សាទរកិច្ចបំផុសចលនា “រួមកម្លាំងបំបាត់ផ្ទះបណ្តោះអាសន្ន ផ្ទះទ្រុឌទ្រោម” នៅលើភូមិដ្ឋាន ពង្រីកតួនាទីគំរូឈានមុខរបស់យុវជន ប៉ុន្មានថ្ងៃកន្លង បណ្តាសម័្ពន្ធយុវជនស្រុកត្រឹងដេ (សុកត្រាំង) ចូលរួមយ៉ាងសកម្មក្នុងការស្ម័គ្រចិត្ត ជាមួយស្មារតីអស់ពីចិត្ត ទទួលខុសត្រូវរួមកម្លាំងគប់វាល់រុះរើផ្ទះបណ្តោះអាសន្ន ផ្ទះទ្រុឌទ្រោមនៅលើភូមិដ្ឋាន។
បំបាត់ផ្ទះបណ្តោះអាសន្ន ផ្ទះទ្រុឌទ្រោម គឺជាគោលនយោបាយសំខាន់របស់បក្ស រដ្ឋ ដើម្បីឆ្ពោះដល់សង្គមរីកចម្រើននិងអភិវឌ្ឍន៍ បង្កលក្ខណៈជួយអ្នកក្រលើកស្ទួយជីវភាពឈានឡើងចាកផុតក្រ លើកកម្ពស់ការអភិវឌ្ឍសេដ្ឋកិច្ចគ្រួសារ។ បច្ចុប្បន្ន នៅលើភូមិដ្ឋានស្រុកត្រឹងដេ សរុបចំនួនគ្រួសារដែលត្រូវការបំបាត់ផ្ទះបណ្តោះអាសន្ន ផ្ទះទ្រុឌទ្រោមមានចំនួន៦០៩ខ្នង ក្នុងនោះ គ្រួសារក្រមាន១១៧ខ្នង គ្រួសារក្បែរក្រមាន៣៥៦ខ្នង គ្រួសារគោលនយោបាយ១១៩ខ្នង កម្មវិធីទិសដៅជាតិសម្រាប់ជនជាតិភាគតិចមាន១៧ខ្នង។ ដោយពាក្យស្លោក "រួមកម្លាំងដើម្បីអ្នកក្រ មិនទុកចោលអ្នកណា” សមាជិកសម្ព័ន្ធយុវជនស្រុក បានសហការជាមួយគណៈផ្នែកគ្រប់ថ្នាក់ចូលរួមអនុវត្តកម្មវិធី “រួមកម្លាំងបំបាត់ផ្ទះបណ្តោះអាសន្ន ផ្ទះទ្រុឌទ្រោម” នៅលើភូមិដ្ឋានបានទាក់ទាញសមាជិកសម្ព័ន្ធយុវជនចូលរួម១០៦រូប តាមការស្មានសរុបតម្លៃពលកម្មជាង២៦លានដុង ដោយបានចូលរួមឧបត្ថម្ភរុះរើផ្ទះនៅចំនួន១០ខ្នង នៅបណ្តាឃុំ ទីរួមស្រុកដូចៈ ទ្រុងប៊ិញ ថាញ់ធើយអាង វៀងប៊ិញ វៀងអាងនិងលិតហូយធឿង។
 |
| សមាជិកសម័្ពន្ធយុវជនឃុំទ្រុងប៊ិញ ស្រុកត្រឹងដេ (សុកត្រាំង) រួមកម្លាំងបំបាត់ផ្ទះបណ្តោះអាសន្ន ផ្ទះទ្រុឌទ្រោម។ |
សមមិត្តស៊ើងធីលិន-អនុលេខាសម្ព័ន្ធយុវជនឃុំទ្រុងប៊ិញចែករំលែក៖ ដើម្បីសាទរកិច្ចបំផុសចលនាបំបាត់ផ្ទះបណ្តោះអាសន្ន ផ្ទះទ្រុឌទ្រោម សម្ព័ន្ធយុវជនបានសហការជាមួយផ្នែក អង្គការមហាជននានាដើម្បីចូលរួមយ៉ាងសកម្មឧបត្ថម្ភរុះរើផ្ទះបណ្តោះអាសន្ន ផ្ទះទ្រុឌទ្រោមចំនួន៥ខ្នងនៅលើភូមិដ្ឋាន តាំងពីនោះ ធានាបានការសង់ថ្មីនិងជួសជុលផ្ទះនៅឱ្យបានសម្រេចឆាប់បំផុត ដើម្បីប្រជាជនមានផ្ទះនៅថ្មីសម្រាប់ទទួលតេតង្វៀងដាងឆ្នាំ២០២៥។
ជាមួយស្មារតីទទួលខុសត្រូវនិងមានការស្ម័គ្រចិត្ត កងកម្លាំងសមាជិកសម្ព័ន្ធយុវជនបានចូលរួមគប់វាល់កម្លាំង ថ្ងៃពលកម្មក្នុងការងារជាក់ស្តែង ដូចជារុះរើផ្ទះបណ្តោះអាសន្ន ផ្ទះទ្រុឌទ្រោម ដឹកជញ្ជូនសម្ភារៈសំណង់ (ឥដ្ឋ ខ្សាច់ ស៊ីម៉ងត៍) ចាក់គ្រឹះ។ល។ ទន្ទឹមនឹងនោះ អង្គការគ្រប់ថ្នាក់ ក៏កៀរគរប្រជាជននៅតាមភូមិនានា រួមកម្លាំងអនុវត្តប្តេជ្ញាសម្រេចបានជោគជ័យកម្មវិធីបំបាត់ផ្ទះបណ្តោះអាសន្ន ផ្ទះទ្រុឌទ្រោមនៅលើភូមិដ្ឋានស្រុក។
បងឡឹមហ្វាងទ្វឹង-សមាជិកសម្ព័ន្ធយុវជនឃុំវៀងអាងឱ្យដឹង៖ ពេលសម្ព័ន្ធយុវជនអនុវត្តកិច្ចបំផុសចលនារួមកម្លាំងបំបាត់ផ្ទះបណ្តោះអាសន្ន ផ្ទះទ្រុឌទ្រោមនៅលើភូមិដ្ឋាន ខ្ញុំបានចុះឈ្មោះចូលរួម នេះជាការងារដ៏មានអត្ថន័យសំខាន់ណាស់ ខ្ញុំសង្ឃឹមថា យើងអាចគប់វាល់មួយផ្នែកនៃកម្លាំងរបស់ខ្លួន ដើម្បីជួយប្រជាជនក្រមានផ្ទះថ្មី មានជីវភាពកាន់តែប្រសើរជាង ពិសេសក្នុងឱកាសតេតឆ្នាំនេះ។
 |
| សម្ព័ន្ធយុវជនឃុំវៀងអាង ស្រុកត្រឹងដេ (សុកត្រាំង) បានចូលរួមយ៉ាងសកម្មក្នុងការរុះរើផ្ទះបណ្តោះអាសន្ន ផ្ទះទ្រុឌទ្រោមជូនប្រជាជននៅលើភូមិដ្ឋាន។ |
តាមសមមិត្តឡឹមមិញដ្វង-អនុលេខាសម្ព័ន្ធយុវជនស្រុកត្រឹងដេ ឱ្យដឹង៖ ក្នុងអំឡុងពេលនេះ សម្ព័ន្ធយុវជនស្រុកត្រឹងដេ សាទរយ៉ាងសកម្មចំពោះកិច្ចបំផុសចលនា រួមកម្លាំងបំបាត់ផ្ទះបណ្តោះអាសន្ន ផ្ទះទ្រុឌទ្រោមនៅលើភូមិដ្ឋាន ដោយបានទាក់ទាញសមាជិកសម្ព័ន្ធយុវជនចូលរួមជាង១០០រូប។ នេះជាគោលនយោបាយសំខាន់របស់បក្សនិងរដ្ឋ ដែលពោរពេញដោយមនុស្សសាស្ត្រយ៉ាងជ្រាលជ្រៅ បង្កលក្ខណៈសម្រាប់គ្រួសារក្រ គ្រួសារក្បែរក្រ គ្រួសារលំបាកអំពីផ្ទះនៅមានផ្ទះថ្មីរឹងមាំ បង្កការលើកទឹកចិត្តដើម្បីជួយប្រជាជនឈានឡើងក្នុងជីវភាព។ សម្ព័ន្ធយុវជនស្រុក នឹងបន្តលើកកម្ពស់ស្មារតីឈានមុខចូលរួមឧបត្ថម្ភតាមសេចក្តីចង្អុលការរបស់ថ្នាក់ដឹកនាំគ្រប់ថ្នាក់ គណៈចង្អុលការបំបាត់ផ្ទះបណ្តោះអាសន្ន ផ្ទះទ្រុឌទ្រោមពេលអនុវត្តជំហានបន្ទាប់។
សកម្មភាពតូច តែអត្ថន័យធំ យុវជនស្រុកត្រឹងដេ បានរួមចំណែកពង្រីកប្រពៃណីល្អស្អាតរបស់ជនជាតិ ផ្សព្វផ្សាយស្មារតីមនុស្សសាស្ត្រ ផ្តល់កម្លាំងចិត្តដល់គ្រួសារជម្នះការលំបាក។ នាពេលខាងមុខ សម្ព័ន្ធយុវជននឹងបន្តរួមកម្លាំងជំរុញការបំបាត់ផ្ទះបណ្តោះអាសន្ន ផ្ទះទ្រុឌទ្រោមនៅលើភូមិដ្ឋាន ផ្ទះរឹងមាំជាច្រើនបានសាងសង់រួចរាល់ នាំមកនូវភាពរីករាយដល់ប្រជាជនក្នុងឆ្នាំថ្មី៕
ហុងទើ
Thông tin bạn đọc
Đóng Lưu thông tin