 |
| ដងផ្លូវជនបទថ្មី ភូមិតឹងគ្វីអា ឃុំតឹងហ៊ឹង ស្រុកឡុងភូ (សុកត្រាំង)។ |
ចាប់ពីឆ្នាំ២០២២ មកដល់ពេលនេះ ប្រភពទុនកម្មវិធីទិសដៅជាតិអភិវឌ្ឍសេដ្ឋកិច្ច-សង្គមនៅតំបន់ជនជាតិភាគតិចនិងតំបន់ភ្នំ (ហៅកាត់ថាកម្មវិធី) ដំណាក់កាល១ (២០២១-២០២៥) ឃុំតឹងហ៊ឹង ស្រុកឡុងភូបានអនុវត្តគម្រោង៤មានប្រសិទ្ធភាពវិនិយោគហេដ្ឋារចនាសម្ព័ន្ធសំខាន់ៗ ដើម្បីបម្រើដល់ការផលិត ជីវភាពនៅតំបន់ជនជាតិភាគតិច សរុបថវិកាជាង៦ពាន់លានដុង ក្នុងនោះ ប្រភពទុនពីឆ្នាំ២០២២-២០២៣ ផ្ទេរឆ្លងឆ្នាំ២០២៤មានជាង៧០លានដុង។
ឃុំបានផ្តោតសំខាន់លើការផ្សព្វផ្សាយវិនិយោគកសាងហេដ្ឋារចនាសម្ព័ន្ធសំខាន់ៗនៅតាមភូមិលំបាក ដែលមានបណ្តាគម្រោងដូចជាៈ ផ្លូវតភ្ជាប់ចំណុះភូមិតឹងគ្វីបេ ផ្លូវតំបន់៣ (កំណាត់ពីព្រែកហ៊ឹងថាញ់ដល់ព្រែកអុងកប) ចំណុះភូមិកគោ ផ្លូវតំបន់៣ (កំណាត់ពីព្រែក៩៦ឡុងហ៊ឹងដល់ព្រែកអុងកប) ចំណុះភូមិកគោ ស្ពានព្រែកអុងកបភូមិកគោ២កំណាត់ផ្លូវសុកយឿ-បឹងត្រាវ ផ្លូវតំបន់៣ (កំណាត់ពីព្រែកអុងកបដល់ចុងផ្លូវ) ចំណុះភូមិកគោ។ ទន្ទឹមនឹងនោះ ឃុំក៏បានជួសជុល ថែទាំគម្រោងហេដ្ឋារចនាសម្ព័ន្ធដែលទ្រុឌទ្រោមមានបណ្តាសំណង់ដូចៈ ផ្លូវបឹងឡុង២ ចំណុះភូមិតឹងគ្វីបេ ផ្លូវសមរ៉ីចំណុះភូមិតឹងគ្វីបេ ផ្លូវគេនសាងចំណុះភូមិតឹងគ្វីអា តឹងគ្វីបេនិងកគោ។
ពូស៊ើងគី ភូមិតឹងគ្វីបេ ឃុំតឹងហ៊ឹង បានចែក រំលែកយ៉ាងសប្បាយរីករាយ៖ ដោយបានការយកចិត្តទុកដាក់ពីរដ្ឋអំណាចគ្រប់ថ្នាក់ បានវិនិយោគសង់ ស្ពាននិងផ្លូវជាច្រើន ដើម្បីបម្រើក្នុងការធ្វើដំណើរទៅមក ដឹកជញ្ជូនកសិផលកាន់តែងាយស្រួល។ កាលពីផ្លូវមិនទាន់បានវិនិយោគកសាង មុខផ្ទះខ្ញុំផ្លូវដីភក់ រអិលហើយពិបាកក្នុងការធ្វើដំណើរទៅមក ពិសេសរដូវវស្សា ឥឡូវមានផ្លូវថ្មី ក្មួយៗទៅរៀនបានស្រួល។
ក្រៅពីនេះ រដ្ឋអំណាចគណៈកម្មាធិការប្រជាជនឃុំគ្រប់ថ្នាក់ ក៏បានកៀរគរប្រជាជនបរិច្ចាគដីធ្វើផ្លូវ បង្កើតមូលនិធិកសាងជនបទថ្មី ឃោសនាចលនាប្រជាជនធ្វើស្មៅ អនាម័យបរិស្ថាន ដាំផ្កា កសាងបណ្តាដងផ្លូវផ្កាជនបទថ្មី។ ឆ្លងតាមនោះ បានរួមចំណែកលើកកម្ពស់ការយល់ដឹងរបស់មាមីងធ្វើឱ្យផ្លាស់ប្តូរទិដ្ឋភាពជនបទថ្មីនៃឃុំតឹងហ៊ឹងឱ្យកាន់តែបៃតង-ស្រស់ស្អាត។
តាមសមមិត្តដាំងថាញ់ញ៉ាង-អនុប្រធានគណៈកម្មាធិការប្រជាជនឃុំតឹងហ៊ឹង ឱ្យដឹង៖ ពីប្រភពទុនកម្មវិធី ហេដ្ឋារចនាសម្ព័ន្ធជនបទបានវិនិយោគកសាងជាមូលដ្ឋាន សំណង់ ផ្លូវគមនាគមន៍ជាច្រើន សំណង់ទឹកស្អាតប្រើប្រាស់ សំណង់ធារាសាស្ត្រនិងសំណង់មួយចំនួនផ្សេងទៀតបានកសាង។ គ្រួសារក្រជាច្រើនបានឧបត្ថម្ភដីផលិត ឧបត្ថម្ភផ្លាស់ប្តូរមុខរបរ ឧបត្ថម្ភទឹកស្អាតស្របអនាម័យ។ល។ តាំងពីនោះ ជួយមាមីងឈានឡើងលំនឹងជីវភាព អភិវឌ្ឍសេដ្ឋកិច្ច បន្ថយក្រស្ថេរភាព។ ដោយការអនុវត្តមានប្រសិទ្ធភាពនូវគោលនយោបាយ កម្មវិធី គម្រោងឧបត្ថម្ភជនជាតិ ភាគតិច បានបង្កើនការលើកទឹកចិត្តដ៏អស្ចារ្យ ដើម្បីប្រជាជនសាមគ្គី ខិតខំកសាងភូមិស្រុក។
នាពេលខាងមុខ ឃុំនឹងបន្តជំរុញប្រភពទុនអនុវត្តកម្មវិធី ពិសេសគឺគម្រោងវិនិយោគអភិវឌ្ឍហេដ្ឋារចនាសម្ព័ន្ធសំខាន់ៗបម្រើប្រជាជននៅលើភូមិដ្ឋានលំបាក រួមចំណែកលើកស្ទួយជីវភាពសម្ភារៈ ស្មារតីរបស់ប្រជាជន បង្កលក្ខណៈជូនមាមីងកែលម្អជីវភាព អភិវឌ្ឍសេដ្ឋកិច្ចគ្រួសារ៕
ហុងទើ-លីហាន់
Thông tin bạn đọc
Đóng Lưu thông tin