 |
| មីងថាច់ធីផន ភូមិតាអង្គ A១ ឃុំធ្វឹងហ៊ឹង ស្រុកមីទូ (សុកត្រាំង) សប្បាយចិត្ត ពេលបានរដ្ឋឧបត្ថម្ភសង់ផ្ទះថ្មី។ |
សំណេះសំណាលជាមួយយើងខ្ញុំ សមមិត្តទ្រឿងថាញ់វូ-អនុប្រធានគណៈកម្មាធិការប្រជាជនឃុំធ្វឹងហ៊ឹងឱ្យដឹង៖ ពេលកន្លង គណៈកម្មាធិការបក្ស រដ្ឋអំណាចឃុំបានយកចិត្តទុកដាក់ផ្តោតលើការផ្សព្វផ្សាយអនុវត្តកម្មវិធី។ ពិសេស ផ្តោតសំខាន់លើការផ្សព្វផ្សាយអនុវត្តគម្រោងទី១ ស្តីពីការដោះស្រាយស្ថានភាពខ្វះដីនៅ ផ្ទះនៅ ដីផលិត ទឹកស្អាតប្រើប្រាស់ ដើម្បីជួយជនជាតិភាគតិចមានលក្ខណៈអភិវឌ្ឍសេដ្ឋកិច្ច ជីវភាពស្ថិរភាព។ មីងថាច់ធីផន នៅភូមិតាអង្គ A១ ជាគ្រួសារក្របានពិនិត្យជំនួយឧបត្ថម្ភពីកម្មវិធី។ មីងថាច់ធីផនរីករាយឱ្យដឹង៖ បានរដ្ឋឧបត្ថម្ភ៤៤លានដុង ខ្ញុំរួមបន្ថែមប្រាក់ដើម្បីសង់ផ្ទះថ្មីរឹងមាំ ខ្ញុំសប្បាយចិត្តណាស់និងអរគុណបក្សនិងរដ្ឋ។ ឆ្លងតាមការស្វែងយល់ បានដឹងមីងផនជាគ្រួសារក្រអនាថា រៀងរាល់ថ្ងៃ មីងទៅធ្វើការឈ្នួលដកស្មៅ ឆ្លូក ប្រាក់រកបានគ្រាន់តែសម្រាប់គ្រប់ចិញ្ចឹមជីវិតប្រចាំថ្ងៃ ដូច្នេះ ការសង់ផ្ទះថ្មីចំពោះមីងមានការលំបាក ឥឡូវបានរដ្ឋសង់ផ្ទះឱ្យរឹងមាំ ជួយមីងសម្រេចបាននូវបំណងប្រាថ្នាដែលចង់បានពីយូរណាស់មកហើយតែសង់មិនទាន់បាន។
គ្រួសារមីងថាច់ធីហ៊ាន នៅភូមិតាឡី១ ក៏ជាគ្រួសារក្រ រស់នៅជាមួយបងស្រី រាល់ថ្ងៃមីងលក់ចេកចៀនដើម្បីមានប្រាក់ចំណូលសម្រាប់ចិញ្ចឹមជីវិត។ ឆ្នាំ២០២៣ បានរដ្ឋអំណាចភូមិភាគឧបត្ថម្ភ១០លានដុងពីប្រភពទុនផ្លាស់ប្តូរមុខរបរមីងវិនិយោគសម្ភារៈប្រើប្រាស់ដូចៈ តុ កៅអី ចាន… ដើម្បីលក់អាហារពេលព្រឹកមានប្រាក់ចំណូលបន្ថែម… រីករាយជាមួយការឧបត្ថម្ភទាន់ពេល មីងហ៊ានចែករំលែក៖ ខ្ញុំសប្បាយចិត្តណាស់និងអរគុណបក្ស រដ្ឋដែលបានយកចិត្តទុកដាក់ឧបត្ថម្ភគ្រួសារខ្ញុំ ខ្ញុំនឹងខិតខំធ្វើការរកស៊ី លក់ដូរបង្កើនប្រាក់ចំណូល គិតអានជីវភាព។ តាមសមមិត្តទ្រឿងថាញ់វូ ចាប់តាំងពីផ្សព្វផ្សាយអនុវត្តកម្មវិធី ដែលបានយកចិត្តទុកដាក់ចង្អុលការរបស់គណៈកម្មាធិការបក្ស ក្រុមប្រឹក្សាប្រជាជន គណៈកម្មាធិការប្រជាជនស្រុក ការជំនួយឧបត្ថម្ភរបស់គណៈផ្នែកស្រុក ការសាមគ្គីឯកភាពរបស់គណៈកម្មាធិកាបក្ស រដ្ឋអំណាចភូមិភាគ ការស្របមតិរបស់ប្រជាជនក្នុងការចាត់តាំងអនុវត្ត។ តាំងពីនោះ អនុវត្តមានប្រសិទ្ធភាពខ្លឹមសារនៃកម្មវិធីតាមផែនការដែលបានដាក់ចេញ។ ឆ្នាំ២០២៣ ឃុំនឹងផ្សព្វផ្សាយអនុវត្តសម្រេចគម្រោងទី១។
អាចឃើញថា កម្មវិធីទិសដៅជាតិអភិវឌ្ឍសេដ្ឋកិច្ច-សង្គមតំបន់ជនជាតិភាគតិចបាននិងកំពុងរួមចំណែកលើកកម្ពស់ជីវភាពសម្ភារៈ ស្មារតីរបស់មាមីងបានធ្វើឱ្យភូមិស្រុកជនបទផ្លាស់ថ្មី។ ដើម្បីអនុវត្តមានប្រសិទ្ធភាពកម្មវិធីនាពេលខាងមុខ គណៈកម្មាធិការបក្ស រដ្ឋអំណាចភូមិភាគនឹងបន្តសហការផ្សព្វផ្សាយអនុវត្តដើម្បីជនរួមជាតិខ្មែរមានលក្ខណៈអភិវឌ្ឍសេដ្ឋកិច្ចឈានឡើងជីវភាពលំនឹង។
ថាញ់វ៉ាង
Thông tin bạn đọc
Đóng Lưu thông tin