 |
| បងស៊ើងមិញថេ អនុលេខាសាខាបក្ស-ប្រធានគណៈប្រជាជនភូមិព្រែកឈ្វេង ឃុំថាញ់ភូ ស្រុកមីស្វៀង (សុកត្រាំង) |
កើតឆ្នាំ១៩៩១នៅភូមិព្រែកឈ្វេង ឃុំថាញ់ភូ ស្រុកមីស្វៀង (សុកត្រាំង) តាំងពីក្មេងបងស៊ើងមិញថេមានបំណងចង់គប់វាល់កម្លាំងឱ្យភូមិភាគ។ ឆ្នាំ២០១១ ក្រោយពេលបញ្ចប់ថ្នាក់វិទ្យាល័យ បងបំពេញការងារនៅឃុំ សុំបម្រើការងារនគរបាលឃុំថាញ់ភូ។ ឆ្នាំ២០១៤-២០១៥ បងទៅរៀនមធ្យមសិក្សាយោធា ហើយក្រោយមកបន្តការងារនៅភូមិភាគ។ ឆ្នាំ២០១៦ បងបានជ្រើសតាំងជាប្រធានការងាររណសិរ្សភូមិ ដល់ឆ្នាំ២០២២ បងបានប្រជាជនជឿទុកចិត្តជ្រើសតាំងជាប្រធានគណៈប្រជាជនភូមិព្រែកឈ្វេង។
ចែករំលែកជាមួយយើងខ្ញុំបងឱ្យដឹង៖ កើតនិងធំដឹងក្តីនៅទីនេះ ខ្ញុំតែងចង់រួមកម្លាំងរបស់ខ្លួនដើម្បីកសាងស្រុកកំណើតមួយថ្ងៃកាន់តែអភិវឌ្ឍ ជីវភាពរបស់ប្រជាជនមួយថ្ងៃកាន់តែបានលើកកម្ពស់។ ប្រការដែលខ្ញុំសង្ឃឹមបំផុតគឺការស្របចិត្ត រួមកម្លាំងរបស់រដ្ឋអំណាច អង្គការមហាជននិងប្រជាជនទាំងអស់។ ពេលដែលយើងខិតខំទាំងអស់គ្នា ខ្ញុំជឿជាក់ថាភូមិស្រុករបស់យើងមួយថ្ងៃកាន់តែអភិវឌ្ឍចីរភាព។
ក្នុងតួនាទីជាអនុលេខា ប្រធានគណៈប្រជាជនភូមិព្រែកឈ្វេង បងស៊ើងមិញថេតែងលើកកម្ពស់ស្មារតីទទួលខុសត្រូវ គំរូឈានមុខក្នុងការអនុវត្តភារកិច្ចដែលបានប្រគល់។ បងបានសហការជាមួយសាខាបក្សភូមិ គណៈការងាររណសិរ្សភូមិនិងអង្គការមហាជនអនុវត្តល្អការងារផ្សព្វផ្សាយ ចលនាប្រជាជនអនុវត្តល្អគោលមាគ៌ា គោលការណ៍របស់បក្ស គោលនយោបាយ ក្រឹត្យច្បាប់របស់រដ្ឋ។ ភូមិព្រែកឈ្វេងមានគ្រួសារចំនួន៨៨៧គ្រួ ដោយមានប្រជាជនចំនួន៣.៤៧២រូប ក្នុងនោះជនរួមជាតិខ្មែរស្រូបអត្រា៩៥%។ ក្នុងប៉ុន្មានឆ្នាំកន្លង បងបានសកម្មផ្សព្វផ្សាយអំពីការពង្រីកអនុវត្តបណ្តាកម្មវិធីគោលដៅជាតិដូចកម្មវិធីកសាងជនបទថ្មី បន្ថយក្រស្ថិរភាពនិងអភិវឌ្ឍសេដ្ឋកិច្ច-សង្គមតំបន់ជនជាតិភាគតិច។ ក្រៅពីការងារផ្សព្វផ្សាយ បងថេថែមទាំងចូលរួមចលនាមាមីងប្តូរផ្លាស់គំនិត របៀបធ្វើដើម្បីអភិវឌ្ឍសេដ្ឋកិច្ចគ្រួសារ។ អាស្រ័យហេតុនេះ ជីវភាពរបស់មាមីងក្នុងភូមិមួយថ្ងៃកាន់តែបានកែលម្អ ចំនួនគ្រួសារក្រថយចុះតាមលំដាប់ឆ្នាំ គ្រួសារគ្រាន់បើនិងធូរធារកើនខ្ពស់ បច្ចុប្បន្ន ភូមិព្រែកឈ្វេងមានគ្រួសារក្រត្រឹម១២គ្រួ គ្រួសារក្បែរក្រចំនូន១៩គ្រួ ហើយជាភូមិមានអត្រាគ្រួសារក្រ ក្បែរក្រទាបបំផុតរបស់ឃុំថាញ់ភូ។
 |
| បងស៊ើងមិញថេជូនអំណោយដល់មនុស្សចាស់ឯកោ។ |
មិនត្រឹមតែយកចិត្តទុកដាក់ដល់ការអភិវឌ្ឍសេដ្ឋកិច្ច បងនៅទាំងសកម្មអនុវត្តបណ្តាកម្មវិធីសុខុមាលភាពសង្គម។ បងបានសហការជាមួយរដ្ឋអំណាចភូមិភាគចលនាសប្បុរសជនគប់វាល់កសាងផ្ទះមេត្តាធម៌ឱ្យគ្រួសារក្រ ចលនាឧបត្ថម្ភអំណោយឱ្យប្រជាជនដែលមានស្ថានភាពលំបាកនាឱកាសពិធីបុណ្យ តេត។ ក្នុងឆ្នាំ២០២៤ បានចលនាសប្បុរសជនឧបត្ថម្ភអំណោយចំនួន៣១០ចំណែកនិងអង្ករ១តោនឱ្យគ្រួសារក្រ ក្បែរក្រ គ្រួសារមានស្ថានភាពលំបាក មនុស្សចាស់រស់នៅឯកោ សរុបទឹកប្រាក់១០៨លានដុង។ ក្រៅពីនេះ បងនិងអង្គការមហាជនភូមិចលនាប្រជាជនគប់វាល់កសាងប្រព័ន្ធអគ្គិសនីអុជបំភ្លឺ រួមចំណែកលើកកម្ពស់លក្ខឋានជនបទថ្មី។
ដោយការគប់វាល់ជាក់ស្តែង បងស៊ើងមិញថេបានរួមចំណែកមិនតិចជួយឱ្យភូមិព្រែកឈ្វេងមួយថ្ងៃកាន់តែអភិវឌ្ឍ ជីវភាពមាមីងមួយថ្ងៃបានកែលម្អ។ មិនត្រឹមតែជាប្រធានគណៈប្រជាជនអស់ពីចិត្ត ប៉ុណ្ណោះទេ បងថែមទាំងជាគំរូឆ្នើមក្នុងចលនាកសាងជនបទថ្មី។
ទន្ទឹមនឹងនោះ ក្នុងតួនាទីជាអនុលេខាសាខាបក្សភូមិ បងរួមជាមួយគណៈប្រតិបត្តិសាខាបក្សតែងយកចិត្តទុកដាក់ការងារបណ្តុះបណ្តាលធនធានបក្ខជន លើកកម្ពស់គុណភាពប្រជុំសាខាបក្ស ពង្រីកតួនាទីឈានមុខ គំរូរបស់បក្ខជនក្នុងការចលនាមហាជនចូលរួមបណ្តាចលនានៅភូមិភាគ។ អាស្រ័យហេតុនេះ សាខាបក្សភូមិព្រែកឈ្វេងតែងសម្រេចឆ្នើមភារកិច្ចច្រើនឆ្នាំបន្តបន្ទាប់។
វាយតម្លៃអំពីបងស៊ើងមិញថេ សមមិត្តភូវៀតបេន - អនុប្រធានគណៈកម្មាធិការប្រជាជនឃុំថាញ់ភូឱ្យដឹង៖
“ក្នុងតួនាទីជាអនុលេខាសាខាបក្ស ប្រធានគណៈប្រជាជនភូមិព្រែកឈ្វេង សមមិត្តស៊ើងមិញថេតែងលើកកម្ពស់ស្មារតីទទួលខុសត្រូវ គំរូ ឈានមុខក្នុងការអនុវត្តភារកិច្ចបានទទួល ធ្វើល្អកិច្ចការធ្វើសេនាធិការឱ្យសាខាបក្ស សហការជាមួយរណសិរ្ស អង្គការមហាជននិងអ្នកមានប្រិយភាពលើភូមិដ្ឋានភូមិក្នុងការងារផ្សព្វផ្សាយចលនាប្រជាជន។ អាស្រ័យការអស់ពីចិត្តរបស់សមមិត្ត ទិដ្ឋភាពជនបទរបស់ភូមិមួយថ្ងៃកាន់តែស្រស់ស្អាត ជីវភាពសម្ភារៈនិងស្មារតីរបស់ប្រជាជនបានលើកកម្ពស់យ៉ាងច្បាស់។ សមមិត្តស័ក្តិសមជាគំរូឆ្នើមរបស់សាខាបក្សភូមិព្រែកឈ្វេង។ ជាមួយការគប់វាល់ដោយការងារជាក់ស្តែង សមមិត្តស៊ើងមិញថេតែងបានសមូហភាពទុកចិត្ត ប្រជាជនស្រឡាញ់៕
វឌ្ឍា
Thông tin bạn đọc
Đóng Lưu thông tin