 |
| ដងផ្លូវជនបទគំរូភូមិញឹក ឃុំចូវខាញ់។ |
មកឃុំចូវខាញ់ ស្រុកឡុងភូ យើងខ្ញុំបានឃើញពីការកសាងជនបទថ្មីតាមដងផ្លូវជនបទនីមួយៗ។ ចាប់ពីមជ្ឈមណ្ឌលឃុំទៅដល់ភូមិនានាតែងបានចាក់បេតុងរាបរលូន ទូលាយសម្រាប់រថយន្តបើកបរ ដងផ្លូវទាំងសងខាងបានដាំផ្កាលម្អនិងដាំដើមឈើជាម្លប់។ មានផ្ទះថ្មសង់ជាជួរ យ៉ាងខែងរ៉ែង ដូច្នេះបង្កចំណាប់អារម្មណ៍ពីតំបន់ជនបទមានភាពរីកចម្រើន។ លោកង្វៀងវ៉ាំងបែ នៅភូមិញឹក ឃុំចូវខាញ់ជាគ្រួសារឈានមុខក្នុងការកសាងជនបទថ្មីបានឆ្លៀតពេលដើម្បីរៀបចំផ្ទះសម្បែង បរិវេណផ្ទះឱ្យបានស្អាត-បៃតង។ ដាំផ្កាធ្វើជារបងនៅខាងមុខផ្ទះលោកស្អាតបំផុត។ តាមលោក នោះជាមោទនភាពរបស់គ្រួសារលោកជាមួយភូមិផងរបងជាមួយ។ ពេលឃុំចាប់ផ្តើមកសាងជនបទថ្មី អ្វីៗគ្រប់យ៉ាងមានភាពផ្លាស់ថ្មី ដងផ្លូវបានស្អាត-បៃតង។ ប្រព័ន្ធផ្លូវគមនាគមន៍តាមវាលស្រែបានចាក់បេតុងរឹងមាំ ជួយឱ្យប្រជាជនធ្វើដំណើរទៅមកនិងដឹកជញ្ជូនកសិកផលបានងាយស្រួល។ ជីវភាពរបស់ប្រជាជនក៏មានការកើនឡើង អត្រាគ្រួសារក្រថយចុះយ៉ាងច្បាស់ យើងខ្ញុំគាំទ្រទាំងស្រុងចំពោះគោលការណ៍កសាងឃុំជនបទថ្មី។ លោកបែបានឱ្យដឹងដូច្នេះ។ លោកហ្វិញភឿកឡើយ-ប្រធានគណៈកម្មាធិការប្រជាជនឃុំចូវខាញ់ ស្រុកឡុងភូបានឱ្យដឹង៖ តាំងពីពេលចូវខាញ់ចាប់ផ្តើមកសាងជនបទថ្មីបានប្រជាជននៅភូមិភាគស្របមតិគាំទ្រ ពីព្រោះពេលកសាងជនបទថ្មីអ្នកដែលទទួលផលច្រើនបំផុតគឺប្រជាជន។ ចូវខាញ់បានដូចសព្វថ្ងៃគឺអាស្រ័យការយកចិត្តទុកដាក់របស់គណៈ ផ្នែកគ្រប់ថ្នាក់ ការប្រឹងប្រែងរបស់កងជួរកម្មាភិបាលមូលដ្ឋាននិងប្រជាជនចូលរួមដោយអស់ពីចិត្ត។ សព្វថ្ងៃ ចូវខាញ់បានសម្រេច១៩/១៩លក្ខឋានជនបទថ្មីនិងកំពុងស្នើថ្នាក់លើដើម្បីទទួលស្គាល់ឃុំសម្រេចបទដ្ឋានជនបទថ្មី ខិតខំប្រឹងប្រែងរក្សានិងលើកកម្ពស់គុណភាពបណ្តាលក្ខឋានជនបទថ្មី ឈានដល់សម្រេចបទដ្ឋានជនបទថ្មីលើកកម្ពស់តាមផែនការដាក់ចេញ។
សេដ្ឋកិច្ចរបស់ឃុំមានការវិវត្តន៍យ៉ាងសកម្ម ពិសេសដោយបានអនុវត្តបណ្តាវិទ្យាសាស្រ្ត បច្ចេកទេស បង្វែររចនាសម្ព័ន្ធពូជដំណាំ សត្វចិញ្ចឹម ក្តាប់ទីផ្សារ ប្រាក់ចំណូលរបស់ប្រជាជនក្នុងឃុំ មួយថ្ងៃកាន់តែកើនឡើង។ អភិវឌ្ឍការផលិតផ្សារភ្ជាប់ជាមួយការរចនាសម្ព័ន្ធវិស័យកសិកម្មរបស់ស្រុកបានឃុំអនុវត្តយ៉ាងល្អជាជំហានដំបូងបង្កើត បានតំបន់ផលិតប្រមូលផ្តុំ ពង្រឹងសកម្មបណ្តាក្រុមសហករណ៍កសិកម្ម។ ទម្រង់ចងសម្ព័ន្ធផលិតរវាងមាមីងកសិករនិងអាជីវកម្មតែងបានភូមិភាគនានាយកចិត្តទុកដាក់ផ្សព្វផ្សាយអនុវត្ត រួមចំណែកបង្កើនប្រាក់ចំណូលប្រជាជននៅជនបទ។ ឆ្នាំ២០២០ ប្រាក់ចំណូលមធ្យមរបស់ប្រជាជនសម្រេច៤១លានដុង/ម្នាក់/ឆ្នាំ ដល់ឆ្នាំ២០២៣ ប្រាក់ចំណូល មធ្យមសម្រេច៥៤លានដុង/ម្នាក់/ឆ្នាំ។ ទិសដៅរបស់កម្មវិធីជនបទថ្មីគឺលើកកម្ពស់គុណភាពជីវភាពសម្ភារៈ ស្មារតីឱ្យប្រជាជនជួយប្រជាជនមានជីវភាពសុខដុមសុភមង្គល តាមនោះ ជម្រុញការអភិវឌ្ឍសេដ្ឋកិច្ច-សង្គមនៅភូមិភាគផ្លាស់ថ្មីទិដ្ឋភាពជនបទ-លោកឡើយបានបញ្ជាក់ដូច្នេះ។
ចូវខាញ់សព្វថ្ងៃមានភាពអភិវឌ្ឍយ៉ាងខ្លាំង អាស្រ័យកម្មវិធីទិសដៅជាតិកសាងជនបទថ្មី ធាតុអាកាសត្រជាក់ យើងខ្ញុំយល់ច្បាស់ពីការផ្លាស់ថ្មី ទិដ្ឋភាពជនបទថ្មីនិងជីវភាពរបស់ប្រជាជននៅទីនេះ៕
ចន្ថា
Thông tin bạn đọc
Đóng Lưu thông tin