 |
| ពិធីផ្តើមកសាងផ្ទះនៅចំណុះកម្មវិធីបំបាត់ផ្ទះបណ្តោះអាសន្នផ្ទះទ្រុឌទ្រោមលើភូមិដ្ឋានស្រុកថាញ់ទ្រី។ |
តាមរាយការណ៍លទ្ធផលផ្សព្វផ្សាយកម្មវិធី “បំបាត់ផ្ទះបណ្តោះអាសន្នផ្ទះទ្រុឌទ្រោម” លើភូមិដ្ឋានស្រុកថាញ់ទ្រីសរុបគ្រួសារដែលមានតម្រូវការបំបាត់ផ្ទះបណ្តោះអាសន្នផ្ទះទ្រុឌទ្រោមគឺ៦៥៤ខ្នង ក្នុងនោះគ្រួសារគោលនយោបាយចំនួន១៤៩ខ្នង គ្រួសារក្រនិងក្បែរក្រគឺ៤៧៥ខ្នង កម្មវិធីទិសដៅជាតិសម្រាប់ជនជាតិភាគតិចគឺ៣០ខ្នង។ សព្វថ្ងៃមាន២៤៧ខ្នងកំពុងសាងសង់ បម្រុងសម្រេចមុនបុណ្យតេតអឹកទីឆ្នាំ២០២៥ចំនួន១០៨ខ្នង។
ជាគ្រួសារបានជំនួយផ្ទះនៅពីកម្មវិធី“ព្រួតដៃបំបាត់ផ្ទះបណ្តោះអាសន្នផ្ទះទ្រុឌទ្រោម” លើភូមិដ្ឋានស្រុក មីងយឿងធីវ៉ាននៅភូមិទ្រុងហ្វា ឃុំទ្វឹងទឹក ស្រុកថាញ់ទ្រីមានក្តីរីករាយណាស់ពីមុនគ្រួសារមីងរស់ក្នុងផ្ទះទ្រុឌទ្រោមលេចគ្រប់កន្លែងពេលភ្លៀងខ្យល់មកម្តងៗខ្លាចតែរលំ។ កូនៗរបស់មីងទៅធ្វើការនៅទីក្រុង មីងលក់បន្លែនៅឯផ្សាររកបានប្រាក់ចំណូលពី៥០-១០០ពាន់ដុង/ថ្ងៃដើម្បីផ្គត់ផ្គង់ជីវភាពគ្រួសារ។ មីងវ៉ានរីករាយឱ្យដឹង៖ គ្រួសារខ្ញុំមានជីវភាពលំបាកគ្មានដីផលិតប្រាក់ចំណូលរាល់ថ្ងៃអាស្រ័យលក់បន្លែបានបន្តិចបន្តួច ដូច្នេះការសង់ផ្ទះថ្មីចំពោះខ្ញុំគឺមិនអាចសង់បានទេ។ ពេលឮថាបានរដ្ឋអំណាចភូមិភាគជំនួយផ្ទះ១ខ្នងតម្លៃ៦០លានដុងខ្ញុំមានក្តីសប្បាយរីករាយណាស់ អគុណរដ្ឋអំណាចភូមិភាគដែលបានជំនួយផ្ទះឱ្យគ្រួសារខ្ញុំផ្ទះនេះខ្ញុំប្រាថ្នាយូរហើយតែសព្វថ្ងៃបានក្លាយជាការពិត បុណ្យតេតឆ្នាំនេះគ្រួសារខ្ញុំមានភាពកក់ក្តៅណាស់។
 |
| ថ្នាក់ដឹកនាំស្រុកថាញ់ទ្រី(សុកត្រាំង)ជូនតារាងនិមិត្តរូបជំនួយផ្ទះនៅឱ្យគ្រួសារក្រ។ |
រួមនឹងក្តីរីករាយជាមួយមីងវ៉ាន គ្រួសារបងយ័ញហាយ នៅភូមិទ្រុងហ្វា ឃុំទ្វឹងទឹក ស្រុកថាញ់ទ្រីក៏បានជំនួយផ្ទះថ្មី គ្រួសារបងជាគ្រួសារក្ររបស់ឃុំបងធ្វើកម្មករសំណង់រកបានចំណូល២៥០ពាន់ដុង/ថ្ងៃ ប្រពន្ធនៅផ្ទះមើលថែកូន២មិនអាចទៅធ្វើការងារបានដូច្នេះទើបជីវភាពគ្រួសារជួបការលំបាក ប្រាក់ចំណូលមិនលំនឹង ពេលបានរដ្ឋជំនួយផ្ទះនៅពីកម្មវិធី “ព្រួតដៃបំបាត់ផ្ទះបណ្តោះអាសន្នផ្ទះទ្រុឌទ្រោម” លើភូមិដ្ឋានស្រុក គ្រួសារបងមានក្តីសប្បាយរីករាយណាស់ ការជំនួយផ្ទះជាកម្លាំងលើកទឹកចិត្តដើម្បីបងឆ្លងផុតការលំបាក ឈានឡើងក្នុងជីវភាព បងហាយរីករាយឱ្យដឹង៖ បានការយកចិត្តទុកដាក់របស់រដ្ឋអំណាចភូមិភាគ ទើបគ្រួសារខ្ញុំមានផ្ទះថ្មីនៅរឹងមាំ ចាប់ពីថ្ងៃនេះទៅគ្រួសារខ្ញុំមានកន្លែងនៅលំនឹងហើយ។ អរគុណរដ្ឋអំណាចភូមិភាគដែលបានបង្កលក្ខណៈដើម្បីគ្រួសារខ្ញុំមានជីវភាពលំនឹង ស្ងប់ចិត្តធ្វើការបង្កបង្កើនផលពង្រីកសេដ្ឋកិច្ចគ្រួសារ មានផ្ទះនៅថ្មីគ្រួសារខ្ញុំនឹងខិតខំថែរក្សាឱ្យបានស្អាតបាត។
លោកង្វៀងទ្រឿងយ៉ាង-ប្រធានអនុមន្ទីរពលកម្ម-យុទ្ធជនពិការនិងសង្គមស្រុកថាញ់ទ្រីអះអាងថាកម្មវិធី“បំបាត់ផ្ទះបណ្តោះអាសន្នផ្ទះទ្រុឌទ្រោម”ជាកម្មវិធីមួយមានអត្ថន័យប្រកបដោយមនុស្សសាស្រ្តបង្កលក្ខណៈសម្រាប់គ្រួសារគោលនយោបាយ គ្រួសារក្រ គ្រួសារក្បែរក្រ គ្រួសារជួបការលំបាកពីផ្ទះនៅ មានផ្ទះនៅថ្មី ស្អាតស្អំរឹងមាំ។ គណៈចង្អុលការផ្សព្វផ្សាយបំបាត់ផ្ទះបណ្តោះអាសន្នផ្ទះទ្រុឌទ្រោមគប្បីធ្វើការពិនិត្យស្ថានភាពពីផ្ទះនៅនៃបណ្តាមុខសញ្ញាដើម្បីធានាមិនទុកចោលមុខសញ្ញាណាម្នាក់ឡើយ។
“បំបាត់ផ្ទះបណ្តោះអាសន្នផ្ទះទ្រុឌទ្រោម” ជាគោលការណ៍ធំរបស់បក្សនិងរដ្ឋដោយមានការចូលរួមនៃទូទាំងប្រព័ន្ធនយោបាយនិងកិច្ចចង្អុលការយ៉ាងម៉ឹងម៉ាត់របស់គណៈចង្អុលការផ្សព្វផ្សាយ “បំបាត់ផ្ទះបណ្តោះអាសន្នផ្ទះទ្រុឌទ្រោម” រួមជាមួយរដ្ឋអំណាចភូមិភាគគ្រប់ថ្នាក់លើភូមិដ្ឋានស្រុកថាញ់ទ្រីបានប្រមូលផ្តុំផ្សព្វផ្សាយកសាងធានាសម្រេចមុនតេតង្វៀងដាងឆ្នាំ២០២៥ ដើម្បីប្រជាជនទទួលបុណ្យតេតក្នុងផ្ទះថ្មីរឹងមាំ ស្អាតស្អំ៕
ហុងទើ-សុផល
Thông tin bạn đọc
Đóng Lưu thông tin