹងដេមានឃុំចំនួន៧/៩ បានសម្រេចបទដ្ឋានជនបទថ្មី ក្នុងនោះមាន២ឃុំសម្រេចបទដ្ឋានឃុំជនបទថ្មីលើកកម្ពស់៕
ហុងទើ-លីហាន់
Thông tin bạn đọc
Đóng Lưu thông tin