 |
| មីងលីវធីឡាន់-កម្មាភិបាលចូលនិវត្តន៍អស់ពីចិត្តជាមួយការងារសង្គមនៅភូមិតឹងគ្វី A ឃុំតឹងហ៊ឹង។ |
ជាង៣០ឆ្នាំបានបរិច្ចាគក្នុងវិស័យសិក្សាអប់រំ ធ្លាប់ទទួលនាទីជាចាងហ្វាងសាលាអនុវិទ្យាល័យតឹងហ៊ឹងហើយជាអនុប្រធានអនុមន្ទីរអប់រំស្រុកឡុងភូ ពេលចូលនិវត្តន៍គួរណាស់ឈប់សម្រាក ប៉ុន្តែដោយក្តីចង់ចែករំលែកពីជីវភាពលំបាក ដូច្នេះពេលចូលនិវត្តន៍កាលឆ្នាំ២០២១ មីងនៅតែបន្តជាមួយនឹងការងារសង្គមរហូតមកដល់សព្វថ្ងៃ។ សំណេះសំណាលជាមួយយើងខ្ញុំ មីងឡាន់ចែករំលែក៖ ដោយឃើញមាមីងនៅភូមិភាគជួបការលំបាក ម៉្លោះហើយពេលចូលនិវត្តន៍ខ្ញុំចង់ធ្វើទង្វើអ្វីមួយមានអត្ថន័យដើម្បីជួយដល់អ្នកដែលមានជីវភាពលំបាក សម្រាប់ជាការជំនួយកម្លាំងដើម្បីអ្នកទាំងនោះឈានឡើងក្នុងជីវភាព។ ជាមួយទឹកមុខស្លូតបូតនិងសំដីសុភាពទន់ភ្លន់មានចិត្តមេត្តាធម៌ដើម្បីសហគមន៍ រយៈពេលកន្លង មីងតែងចលនាសប្បុរសជនបានអំណោយចំនួន២០០ចំណែក/ឆ្នាំសម្រាប់ជូនដល់គ្រួសារដែលជួបការលំបាកក្នុងបណ្តាថ្ងៃបុណ្យទាន តេត អំណោយមួយចំណែកតម្លៃ៣០០ពាន់ដុង។ ពិសេស គ្រាអាសន្នជំងឺកូវីដ-១៩ ឆ្នាំ ២០២១ មីងចលនាបាយបាន១.០០០ចំណែកសម្រាប់ជំនួយដល់មាមីងដែលកាត់ផ្តាច់ដោយឡែក។
ជាមួយក្តីបំណងចង់រួមចំណែកក្នុងការអភិរក្សអត្តសញ្ញាណវប្បធម៌ប្រពៃណីល្អប្រសើររបស់ជនរួមជាតិខ្មែរ ឆ្នាំ២០២២ មីងចលនាប្រជាជន មិត្តភក្តិគប់វាល់ថវិកាជិត៣០លានដុងរួមចំណែកក្នុងកសាងវត្តកោះទុង (គូឡាវយុង) ឆ្នាំ២០២៣ មីងនៅទាំងសហការជាមួយគណៈកម្មការវត្តមង្គល ស្រុកឡុងភូចលនាបាន១០០លានដុង ដើម្បីជំនួយគ្រឿងបរិភោគដល់មាមីងពុទ្ធបរិស័ទជិតឆ្ងាយក្នុងថ្ងៃបុណ្យបញ្ចុះខណ្ឌសីមា។ល។ មីងថាច់ធីឌេវ នៅភូមិតឹងគ្វី A ឃុំតឹងហ៊ឹងឱ្យដឹង៖ មាមីងពុទ្ធបរិស័ទនៅទីនេះតែងស្រឡាញ់រាប់អានមីងលីវធីឡាន់ណាស់ពីព្រោះគាត់ស្លូតបូតមានចិត្តមេត្តាធម៌ជួយដល់អ្នកក្រមិនតែប៉ុណ្ណោះ នៅទាំងផ្សព្វផ្សាយចលនាមាមីងពុទ្ធបរិស័ទនៅភូមិភាគឱ្យអនុវត្តល្អបណ្តាសេចក្តីកំណត់របស់ច្បាប់ បំបាត់ចោលអបិយជំនឿដែលអន់ថយ រួមគ្នាសាមគ្គី ជួយគ្នាឈានឡើងក្នុងជីវភាព។ មិនត្រឹមតែអស់ពីចិត្តក្នុងការងារសង្គមប៉ុណ្ណោះទេ តែក្នុងគ្រួសារមីងក៏ជាគំរូឆ្នើមក្នុងការទូន្មានកូនចៅបានល្អ។ សព្វថ្ងៃកូនៗរបស់មីងសុទ្ធតែមានការងារលំនឹង។
សមមិត្តដាំងថាញ់ញាំង-អនុប្រធានគណៈកម្មាធិការប្រជាជនឃុំតឹងហ៊ឹងឱ្យដឹង៖
ជីវភាពរបស់មាមីងពីមួយថ្ងៃកាន់តែរីកចម្រើន ក្នុងនោះក៏មានការរួមចំណែករបស់កម្មាភិបាលចូលនិវត្តន៍នៅតំបន់ជនរួមជាតិខ្មែរ។ បណ្តាទង្វើពោរពេញទៅដោយមនុស្សសាស្រ្ត ស្មោះត្រង់របស់ពួកគាត់បានរួមចំណែកក្នុងការងារបំបាត់អត់បន្ថយក្រនៅភូមិភាគ៕
ថាញ់វ៉ាង
Thông tin bạn đọc
Đóng Lưu thông tin