ក្រោយពីបានទទួលស្គាល់ឃុំជនបទថ្មីឆ្នាំ២០២៣ គណៈកម្មាធិការបក្ស រដ្ឋអំណាចប្រជាជនឃុំហូវថាញ់បន្តអនុវត្តកម្មវិធីទិសដៅជាតិកសាងជនបទថ្មីលើកកម្ពស់គុណភាពបណ្តាលក្ខឋាន។ គណៈ កម្មាធិការបក្ស រដ្ឋអំណាចឃុំតែងកំណត់កសាងជនបទថ្មីជាគោលការណ៍ត្រឹមត្រូវនិងស្របចិត្តប្រជាជនធ្វើឱ្យផ្លាស់ថ្មីទិដ្ឋភាពតំបន់ជនបទ។ ខែកុម្ភៈឆ្នាំ២០២៥ឃុំហូវថាញ់បានទទួលស្គាល់ឃុំជនបទថ្មីលើកកម្ពស់។ តាមសមមិត្តយឿងវ៉ាំងយុង-ប្រធានគណៈកម្មធិការប្រជាជនឃុំហូវថាញ់ គណៈកម្មាធិការបក្ស រដ្ឋអំណាចភូមិភាគជំរុញឃោសនាចលនាដោយច្រើនរូបភាពសម្បូរបែបសមស្របជួយប្រជាជនយល់បានអត្ថន័យរបស់កសាងជនបទថ្មីនិងព្រួតដៃអនុវត្ត។ ពីឆ្នាំ២.០២៣មកដល់សព្វថ្ងៃ ទូទាំងឃុំកៀរគរបានជិត៦០ពាន់លានដុងវិនិយោគហេដ្ឋារចនាសម្ព័ន្ធជនបទ។ ដងផ្លូវភ្ជាប់ឃុំភ្ជាប់ភូមិ១០០%បានកសាងព្រមៗគ្នា ប្រព័ន្ធភ្លើងអុជបំភ្លឺ បង្គោលទង់ ដាំផ្កាខៀវស្រស់ ស្អាតនិងសុវត្ថិភាពធានាអនាម័យបរិស្ថាន បណ្តាដងផ្លូវច្រកល្ហកក៏បានក្រាលដានចាក់បេតុងរឹងមាំ។ អត្រាប្រជាជនចូលរួមធានារ៉ាប់រងសុខាភិបាលសម្រេច១០០%។ សាលារៀន ដំណាក់សុខាភិបាលបានវិនិយោគខែងរ៉ែង មូលដ្ឋានសម្ភារៈឆ្លើយតបសំណូមពរសម្រេចបទដ្ឋានជាតិ៥/៥ភូមិរបស់ឃុំបានទទួលស្គាល់កិត្តិនាមភូមិវប្បធម៌ជនបទថ្មី ឃុំហូវថាញ់បានទទួលស្គាល់ជាឃុំវប្បធម៌ដំបូងរបស់ស្រុកនាឆ្នាំ២០២០។សមមិត្តយ៉ាងថាញ់តុង-ប្រធានគណៈប្រជាជនភូមិផូឃុំហូវថាញ់ឱ្យដឹង៖មាមីងនរណាក៏សប្បាយចិត្តចំពោះការអភិវឌ្ឍរបស់ភូមិភាគ។ ផ្លូវថ្នល់បានបើកទូលាយបង្កលក្ខណៈឱ្យមាមីងធ្វើដំណើរទៅមក ដឹកជញ្ជូនមុខទំនិញនិងកូនក្មួយទៅរៀនក៏ងាយស្រួល។ សម្រេចបានសមិទ្ធផលដូចសព្វថ្ងៃដោយការយកចិត្តទុកដាក់របស់គណះកម្មាធិការបក្ស រដ្ឋអំណាចភូមិភាគនិងការរួមកម្លាំងរបស់ប្រជាជនក្នុងកសាងជនបទថ្មី។
 |
| ដងផ្លូវជនបទគំរូនៅភូមិផូ ឃុំហូវថាញ់។ |
ជាភូមិភាគមានសក្តានុភាពក្នុងការផលិតកសិកម្ម ឃុំហូវថាញ់សកម្មឧបត្ថម្ភអភិវឌ្ឍបណ្តាទម្រង់ផលិតអាជីវកម្មប្រសិទ្ធភាពសំដៅបង្កើនប្រាក់ចំណូលឱ្យប្រជាជន។ ក្នុងនោះជំរុញឃោសនាចលនាលើកទឹកចិត្តប្រជាជនអនុវត្តបណ្តាល្បឿនវិទ្យាសាស្រ្តបច្ចេកទេសក្នុងការផលិត ពង្រីកមុខរបរ សេវាកម្ម។ ច្រើនគ្រួសារបានផ្លាស់ថ្មីរបៀបគិតរបៀបធ្វើក្នុងអភិវឌ្ឍសេដ្ឋកិច្ចឈានឡើងចាកផុតក្រ តាំងពីនោះមួយថ្ងៃកាន់តែមានច្រើនទម្រង់នាំមកប្រសិទ្ធភាពបង្កើនប្រាក់ចំណូលឱ្យប្រជាជនដូចៈ បញ្ជូនដំណាំចុះវាលស្រែ ទម្រង់ដាំមៀន ក្រូចថ្លុងសំបកខៀវ ដាំត្របែក ដំណាំនិងទម្រង់ចិញ្ចឹមគោ។ល។ ទន្ទឹមនឹងការប្រមូលផ្តុំអភិវឌ្ឍផលិតកសិកម្មហូវថាញ់នៅទាំងម្ចាស់ការអភិវឌ្ឍជួញប្រែសេវាផលិតឧស្សាហ-សិប្បកម្មស្រាល ដោះស្រាយការធ្វើបង្កចំណូលឱ្យពលករភូមិភាគ។ ការងារបន្ថយក្រសុខុមាលភាពសង្គម ថែទាំជីវភាពសម្ភារៈស្មារតីរបស់ប្រជាជន។ បច្ចុប្បន្នចំណូលមធ្យមមនុស្សម្នាក់សម្រេចជាង៧២លានដុង/ឆ្នាំ។ អត្រាគ្រួសារក្រថយចុះនៅ៩គ្រួ ស្មើ០,៧៣% គ្រួសារក្បែរក្រនៅ១៧គ្រួ ស្មើ១,៣៨%។ លើភូមិដ្ឋានឃុំមាន១.២៣៩គ្រួ ក្នុងនោះមាន១.០២៧គ្រួមានផ្ទះនៅរឹងមាំ។ កម្មវិធីកសាងជនបទថ្មីបានប្រជាជនសកម្មសាទរឆ្លងតាមបណ្តាសកម្មភាពបរិច្ចាគដីកសាងសាលា កសាងអគារប្រជុំជីវភាពសហគមន៍ អគារវប្បធម៌ភូមិ ជួសជុលផ្លូវជនបទ។ល។ ឆ្លងតាមកម្មវិធីភូមិភាគបានខេត្ត ស្រុកវិនិយោគហេដ្ឋារចនាសម្ព័ន្ធជនបទបម្រើផលិត គមនាគមន៍ ធារាសាស្រ្ត សុខាភិបាល អប់រំមួយថ្ងៃកាន់តែសុក្រឹតរួមចំណែកលើកកម្ពស់គុណភាពជីវភាពរបស់ប្រជាជនមួយថ្ងៃកាន់តែល្អជាង។ សមមិត្តយឿងវ៉ាំងយុង-ប្រធានគណៈកម្មធិការប្រជាជនឃុំហូវថាញ់ឱ្យដឹងដូច្នេះ។
 |
| បណ្តាដងផ្លូវជនបទឃុំហូវថាញ់បានវិនិយោគខែងរ៉ែងស្អាតបាត។ |
ជាមួយការចូលរួមរបស់ទូទាំងប្រព័ន្ធនយោបាយនិងការប្តេជ្ញាស្របចិត្តរបស់គណៈកម្មាធិការបក្ស រដ្ឋអំណាចនិងប្រជាជនភូមិភាគ ឃុំហូវថាញ់ប្តេជ្ញានឹងក្លាយជាភូមិភាគរបស់ស្រុកឡុងភូឆ្ពោះដល់ឃុំជនបទថ្មីគំរូក្នុងរយៈពេលឆាប់បំផុត៕
ចន្ថា
Thông tin bạn đọc
Đóng Lưu thông tin