 |
| ពូកាវឌឿន គំរូឈានមុខ អស់ពីចិត្តដើម្បីការងាររួម។ |
កំណត់ការងារផ្សព្វផ្សាយជាភារកិច្ចស្នូលនៃការងាររណសិរ្ស ពូឌឿនតែងយកគំរូរបស់អ៊ំហូពី “ប្រជាចលនាពូកែ”។ ចង់បង្កភាពស្របមតិក្នុងប្រជាជនគឺកម្មាភិបាលធ្វើការងាររណសិរ្ស ដំបូងត្រូវតែមានភាពរហ័សរហួន ទទួលបន្ទុក អស់ពីចិត្តនឹងការងារ តែងច្បាមមូលដ្ឋាន ជិតស្និទ្ធប្រជាជន អនុវត្តល្អការងារផ្សព្វផ្សាយចលនា និយាយត្រូវតែធ្វើទើបប្រជាជនជឿទុកចិត្តនិងធ្វើតាម។ មិនត្រឹមតែជួយដោះស្រាយវិវាទក្នុងតំបន់អាសយជន ផែនមហាសាមគ្គីក៏បានពង្រឹង ចលនាប្រជាជនរួមគ្នាសកម្មបណ្តាការចលនាប្រឡងប្រណាំងស្នេហាជាតិទើបភូមិភាគមានការអភិវឌ្ឍ។ ពូឌឿនបានឱ្យដឹងដូច្នេះ។ ឃុំទ្រឿងខាញ់មានជាង៥០%ជាគ្រួសារជនរួមជាតិខ្មែរ ដោយចេះផ្សព្វផ្សាយជាភាសាជនជាតិ ទើបប៉ុន្មានឆ្នាំកន្លង ពូឌឿនតែងចុះទៅមូលដ្ឋាន ចុះដល់ផ្ទះដើម្បីក្តាប់មតិរបស់ប្រជាជន ស្តាប់ប្រជាជននិយាយ ដោះស្រាយការលំបាករបស់ប្រជាជននិងធ្វើគំរូឱ្យប្រជាជនទុកចិត្ត។ ការអស់ពីចិត្តរបស់ពូឌឿនកសាងបានការសាមគ្គីរឹងមាំនៅតាមមណ្ឌលអាសយជននិងតាមភូមិស្រុក។ ចំពោះពូឌឿនមិនត្រឹមតែជាកម្មាភិបាលរណសិរ្សគំរូនៅភូមិដ្ឋាន ពូឌឿននៅទាំងទទួលនាទីដូចជាអ្នកមានប្រិយភាពក្នុងជនរួមជាតិខ្មែរ អនុប្រធានអ្នកវ័យចាស់ឃុំ ត្រួតពិនិត្យក្រុមសម្រុះសម្រួលជាសមាជិកគណៈកម្មការវត្តសង្កែ។ល។ ពេលពុទ្ធបរិស័ទមកវត្ត ដោយប្រិយភាពរបស់ខ្លួន ពូកាវឌឿនបានផ្សព្វផ្សាយចលនាបណ្តាគោលនយោបាយរបស់បក្សនិងក្រឹត្យច្បាប់របស់រដ្ឋ ចលនាពុទ្ធបរិស័ទនិងព្រះសង្ឃចូលរួមអនុវត្តបណ្តាចលនាប្រឡងប្រណាំង ក៏ដូចជាមិនចូលរួមទង្វើអបាយមុខសង្គម ធ្វើឱ្យបាត់សន្តិសុខសណ្តាប់ធ្នាប់ មិនស្តាប់ពាក្យអូសទាញរបស់បច្ចាមិត្ត។
ពូឌឿនឱ្យដឹង ដើម្បីធ្វើល្អតួនាទីរបស់ខ្លួន ពូតែងយកចិត្តទុកដាក់ផ្លាស់ថ្មីខ្លឹមសារសកម្មភាពជម្រើសភារកិច្ចសំខាន់និងប្រការសំខាន់គឺកសាងល្អផែនមហាសាមគ្គី រាល់ការងារតែងបានពិគ្រោះដោយប្រជាធិបតេយ្យ។ ពូនៅទាំងឈានមុខក្នុងការចលនារបស់ឃុំ សកម្មណែនាំបណ្តាគណៈការងាររណសិរ្សនៅមណ្ឌលអាសយជន។ អាស្រ័យហេតុនោះ ពេលពូផ្សព្វផ្សាយចលនាបណ្តាការចលនារួមរបស់ស្រុក ឃុំតែងបានប្រជាជនស្របមតិចូលរួម បង្កភាពសាមគ្គី ឯកភាពខ្ពស់។ បងថាច់វូ-ប្រធានគណៈកម្មាធិការរណសិរ្សមាតុភូមិវៀតណាមឃុំទ្រឿងខាញ់ ស្រុកឡុងភូឱ្យដឹង៖ ពូកាវឌឿនតែងលើកកម្ពស់ស្មារតីធ្វើគំរូ អស់ពីចិត្តដើម្បីការងាររួម មានប្រិយភាពនឹងប្រជាជន បំផុតគឺជនរួមជាតិខ្មែរ។ បណ្តាគោលការណ៍ ភារកិច្ចអភិវឌ្ឍសេដ្ឋកិច្ច-សង្គមរបស់ភូមិភាគបានពូផ្សព្វផ្សាយមានប្រសិទ្ធភាពដល់ភូមិស្រុក។ តាមនោះ រួមចំណែកជួយឱ្យមាមីង ឈានឡើងចាកផុតក្រ ធ្វើមានដោយស្របច្បាប់ សាមគ្គីរួមគ្នាកសាងភូមិស្រុកទ្រឿងខាញ់មួយថ្ងៃកាន់តែល្អប្រសើរ អរិយធម៌។
បណ្តាទង្វើគប់វាល់របស់ពូកាវឌឿនរួមនឹងសមូហភាពគណៈកម្មាធិការរណសិរ្សមាតុភូមិវៀតណាមឃុំទ្រឿងខាញ់ តែងបានថ្នាក់លើវាយតម្លៃខ្ពស់ ច្រើនឆ្នាំបន្តបន្ទាប់សម្រេចភារកិច្ចឆ្នើម។ នេះជាការលើកទឹកចិត្ត មោទនភាពយ៉ាងធំធេងដើម្បីពូឌឿនខិតខំធ្វើល្អតួនាទីជាកម្មាភិបាលរណសិរ្សក្នុងពេលខាងមុខ៕
ចន្ថា-សុផល
Thông tin bạn đọc
Đóng Lưu thông tin