 |
| ផ្លូវជនបទនៅឃុំលីវទូ បានវិនិយោគរឹងមាំពីកម្មវិធីទិសដៅជាតិកសាងជនបទថ្មី។ |
ក្រោយរយៈពេលជាង១៣ឆ្នាំ កសាងជនបទថ្មី ឃុំបានកៀរគរវិនិយោគជាង១១៤ពាន់លានដុង ក្នុងនោះ ទុនថវិកាមជ្ឈិមមានចំនួន១២,៨ពាន់លានដុង ទុនគួបផ្សំជាង៩៧ពាន់លានដុង នៅសល់គឺទុនប្រជាជនគប់វាល់។ មកដល់ពេលនេះ ប្រព័ន្ធគមនាគមន៍ជនបទបានកសាងសម្រេចជាសារវ័ន្ត បណ្តាផ្លូវឃុំ តភ្ជាប់រវាងឃុំនិងឃុំ ផ្លូវភូមិ តភ្ជាប់រវាងភូមិនិងភូមិសម្រេចបាន១០០% បម្រើប្រជាជនបានល្អ។ ទិដ្ឋភាពជនបទកាន់តែរីកចម្រើន សំខាន់ផ្ទៃដីធ្វើស្រែរាល់ឆ្នាំរបស់ឃុំមានជាង៥.៧០០ហិកតា ក្នុងនោះ ស្រូវអតិផលស្រូបអត្រាជាង៩៤%នៃផ្ទៃដី។ រៀងរាល់ឆ្នាំ មានកម្មករជិត៥០០នាក់បានបណ្តុះបណ្តាលរបរនិងដោះស្រាយការធ្វើជាង៩០% នៃកម្មករបានបណ្តុះបណ្តាល ប្រាក់ចំណូលមធ្យមមនុស្សម្នាក់ជាង៥៧,៧លានដុង/ម្នាក់/ឆ្នាំ។ បច្ចុប្បន្ន អត្រាគ្រួសារក្របានថយចុះ៣,៩៤%។ ពូគីមវ៉ ភូមិបឹងទ្រៀក ឃុំលីវទូនិយាយ៖ ចាប់តាំងពីផ្សព្វផ្សាយកសាងជនបទថ្មី ព្រែកប្រឡាយធារាសាស្ត្រជីកស្តារជាប្រចាំ មានទឹកសាបសម្រាប់ផលិតស្រូវ៣រដូវ/ឆ្នាំ។ មាមីងចូលរួមយ៉ាងសកម្មក្នុងក្រុមសហការផលិតស្រូវគុណភាពខ្ពស់ អនុវត្តវិទ្យាសាស្ត្រ បច្ចេកទេសដើម្បីឱ្យមានគុណភាព ទិន្នផលខ្ពស់និងលក់ចេញលំនឹង ដូច្នេះ ផលិតស្រូវបានផលចំណេញ ជីវភាពមាមីងឈានឡើងធូរធារ។ ពូឡឹមវង្ស នៅភូមិជាមួយគ្នាឱ្យដឹង៖ កាលពីមុន មិនសូវមានក្មេងៗបានទៅរៀន គ្មានអ្នកណាទៅធ្វើការនៅក្នុងក្រុមហ៊ុនអាជីវកម្ម ព្រោះគ្មានចំណេះវិជ្ជា ទើបជីវភាពជួបការលំបាក។ បច្ចុប្បន្ន សាលារៀនបានសង់រឹងមាំ មានគោលនយោបាយអាទិភាពដល់កូនខ្មែរ ម្ល៉ោះហើយ គ្រប់គ្នាននរណាក៏បានទៅរៀន។ អាស្រ័យហេតុនេះ កូនខ្មែរមានចំណេះវិជ្ជាខ្ពស់ អាចធ្វើការនៅស្ថាប័នរដ្ឋ ក្រុមហ៊ុន អាជីវកម្ម ទៅពលកម្មនៅប្រទេសក្រៅ មានប្រាក់ចំណូលលំនឹង។ ចំណែកគ្រួសារក្របានរដ្ឋជំនួយឧបត្ថម្ភផ្ទះនៅ បុលទុនដើម្បីធ្វើការរកស៊ី ឧបត្ថម្ភពូជដំណាំ សត្វចិញ្ចឹម បច្ចេកទេសផលិត។ល។ គ្រប់គ្នានរណាក៏ខិតខំធ្វើការរកស៊ី។ ជនបទលីវទូសព្វថ្ងៃមានការអភិវឌ្ឍ ផ្ទះថ្មជំនួសផ្ទះស្លឹក អគ្គិសនី ទឹកស្អាតចូលដល់គ្រប់ផ្ទះ ផ្លូវជនបទធំទូលាយ រថយន្តចូលដល់ភូមិស្រុកក៏មិនខុសពីតំបន់ទីក្រុងដែរ។
តាមលោកត្រឹងទ្រុងទិន-ប្រធានគណៈកម្មាធិការប្រជាជនឃុំលីវទូឱ្យដឹង៖
គោលដៅឆ្នាំ២០២៥ ឃុំលីវទូខិតខំប្រឹងប្រែងសម្រេចបទដ្ឋានជនបទថ្មីលើកកម្ពស់ដូច្នេះ នាពេលខាងមុខ ឃុំនឹងបន្តលើកកម្ពស់គុណភាព ធានាកម្មវិធីស្ថេរភាព។ ក្នុងនោះ បន្តជំរុញការឃោសនាលើកកម្ពស់ការយល់ដឹង ពង្រីកតួនាទីធ្វើម្ចាស់របស់ប្រជាជន។ ជំរុញការអភិវឌ្ឍផលិត បង្វែររចនាសម្ព័ន្ធសេដ្ឋកិច្ចផ្សារភ្ជាប់ជាមួយនឹងការបង្វែររចនាសម្ព័ន្ធពលកម្ម បង្កើនប្រាក់ចំណូលដល់ប្រជាជន វិនិយោគកសាងហេដ្ឋារចនាសម្ព័ន្ធ។ ពិសេស ផ្តោតលើការកៀរគរ គួបផ្សំប្រើប្រាស់ប្រភពទុននៃកម្មវិធីទិសដៅជាតិមានប្រសិទ្ធភាព ដើម្បីបំពេញតម្រូវការនៃការកសាងជនបទថ្មីលើកកម្ពស់៕
ដាលីន - លីហាន់
Thông tin bạn đọc
Đóng Lưu thông tin