 |
| បងសាវេត (ទីពីរពីស្តាំ) ប្រធានគណៈប្រជាជនភូមិតាកាន់បេ ឃុំធ្វឹងហ្វា ស្រុកចូវថាញ់ បានទទួលប័ណ្ណសរសើរពីគណៈកម្មាធិការប្រជាជនខេត្ត។ |
តាកាន់បេជាភូមិមានជនរួមជាតិខ្មែររស់នៅច្រើនជាង៧៥%។ ផ្លូវនៅតែពិបាកធ្វើដំណើរ ឥទ្ធិពលយ៉ាងខ្លាំងដល់ជីវភាពការផលិតរបស់ប្រជាជន។ ពេលដែលរដ្ឋអំណាចបំផុសចលនាកសាងជនបទថ្មី បងសាវេតកៀរគរប្រជាជនឱ្យរួមកម្លាំងជាមួយរដ្ឋដើម្បីអនុវត្តគម្រោងជនបទ។ តាមនោះ បងចលនាប្រជាជនបរិច្ចាគដីសម្ភារៈ កម្លាំងពលកម្មនិងចលនាសម្បុរសជនគប់វាល់ដើម្បីសង់ស្ពាន ផ្លូវជនបទ។ ដោយប្រិយភាពរបស់កម្មាភិបាលបក្ខជន និយាយទន្ទឹមនឹងធ្វើ ធ្វើមានប្រសិទ្ធភាព អស់រយៈពេលជាង១០ឆ្នាំ បងសាវេតបានកៀរគរសង់ស្ពានបេតុងជនបទជាង១០ (ស្ពាននីមួយៗមានតម្លៃពី៨០-១៥០លានដុង) កសាងផ្លូវដានចំនួន២ ប្រវែងជិត៣គីឡូម៉ែត្រ បង្គោលទង់ជាង៥០ ដាក់អំពូលភ្លើងអុជបំភ្លឺផ្លូវជនបទ រក្សាអនាម័យបរិស្ថាន… ធ្វើឱ្យភូមិស្រុកធំទូលាយ រឹងមាំ បៃតង-ស្អាត។ ពូហ្វិញគិត នៅភូមិតាកាន់បេ ឃុំធ្វឹងហ្វាឱ្យដឹង៖ អាស្រ័យដោយមានបងសាវេត ផ្លូវ ស្ពានជនបទបានកសាងរឹងមាំ តភ្ជាប់ជាមួយឃុំ ភូមិភាគផ្សេងទៀត ការដឹកជញ្ជូនទំនិញ លក់ដូរ ការធ្វើដំណើរមានភាពងាយស្រួល ដូច្នេះហើយ ជីវភាពកាន់តែប្រសើរឡើងជាលំដាប់។ បងសាវេតពិតជាបក្ខជនគំរូ អស់ពីចិត្ត ជិតស្និទ្ធជាមួយប្រជាជននិងនិយាយបានធ្វើបាន ដូច្នេះ អ្នករាល់គ្នានរណាក៏គោរពស្រឡាញ់។
ទន្ទឹមនឹងនោះ បងសាវេតក៏បានកៀរគរមាមីងខ្មែរបរិច្ចាគដីសង់អគារវប្បធម៌ គប់វាល់សង់សាលាទានឱ្យមានកន្លែងសម្រាប់ធ្វើពិធីកិច្ចសាសនា ចាត់តាំងបុណ្យកម្សាន្តស្រុក។ បងសាវេតឱ្យដឹង៖មុននឹងធ្វើប្រធានគណៈប្រជាជនភូមិ ខ្ញុំមានបទពិសោធន៍១០ឆ្នាំធ្វើការងាររណសិរ្ស ម្ល៉ោះហើយការកៀរគរសប្បុរសជនគឺមានភាពងាយស្រួល។ ម្យ៉ាងវិញទៀត ខ្ញុំនិយាយគឺខ្ញុំធ្វើ និងថវិកាដែលសប្បុរសជន ប្រជាជនគប់វាល់តែងប្រជុំបើកចំហ តម្លាភាពចំពោះមុខប្រជាជន។ ខ្ញុំបានកំណត់អ្វីដែលមានផលប្រយោជន៍ដល់ប្រជាជន បម្រើដល់ការអភិវឌ្ឍជនបទគឺខ្ញុំធ្វើ។ ខ្ញុំនិងគ្រួសារតែងធ្វើជាគំរូ ចូលរួមយ៉ាងសកម្មក្នុងចលនាភូមិភាគអភិវឌ្ឍសេដ្ឋកិច្ចដើម្បីជីវភាពធូរធារ។ អាស្រ័យហេតុនេះ មាមីងខ្មែរឃើញទើបជឿ ស្តាប់និងធ្វើតាម។
សមមិត្តដាំងធីយីមភឿង-ប្រធានគណៈកម្មាធិការប្រជាជនឃុំធ្វឹងហ្វា ឱ្យដឹង៖
បងហ្វិញសាវេត ជាកម្មាភិបាលបក្ខជនគំរូអស់ពីចិត្តជាមួយការងារជាគំរូកសិករផលិតពូកែ។ ជាមួយនឹងការគប់វាល់របស់បងបានជួយឱ្យជនបទតាកាន់បេធំទូលាយ រឹងមាំ ស្អាតនិងប្រជាជនធ្វើដំណើរងាយស្រួលការអភិវឌ្ឍសេដ្ឋកិច្ច។ បងសាវេតទើបបានគណៈកម្មាធិការប្រជាជនខេត្តសុកត្រាំងជូនប័ណ្ណសរសើរចំពោះស្នាដៃក្នុងការកសាងជនបទថ្មី៕
ដាលីន-លីហាន់
Thông tin bạn đọc
Đóng Lưu thông tin