 |
| ពូទ្រីវស៊ូន អ្នកមានប្រិយភាព នៅភូមិបឹងកក់ ឃុំភូមី ស្រុកមីទូ (សុកត្រាំង) គប់វាល់យ៉ាងសកម្មក្នុងការកសាងភូមិស្រុក។ |
តាមលោកបាញ់ឌឹកក្វាង-អនុប្រធានគណៈកម្មាធិការប្រជាជនឃុំភូមី ស្រុកមីទូឱ្យដឹង ដោយការគប់វាល់ក្នុងការងារចលនារបស់ពូទ្រីវស៊ូន មាមីងខ្មែរ នៅភូមិបឹងកក់បានត្រៀមបរិច្ចាគដីដើម្បីសង់សាលារៀន ធ្វើផ្លូវជនបទ ដូច្នេះ រួមចំណែក ឱ្យឃុំភូមីសម្រេចបទដ្ឋានជនបទថ្មីនៅឆ្នាំ២០២៤។ ដោយមានចរិតស្លូតបូត ស្មោះត្រង់ ជួយអ្នករាល់គ្នាដោយអស់ពីចិត្ត បានមាមីងក្នុងភូមិជំនឿទុកចិត្ត។ គ្រួសារពូមានកូន៤នាក់ ធ្វើជាកម្មាភិបាល បក្ខជន រស់នៅមានការសាមគ្គីជាមួយនឹងអ្នកជិតខាង កូនៗតែងលុះក្នុងដំបូន្មានរបស់ឪពុកម្តាយច្រើនឆ្នាំបន្តបន្ទាប់គ្រួសារពូរក្សាបានកិត្តិនាមជាគ្រួសារវប្បធម៌និងជាគ្រួសារវប្បធម៌ឆ្នើមដែលមានការស្ងើចសរសើរជូនរង្វាន់ពីថ្នាក់ខេត្ត។ ចំណុចល្អដែលពូស៊ូនយល់ដឹងច្រើនអំពីច្បាប់និងគោលនយោបាយចំពោះជនរួមជាតិខ្មែរ ដូច្នេះ ក្នុងការជួបជុំប្រជាជនឬការសម្រុះសម្រួលពីករណីជម្លោះ ពូវិភាគយ៉ាងហ្មត់ចត់ សមហេតុសមផល ដើម្បីឱ្យមាមីងយល់។ ហេតុដូច្នេះ អត្រាជោគជ័យក្រោយពីការសម្រុះសម្រួលតែងសម្រេចខ្ពស់។
តាមពូទ្រីវស៊ូន កាលពីមុន តំបន់ជនបទបឹងកក់មានការលំបាកក្នុងការធ្វើដំណើរ ពេលដែលរដ្ឋមានគោលនយោបាយជាច្រើនសម្រាប់ការផ្សព្វផ្សាយអនុវត្ត ពិសេស កម្មវិធីទិសដៅជាតិស្តីពីការកសាងជនបទថ្មី ដើម្បីជំរុញការអភិវឌ្ឍសេដ្ឋកិច្ច-សង្គម។ តាំងពីនោះ ក្នុងពេលជួបជុំប្រជាជន ពូតែងឃោសនា ចលនានិងវិភាគពីអត្ថប្រយោជន៍នៃការកសាងជនបទថ្មីដើម្បីបម្រើដល់ការអភិវឌ្ឍសេដ្ឋកិច្ចរបស់ប្រជាជននៅតំបន់ជនបទ។ ម្ល៉ោះហើយទើបមាមីងយល់ ពេលមានសាងសង់សំណង់មាមីងស្របមតិគាំទ្រ។ គ្រួសារជាច្រើនបានបរិច្ចាគដីដើម្បីកសាងផ្លូវជនបទ សាលា អ្នកខ្លះដាំផ្ការក្សាអនាម័យភូមិស្រុក គប់វាល់ប្រាក់ដើម្បីដាក់អំពូលភ្លើងថាមពលព្រះអាទិត្យជាង២០០នៅតាមភូមិ សរុបថវិការាប់សិបពាន់លានដុងដើម្បីកសាងជនបទសម្បូរសប្បាយ។ រៀងរាល់ឆ្នាំ ក្នុងពិធីបុណ្យ តេត ពូទ្រីវស៊ូននៅទាំងសកម្មកៀរគរសប្បុរសជនគប់វាល់អំណោយរាប់រយចំណែក អង្ករជាង៥០តោន សម្លៀកបំពាក់និងសម្ភារៈប្រើប្រាស់ផ្សេងទៀតដើម្បីជូនដល់គ្រួសារក្រ សិស្ស ដែលមានស្ថានភាពលំបាក… ពូទ្រីវស៊ូនឱ្យដឹង៖ ខ្ញុំគ្រាន់តែគិតដោយសាមញ្ញ ចង់ឱ្យមាមីងខ្មែរជឿជាក់ ធ្វើតាមគឺខ្លួនត្រូវធ្វើជាគំរូ រស់នៅស្មោះត្រង់និងជួយអ្នករាល់គ្នាដោយអស់ពីចិត្ត។ ចំពោះគ្រួសារត្រូវតែជាឪពុកគំរូ សកម្មក្នុងធ្វើការរកស៊ីដើម្បីមានជីវភាពឈានឡើងធូរធារ ចិញ្ចឹមកូនរៀនសូត្របានជោគជ័យ។ ចំណែកការឃោសនា ចលនា ត្រូវអានសៀវភៅឱ្យបានច្រើន មើលកាសែតដើម្បីយល់ច្បាស់ពីគោលនយោបាយសម្រាប់ផ្សព្វផ្សាយ ចលនាមាមីងខ្មែរអនុវត្តល្អនូវការកំណត់នៃច្បាប់និងព័ត៌មានអំពីគោលនយោបាយដែលមានប្រយោជន៍ដល់មាមីងខ្មែរយល់ដឹង ដើម្បីរួមកម្លាំងអនុវត្តនិងត្រួតពិនិត្យសំណង់ក្នុងពេលអនុវត្ត។
នាពេលកន្លង ការគប់វាល់យ៉ាងសកម្មរបស់អ្នកមានប្រិយភាពក្នុងជនជាតិភាគតិច ក្នុងនោះ មានពូទ្រីវស៊ូន តែងអនុវត្តល្អតួនាទីជាស្ពានតភ្ជាប់ជាមួយប្រជាជននិងរដ្ឋអំណាច រួមកម្លាំង អនុវត្តចលនារួមចំណែកកសាងភូមិស្រុកកាន់តែរីកចម្រើន៕
ដាលីន
Thông tin bạn đọc
Đóng Lưu thông tin