ស្រុកជនបទថ្មីចូវថាញ់ទទួលនិទាឃរដូវដោយក្តីមោតនះនិងរីករាយ

ទទួលនិទាឃរដូវឆ្នាំ២០២៥ចូវថាញ់មានបន្ថែមអនុភាព កម្លាំងជំរុញថ្វីដ្បិតជានិទាឃរដូវដំបូងដែលបក្ខភាគ រដ្ឋអំណាចប្រជាជនស្រុកបានទទួលតេតង្វៀងដាងក្នុងក្តីរីករាយ “ស្រុកសម្រេចបទដ្ឋានជនបទថ្មី” ។

វិលមកស្រុកចូវថាញ់ប៉ុន្មានថ្ងៃជិតបុណ្យតេតទីណាក៏ពោរពេញបរិយាកាសទទួលឆ្នាំថ្មី។ បណ្តាដងផ្លូវស្អាតបាត ផ្ទះថ្មជាជួរបញ្ជាក់ឱ្យឃើញជីវភាពប្រជាជនមួយថ្ងៃកាន់តែសុខដុម។ ប្រជាជនរីករាយនិងមោទនៈព្រោះសមិទ្ធផលសម្រេចបានរយៈពេលកន្លង។ ពូយ័ញនិញចែវនៅភូមិកំពង់ទ្រព្យA ឃុំអាងហ៊ីប ស្រុកចូវថាញ់និយាយ៖ ពីពេលឃុំ ស្រុកអនុវត្តកសាងជនបទថ្មីបានរួមចំណែកផ្លាស់ថ្មី ជីវភាពសម្ភារៈប្រជាជនមានការប្រែផ្លាស់យ៉ាងច្រើន។ ផ្លូវជនបទបានវិនិយោគ បើកទូលាយបង្កលក្ខណៈឱ្យប្រជាជនធ្វើដំណើរទៅមកនិងដឹកជញ្ជូនមុខទំនិញ ប្រជាជនភូមិភាគរួមព្រួតដៃកសាងទិដ្ឋភាពបរិស្ថាន ដាំផ្ការួមចំណែកបង្កបានច្រើនដងផ្លូវខៀវ ស្រស់ស្អាត។ អនុលេខាបក្សស្រុក ប្រធានគណៈកម្មាធិការប្រជាជនស្រុកចូវថាញ់ទ្រឿងក្វុកដៀងអះអាង៖ ការកសាងជនបទថ្មីបានគ្របដណ្តប់ពេញភូមិស្រុករួមចំណែកកែប្រែជីវភាពប្រជាជនទាំងពីសម្ភារៈនិងស្មារតី។ ច្រើនសំណង់អត្ថប្រយោជន៍សង្គមដូចៈ ផ្លូវគមនាគមន៍ ដំណាក់សុខាភិបាល សាលារៀន អគារវប្បធម៌បានលើកកម្ពស់កសាងខែងរ៉ែងឆ្លើយតបទាន់ពេលការថែទាំសុខភាព កម្សាន្តសប្បាយរៀនសូត្ររបស់ប្រជាជន។ មកដល់សព្វថ្ងៃ ផ្លូវគមនាគមន៍ភូមិតភ្ជាប់ភូមិនិងតភ្ជាប់ឃុំលើភូមិដ្ឋានបានចាក់បេតុងរាបរលូនស្អាតបាតធានាក្នុងការធ្វើដំណើរងាយស្រួល។ ប្រព័ន្ធព្រែកប្រឡាយធារាសាស្ត្របានវិនិយោគជីកស្តារឆ្លើយតបសំណូមពរផលិតប្រកបជីវភាពប្រជាជនជនបទរួមចំណែកជំរុញអភិវឌ្ឍសេដ្ឋកិច្ចភូមិភាគ។

ស្រុកចូវថាញ់(សុកត្រាំង)បានទទួលស្គាល់ស្រុកជនបទថ្មីជាក្តីរីករាយនិងក្តីមោទនៈរបស់គណៈកម្មាធិការបក្ស រដ្ឋអំណាចនិងប្រជាជនភូមិភាគ។

បុណ្យតេតឆ្នាំនេះគ្រួសារបងថាយជុងនៅភូមិភូនិញA ឃុំអាងនិញរីករាយខ្លាំងព្រោះឪឡឹកបានផល លក់បានថ្លៃ។ ជាមួយផ្ទៃដីជាង៣កុងដាំឪឡឹកបងដាំ៣រដូវ/ឆ្នាំនាំមកចំណូលឱ្យគ្រួសារប្រហែល១៥លានដុង/រដូវ។ ជីវភាពគ្រួសារខ្ញុំសព្វថ្ងៃយ៉ាងលំនឹង។ មុននេះកាលនៅផលិតស្រូវប្តីប្រពន្ធខ្ញុំខំប្រឹងយ៉ាងណាជីវភាពក៏មិនធូរធារ។ ឃើញមាមីងក្នុងភូមិដាំឪឡឹកមានចំណេញខ្ញុំក៏ទិញពូជមកដាំនាំមកប្រសិទ្ធភាពសេដ្ឋកិច្ចកើនខ្ពស់ជាងប្រៀបនឹងផលិតស្រូវ។ ឆ្នាំនេះគ្រួសារខ្ញុំទទួលបុណ្យតេតកក់ក្តៅសប្បាយរីករាយណាស់ បងថាយជុងឱ្យដឹងដូច្នេះ។ និទាឃរដូវឆ្នាំនេះក្តីរីករាយសុភមង្គលប្រជាជនចូវថាញ់កើនឡើងទ្វេរដងដ្បិតការខំប្រឹងប្តេជ្ញារបស់ប្រជាជន មកដល់សព្វថ្ងៃ៧/៧ឃុំសម្រេចបទដ្ឋានជនបទថ្មីមាន៣/៧ឃុំសម្រេចបទដ្ឋានជនបទថ្មីលើកកម្ពស់និង១ទីរួមស្រុកបានទទួលស្គាល់ទីក្រុងផ្សារអរិយធម៌និងស្រុកទើបបានទទួលស្គាល់ស្រុកសម្រេចបទដ្ឋានស្រុកជនបទថ្មីនៅចុងឆ្នាំ២០២៤។ ក្នុងកសាងជនបទថ្មីប្រសិនអភិវឌ្ឍសេដ្ឋកិច្ចជាភារកិច្ចសំខាន់គឺការកសាងជនបទអរិយធម៌ពោរពេញដោយអត្តសញ្ញាណវប្បធម៌ក៏ជាកត្តាយ៉ាងចាំបាច់មិនអាចខ្វះបាន។ ដូច្នេះពេលទទួលស្គាល់សម្រេចបទដ្ឋានជនបទថ្មីស្រុកបន្តរក្សានិងលើកកម្ពស់គុណភាពបណ្តាកំហិតនាំមកជីវភាពសម្ភារៈស្មារតីល្អជាងឱ្យប្រជាជន។ប្រឹងប្រែងដល់ឆ្នាំ២០២៦ស្រុកមាន៧/៧ឃុំសម្រេចបទដ្ឋានកសាងជនបទថ្មីលើកកម្ពស់ធានាទិដ្ឋភាពតំបន់ជនបទតែងខៀវ ស្រស់ ស្អាតស្ថេរភាព។ អនុលេខាបក្សស្រុកប្រធានគណៈកម្មាធិការប្រជាជនស្រុកចូវថាញ់ទ្រឿងក្វុកដៀងឱ្យដឹងដូច្នេះ។

ប៉ុន្មានថ្ងៃជិតបុណ្យតេតតំបន់ជនបទស្រុកចូវថាញ់ផ្ការីកស្គុះស្គាយ។

ឆ្នាំចាស់កន្លងផុតទៅប៉ុន្មានថ្ងៃដើមនិទាឃរដូវលើភូមិដ្ឋានស្រុកចូវថាញ់ទីណាក៏ឃើញភាពរីករាយស្រស់បស់របស់ប្រជាជនជាមួយក្តីរីករាយនិងក្តីសង្ឃឹមឆ្នាំថ្មីបរិបូរសុភមង្គល៕

ចន្ថា

ស្រុកជនបទថ្មីចូវថាញ់ទទួលនិទាឃរដូវដោយក្តីមោតនះនិងរីករាយ

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង

ស្រុកជនបទថ្មីចូវថាញ់ទទួលនិទាឃរដូវដោយក្តីមោតនះ​និង​រីករាយ

Thông tin bạn đọc

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង

ស្រុកជនបទថ្មីចូវថាញ់ទទួលនិទាឃរដូវដោយក្តីមោតនះនិងរីករាយ