រសៀលទី២០កុម្ភៈ នៅគណៈកម្មាធិការបក្សខេត្តសុកត្រាំងបានប្រព្រឹត្តឡើងពិធីប្រជុំគណៈចង្អុលការផ្សព្វផ្សាយបំបាត់ផ្ទះបណ្តោះអាសន្នផ្ទះទ្រុឌទ្រោមលើភូមិដ្ឋានខេត្ត។ សមមិត្តឡឹមវ៉ាំងម៉ឹង-សមាជិកមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្តធ្វើជាអធិបតីពិធីប្រជុំ។ ចូលរួមនៅមានបណ្តាសមមិត្តហូធីកឹមដាវ-អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្ត ត្រឹងវ៉ាំងឡូវ-អនុលេខាបក្សខេត្ត ប្រធានគណៈកម្មាធិការប្រជាជនខេត្ត បណ្តាថ្នាក់ដឹកនាំមន្ទីរគណៈផ្នែកខេត្ត។
សុកត្រាំងបម្រុងជំនួយបំបាត់ផ្ទះបណ្តោះអាសន្នផ្ទះទ្រុឌទ្រោមប្រហែល៨.៥៨៦គ្រួសារជាមួយថវិកាអនុវត្តគឺជាង៤៥០,៩ពាន់លានដុង។ តាមនោះ ជំនួយផ្ទះនៅឱ្យគ្រួសារអ្នកមានសគុណ៩០៦ខ្នង គ្រួសារអ្នកមានសគុណចំនួន៤០១ខ្នងដែលធ្លាប់ទទួលការជំនួយពីកម្មវិធីតាមសេចក្តីសម្រេចលេខ២២/២០១៣/QĐ-TTg ប៉ុន្តែសព្វថ្ងៃជួបលំបាកពីផ្ទះនៅ ជំនួយគ្រួសារក្រ គ្រួសារក្បែរក្រចំនួន៦.៨២៤គ្រួសារនិងជំនួយ៤៥៥គ្រួសារចំណុះមុខសញ្ញាកម្មវិធីទិសដៅជាតិអភិវឌ្ឍសេដ្ឋកិច្ច-សង្គមតំបន់ជនជាតិភាគតិច។ លទ្ធផលគិតមកដល់ថ្ងៃ១៩កុម្ភៈឆ្នាំ២០២៥ បណ្តាភូមិភាគក្នុងខេត្តកសាងបាន៣.៧៩២ខ្នង កសាងសម្រេចបាន២.២១៩ខ្នងជាមួយថវិកាអនុវត្តគឺ១២៤,៥៣ពាន់លានដុង។
 |
| ទិដ្ឋភាពពិធីប្រជុំនៃគណៈចង្អុលការផ្សព្វផ្សាយបំបាត់ផ្ទះបណ្តោះអាសន្ន ផ្ទះទ្រុឌទ្រោមលើភូមិដ្ឋានខេត្តសុកត្រាំង។ |
ក្នុងដំណាក់កាលផ្សព្វផ្សាយកម្មវិធី មូលនិធិដើម្បីអ្នកក្រខេត្តក៏ទទួលបានថវិកាជំនួយជាង២៤៨,៩ពាន់លានដុងពីបណ្តាអង្គភាពជំនួយ(ធនាគារSHB, ធនាគារVPBankនិងធនាគារឧស្សាហ-ពាណិជ្ជកម្ម ក្រុមហ៊ុនជាសមាជិកមួយឆ្នោតជាតិសុកត្រាំងនិងក្រុមហ៊ុនតឹងហ្វេវៀង) តាមនោះគណៈកម្មាធិការរណសិរ្សមាតុភូមិវៀតណាមខេត្តបែងថវិកាកសាង ជួសជុលផ្ទះនៅដល់មុខសញ្ញាទទួលផលពីមូលនិធិដើម្បីអ្នកក្រថ្នាក់ស្រុក។ ទន្ទឹមនោះបណ្តាមន្ទីរគណៈផ្នែកខេត្តបានកសាងផែនការនិងចាត់តាំងអនុវត្តការងារជំនួយដល់កម្មវិធីដូច កងកម្លាំងប្រដាប់អាវុធអគ្គមេបញ្ជាការយោធាខេត្តបានគប់វាល់កម្លាំងពលកម្មចំនួន៣.៨០០ថ្ងៃ ជំនួយកសាងជួសជុលផ្ទះចំនួន៧១ខ្នង កម្មាភិបាល សមាជិកសមាគមនារីគ្រប់ថ្នាក់គប់វាល់កម្លាំងពលកម្មចំនួន១.៤៦៨ថ្ងៃ ជំនួយទេយ្យវត្ថុដល់គ្រួសារក្រ សមាជិកសម្ព័ន្ធយុវជនស្ម័គ្រចិត្តគប់វាល់កម្លាំងពលកម្មចំនួន១.១៤២ថ្ងៃដើម្បីជួយកសាង ជួសជុលផ្ទះនៅឱ្យបណ្តាគ្រួសារ។
ទន្ទឹមនោះ ឆ្លងតាមការពិនិត្យមាន២៩៤គ្រួសារមិនទាន់មានដីឬក៏មិនទាន់គ្រប់លក្ខណៈសម្រាប់សង់ផ្ទះតាមការកំណត់។ លើមូលដ្ឋានណែនាំរបស់ខេត្តបានចលនាកៀរគររាល់ប្រភពកម្លាំង បណ្តាភូមិភាគដោះស្រាយបញ្ហាដីនៅបានចំនួន២១គ្រួសារ។
ថ្លែងការណ៍ក្នុងពិធីប្រជុំ សមមិត្តឡឹមវ៉ាំងម៉ឹងស្ងើចសរសើរ វាយតម្លៃខ្ពស់ស្មារតីទទួលខុសត្រូវរបស់បណ្តាមន្ទីរគណៈផ្នែកអង្គការមហាជនគ្រប់ថ្នាក់និងបណ្តាភូមិភាគក្នុងខេត្តក្នុងការផ្សព្វផ្សាយអនុវត្តកម្មវិធីបំបាត់ផ្ទះបណ្តោះអាសន្នផ្ទះទ្រុឌទ្រោមលើភូមិដ្ឋានខេត្តក្នុងពេលកន្លង។ លេខាបក្សខេត្តសំណូមពរបណ្តាមន្ទីរគណៈផ្នែកនានាគប្បីជម្រុញល្បឿនទទួលថវិកាពីមជ្ឈិមនិងថវិកាឧបត្ថម្ភដើម្បីធានាល្បឿនអនុវត្តកម្មវិធី មន្ទីរកសិកម្មនិងបរិស្ថានគប្បីសហការជាមួយបណ្តាភូមិភាគមានវិធានការដោះស្រាយការលំបាកចំពោះមុខសញ្ញាដែលមិនទាន់មានដីនៅឬក៏មិនទាន់គ្រប់លក្ខណៈសម្រាប់សង់ផ្ទះតាមការកំណត់។ ទន្ទឹមនោះ គណៈកម្មាធិការរណសិរ្សមាតុភូមិវៀតណាមខេត្តគប្បីបន្តអនុវត្តល្អការចលនាមូលនិធិដើម្បីអ្នកក្រ សហការបើកពិធីបំផុសចលនាព្រួតដៃបំបាត់ផ្ទះបណ្តោះអាសន្ន ផ្ទះទ្រុឌទ្រោមលើភូមិដ្ឋានខេត្តដើម្បីកៀរគររាល់ប្រភពកម្លាំង បណ្តាមន្ទីរគណៈផ្នែកខេត្តគប្បីបន្តឆ្លៀតការជំនួយរបស់មជ្ឈិម។ តាមនោះ ធានាល្បឿនអនុវត្តកម្មវិធីសម្រេចតាមទិសដៅរួមគឺសម្រេចមុនថ្ងៃ៣០កញ្ញាឆ្នាំ២០២៥ ទិសដៅនៃដំណាក់កាលនីមួយៗ តាមផែនការដែលបានដាក់ចេញនិងទិសដៅដោយអត្ថន័យនយោបាយគឺសម្រេចការបំបាត់ផ្ទះបណ្តោះអាសន្ន ផ្ទះទ្រុឌទ្រោមជូនមុខសញ្ញាអ្នកមានសគុណមុនថ្ងៃ៣០ មេសាឆ្នាំ២០២៥ មុខសញ្ញាចំណុះកម្មវិធីទិសដៅជាតិអភិវឌ្ឍសេដ្ឋកិច្ច-សង្គមតំបន់ជនជាតិភាគតិចមុនបុណ្យចូលឆ្នាំថ្មីខ្មែរឆ្នាំ២០២៥៕
តឹងផាក-សុផល
Thông tin bạn đọc
Đóng Lưu thông tin